1 der melech Belshatsar hot gemacht a groisn moltsait far toiznt fun zaine groise lait, un hot getrunken vain mit di toiznt.

2 hot Belshatsar, az er hot farzucht dem vain, bafoiln tsu brengen di gilderne un zilberne keilim, vos zain foter Nevuchadnetsar hot aroisgenumen fun dem heichl vos in Yerushalayim; kedei der melech, un zaine groise lait, zaine vaiber, un zaine kepsvaiber, zoln trinken in zei. 3 dentsmol hot men gebracht di gilderne keilim, vos me hot aroisgenumen fun dem heichl fun Hashems hoiz vos in Yerushalayim, un der melech, un zaine groise lait, zaine vaiber, un zaine kepsvaiber, hobn getrunken in zei. 4 zei hobn getrunken vain, un geloibt di Elokei hazahav un zilber, fun kuper, aizn, holts, un shtein.

5 in der eigener sheh zainen arois finger fun a mentshns hant, un hobn geshribn akegn dem laichter, oifn kalch fun der vant fun dem melechs palats; un der melech hot gezen di hantflech vos hot geshribn. 6 dentsmol hot zich gebitn dem melechs farb, un zaine reionut hobn im geshrokn, un di gelenken fun zaine lendn zainen loiz gevorn, un zaine kni hobn zich geklapt eins on andern. 7 hot der melech oisgerufn in der heich, me zol arainbrengen di tsoibershprecher, di Kasdim, un di shternzeer. der melech hot zich opgerufn un hot gezogt tsu di chachomim fun Bavel: ver nor es vet iberliyenen dos dozike geshrifts, un vet dem pitron derfun mir basheidn, vet in purpl ongekleidt vern, mit a gilderner keit oif zain haldz, un vi a driter in der meluche geveltikn.

8 dentsmol zainen araingekumen ale chachomim fun melech, ober zei hobn nisht gekent iberliyenen dos geshrifts, un dem pitron lozn visen dem melech. 9 hot dentsmol der melech Belshatsar zich shtark dershrokn, un zain farb hot zich oif im gebitn, un zaine groise lait zainen gevorn tsetumlt.

10 iz fun vegen di verter fun dem melech un zaine groise lait araingekumen di malke in hoiz fun moltsait; hot zich opgerufn di malke un hot gezogt: eibik lebn zol der melech! zoln daine reionut dich nisht shrekn, un dain farb zol zich nisht baitn. 11 faran a man in dain kinigraich, vos der ruach Elokim heilike iz in im, un in di teg fun dain foter iz gefunen gevorn in im lichtikeit, un farshtandikeit, un chochme azoi vi di chochme fun di Elokim; un der melech Nevuchadnetsar dain foter hot im far dem hoipt fun di chartumim, di tsoibershprecher, di Kasdim, un di shternzeer oifgeshtelt – dain foter der melech. 12 vail an oisnamiker gaist, un kenshaft, un farshtandikeit, poiser zain chaloimes, un basheidung fun retenishn, un opbindung fun knupn, zainen gefunen gevorn in im, in Danieln, vos der melech hot gemacht zain nomen Belteshatsar. atsund, zol Daniel gerufn vern, un er vet basheidn dem pitron.

13 dentsmol iz Daniel araingebracht gevorn far dem melech. hot zich opgerufn der melech un hot gezogt tsu Danieln: bistu dos der Daniel vos fun di goles-kinder fun Yehudah, vos main foter der melech hot gebracht fun Yehudah? 14 vorem ich hob gehert oif dir, az der ruach Elokim iz in dir, un lichtikeit, un farshtandikeit, un oisnamike chochme, gefinen zich in dir. 15 un atsund zainen araingebracht gevorn far mir di chachomim, di tsoibershprecher, az zei zoln iberliyenen dos dozike geshrifts, un mich machn visen dem pitron derfun, ober zei kenen dem pitron fun der zach nisht basheidn. 16 un ich hob gehert oif dir, az du kenst poiser zain pitronim, un opbindn knupn; atsund, oib du kenst iberliyenen dos geshrifts, un mich machn visen dem pitron derfun, vestu in purpl ongekleidt vern, mit a gilderner keit oif dain haldz, un vi a driter in der meluche geveltikn.

17 dentsmol hot geentfert Daniel un hot gezogt far dem melech: daine matonus zoln blaibn bai dir, un daine baloinungen gib an andern; ober dos geshrifts vel ich dem melech iberliyenen, un dem pitron vel ich im machn visen. 18 du, melech – HaEl HaElyon hot gegebn dain foter Nevuchadnetsarn meluche, un groiskeit, un koved, un pracht. 19 un fun vegen der groiskeit vos er hot im gegebn, hobn ale felker, umes, un leshoines, getsitert un moire gehat far im; vemen er hot gevolt hot er geteit, un vemen er hot gevolt hot er gelozt lebn, un vemen er hot gevolt hot er derhoibn, un vemen er hot gevolt hot er dernidert. 20 ober az zain harts hot zich derhoibn, un zain gaist iz gevorn taּkif biz tsum mutvilikn, iz er aropgezetst gevorn fun dem tron fun zain meluche, un dem koved hot men opgeton fun im. 21 un fun mentshnkinder iz er fartriben gevorn, un zain harts hot men gemacht glaich tsu a chihs, un mit valdeizlen iz geven zain voinung; groz azoi vi oksen hot men im gemacht esen, un fun dem toi fun himel iz er banetst gevorn; biz er hot gevust az HaEl HaElyon geveltikt iber der meluche fun mentshn, un vemen er vil zetst er deroif. 22 un du, zain zun Belshatsar, host nisht gebeigt dain harts, hagam du host dos alts gevust, 23 nor du host zich derhoibn akegn dem Adon Hashamayim, un di keilim fun zain hoiz hot men gebracht far dir, un du, un daine groise lait, daine vaiber, un daine kepsvaiber, hobn vain getrunken in zei, un Elokei hachesef, un gold, kuper, aizn, holts, un shtein, vos nisht zei zeen, un nisht zei hern, un nisht zei veisn, hostu geloibt; un HaEl vos dain neshome iz in zain hant, un ale daine vegen zainen bai im, hostu nisht geachpert.

24 dentsmol iz aroisgeshikt gevorn fun far im di hantflech, un hot ongetseichnt dos dozike geshrifts. 25 un dos iz dos geshrifts vos iz ongetseichnt gevorn; mene mene tekel ufarsin. 26 dos iz der pitron fun der zach: mene, Elokim hot opgetseilt dain meluche, un hot zi geendikt. 27 tekel, du bist gevoign gevorn oif a vogshol, un bist gefunen gevorn felik. 28 Peres, dain meluche vert tseteilt, un avekgegebn tsu Paras un Madai.

29 dentsmol hot Belshatsar bafoiln, un me hot ongekleidt Danieln in purpl, mit a gilderner keit oif zain haldz, un me hot oisgerufn oif im, az er zol zain a driter geveltiker in der meluche.

30 in der eigener nacht iz Belshatsar der melech fun di Kasdim geteit gevorn.