1 un Yehoshua der zun fun Nun hot geshikt fun Shitim tsvei mentshn oiskukers shtilerheit, azoi tsu zogn: geit zet dos land, un Yericho. zainen zei gegangen, un zainen gekumen in hoiz fun a froi a zoine vos ir nomen iz geven Rachav, un hobn zich dortn geleigt. 2 iz ongezogt gevorn dem melech fun Yericho, azoi tsu zogn: ze, mentshn zainen gekumen aher di nacht fun di kinder fun Yisroel, oistsuforshn dos land. 3 hot der melech fun Yericho geshikt tsu Rachavn, azoi tsu zogn: gib arois di mentshn vos zainen gekumen tsu dir, di vos zainen gekumen in dain hoiz, vorem oistsuforshn dos gantse land zainen zei gekumen. – 4 un di froi hot genumen di tsvei mentshn, un hot zei bahaltn. – un zi hot gezogt: yo, di mentshn zainen gekumen tsu mir, ober ich hob nisht gevust fun vanen zei zainen; 5 un es iz geven, vi me hot gezolt farshlisn dem toier, az es iz gevorn fintster, azoi zainen di mentshn aroisgegangen; ich veis nisht vuhin di mentshn zainen gegangen; yogt zei noch oif gich, vorem ir vet zei onyogn.

6 ober zi hot zei gehat aroifgefirt oifn dach, un zei bahaltn in flaksshteklech vos zainen geven oisgeleigt bai ir oifn dach. 7 un di mentshn hobn zei nochgeyogt oifn veg fun Yarden, tsu di iberforn; un dem toier hot men farshlosn nochdem vi es zainen aroisgegangen di vos hobn zei nochgeyogt.

8 un eider zei hobn zich geleigt, iz zi aroifgegangen tsu zei oifn dach, 9 un zi hot gezogt tsu di mentshn: ich veis, az Hashem hot aich gegebn dos land, un az aier eime iz gefaln oif undz, un az ale bavoiner fun land zainen tsegangen gevorn far aich. 10 vorem mir hobn gehert vi Hashem hot oisgetriknt di vasern fun Yam-Suf fun far aich, bai aier aroisgein fun Mitsrayim, un vos ir hot geton tsu di tsvei mlochim fun dem Emori vos oif yener zait Yarden, tsu sichunen un tsu Ogen, vos ir hot zei farvist. 11 un vi mir hobn gehert azoi iz tsegangen undzer harts, un in keinem iz mer an otem nisht geblibn fun vegen aich; vorem Hashem Elokeichem er iz G-t in himel oiben, un oif der erd unten. 12 un atsund shvert mir, ich bet aich, bai Hashem, vail ich hob geton chesed mit aich, az ir oich vet ton chesed mit main foters hoiz; un ir zolt mir gebn an emesn tseichn, 13 az ir vet lozn lebn main foter un main muter, un maine brider un maine shvester, un ale vos gehern tsu zei, un ir vet matsl zain undzere nefoshes fun toit.

14 hobn di mentshn tsu ir gezogt: undzer nefesh anshtot aich tsum toit, oib ir vet nisht oiszogen di dozike zach undzere! un es vet zain, az Hashem vet undz gebn dos land, veln mir ton mit dir chesed un traishaft.

15 hot zi zei aropgelozn mit a shtrik durchn fentster; vorem ir hoiz iz geven in der vant fun der shtottoier, un zi hot gevoint in dem moier. 16 un zi hot tsu zei gezogt: geit tsum barg tsu, kedei di nochyoger zoln aich nisht ontrefn; un ir zolt aich bahaltn dortn drai teg, biz di nochyoger kern zich um; un dernoch vet ir gein oif aier veg.

17 hobn di mentshn tsu ir gezogt: mir veln zain rein fun dain doziker shvue vos du host undz bashvorn. 18 ot vi mir kumen in land, zolstu di shnur fun dem dozikn roitn fodem onbindn in dem fentster vos du host undz aropgelozn durch im, un dain foter un dain muter, un daine brider, un dos gantse hoiz fun dain foter, zolstu ainzamlen tsu dir in hoiz.

19 un es vet zain, itlecher vos vet aroisgein fun di tirn fun dain hoiz deroisn, vet zain blut zain oif zain kop, un mir veln zain rein; ober itlecher vos vet zain bai dir in hoiz, vet zain blut zain oif undzer kop, oib a hant vet zain oif im.

20 oib ober du vest oiszogen di dozike zach undzere, veln mir zain rein fun dain shvue vos du host undz bashvorn.

21 hot zi gezogt: vi aiere verter, azoi zol zain. un zi hot zei aroisbaleit, un zei zainen avekgegangen. un zi hot ongebundn di roite shnur in fentster.

22 un zei zainen gegangen, un zainen gekumen tsum barg, un zainen dortn gezesn drai teg, biz di nochyogers hobn zich umgekert. un di nochyogers hobn gezucht oifn gantsn veg, un hobn nisht gefunen.

23 un di tsvei mentshn hobn zich umgekert, un hobn aropgenidert fun barg, un zainen aribergegangen un gekumen tsu Yehoshua dem zun fun Nun, un hobn im dertseilt alts vos zei hot getrofn. 24 un zei hobn gezogt tsu Yehoshuaen: far vor, Hashem hot gegebn in undzer hant dos gantse land; un oich zainen di bavoiner fun land tsegangen gevorn far undz.