1 un di kinder fun Yisroel hobn gefelsht a felshung in dem cheirem, un Achan der zun fun Karmi dem zun fun Zavdi, dem zun fun Zerachn, fun sheyvet Yehudah, hot genumen fun dem cheirem, un der tsorn fun Hashem hot gegrimt oif di kinder fun Yisroel.

2 un Yehoshua hot geshikt mentshn fun Yericho kein Ai vos lebn Beis-Aven, in mizrech fun Beis-El, un er hot zei ongezogt, azoi tsu zogn: geit aroif, un kukt ois dos land. zainen di mentshn aroifgegangen, un hobn oisgekukt Ai. 3 un zei hobn zich umgekert tsu Yehoshuaen, un hobn tsu im gezogt: zol nisht aroifgein dos gantse folk; arum tsvei toiznt man, oder arum drai toiznt man, zoln aroifgein un shlogn Ai. darfst nisht mien ahin dos gantse folk, vorem zei zainen vintsik.

4 zainen aroifgegangen ahin fun folk arum drai toiznt man; ober zei zainen antlofn far di mentshn fun Ai. 5 un di mentshn fun Ai hobn fun zei geshlogn arum zeks un draisik man, un zei hobn zei nochgeyogt fun faran toier biz Shevarim, un hobn zei geshlogn baim aropgang; un dos harts fun folk iz tsegangen, un iz gevorn azoi vi vaser.

6 hot Yehoshua tserisn zaine kleider, un iz gefaln oif zain ponem tsu der erd far dem orn fun Hashem bizn ovnt, er un di eltste fun Yisroel; un zei hobn aroifgeleigt erd oif zeyer kop. 7 un Yehoshua hot gezogt: vei, Hashem du Adonoi, noch vos hostu gor aribergebracht dos dozike folk ibern Yarden, undz tsu gebn in der hant fun Emori, kedei undz untertsubrengen? halevay voltn mir bashtanen un geblibn oif yener zait Yarden! 8 ich bet dich, Adonoi, vos ken ich zogn, nochdem az Yisroel hot gemuzt kern dem nakn far zaine faint?

9 vorem der Kenaani un ale bavoiner fun land veln derhern, un veln undz arumringlen, un farshnaidn undzer nomen fun der erd; un vos vestu ton far dain groisn nomen?

10 hot Hashem gezogt tsu Yehoshuaen: shtei dir oif; noch vos den falstu oif dain ponem? 11 gezindikt hot Yisroel, un zei hobn oich ibergetretn main bris vos ich hob zei bafoiln, un zei hobn i genumen fun cheirem, i gegnvet, i farleiknt, i araingeton in zeyere zachn. 12 derum kenen di kinder fun Yisroel nisht bashtein far zeyere faint; dem nakn kern zei far zeyere faint, vail zei zainen gevorn tsu cheirem; ich vel mer nisht zain mit aich, oib ir vet nisht fartiliken dem cheirem fun tsvishn aich.

13 shtei oif, un heilik dos folk, un zolst zogn: heilikt aich oif morgn, vorem azoi hot gezogt Hashem Elokei Yisroel: cheirem iz tsvishn dir, Yisroel; vest nisht kenen bashtein far daine faint, biz ir vet opton dem cheirem fun tsvishn aich.

14 derum zolt ir genenen in der peire loit aiere shvotim, un es vet zain, der sheyvet vos Hashem vet im farnemen, zol genenen loit di mishpoches, un di mishpoche vos Hashem vet zi farnemen, zol genenen loit di haizer, un dos hoiz vos Hashem vet es farnemen, zol genenen loit di mener. 15 un es vet zain, der vos vet farnumen vern mitn cheirem, zol farbrent vern in faier, er un alts vos gehert tsu im; vail er hot ibergetretn dem bris fun Hashem, un vail er hot geton a nevole in Yisroel.

16 hot Yehoshua zich gefedert in der peire, un gemacht genenen Yisroel loit zaine shvotim; iz farnumen gevorn sheyvet Yehudah.

17 hot er gemacht genenen di mishpoche fun Yehudah, un er hot farnumen di mishpoche fun di Zerachim. hot er gemacht genenen di mishpoche fun di Zerachim loit di mener, un Zavdi iz farnumen gevorn. 18 hot er gemacht genenen zain hoiz loit di mener, un Achan der zun fun Karmi dem zun fun Zavdi, dem zun fun Zerachn, fun sheyvet Yehudah, iz farnumen gevorn.

19 hot Yehoshua gezogt tsu Achanen: main zun, tu, ich bet dich, koved tsu Hashem Elokei Yisroel, un zai zich moide far im, un zog mir: ich bet dich, vos du host geton; zolst nisht farhoiln fun mir.

20 hot Achan geentfert Yehoshuaen, un hot gezogt: emes, ich hob gezindikt tsu Hashem Elokei Yisroel, un azoi un azoi hob ich geton. 21 ich hob gezen in dem roib a gutn mantl fun Shinar, un tsvei hundert shekl zilber, un a tsung gold vos ir vog iz fuftsik shekl; hob ich zei geglust, un hob zei tsugenumen, un ze zainen zei bahaltn in der erd in mitn fun main getselt, un dos zilber iz unter dem.

22 hot Yehoshua geshikt shluchim, un zei zainen avekgelofn tsum getselt; ersht es iz bahaltn in zain getselt, un dos zilber iz unter dem. 23 hobn zei zei aroisgenumen fun mitn getselt, un gebracht tsu Yehoshuaen, un tsu ale kinder fun Yisroel, un zei hobn zei avekgeleigt far Hashem. 24 un Yehoshua un gants Yisroel mit im hobn genumen Achan dem zun fun Zerachn, un dos zilber, un dem mantl, un di tsung gold, un zaine zin, un zaine techter, un zaine oksen, un zaine eizlen, un zaine shof, un zain getselt, un alts vos hot gehert tsu im, un zei hobn zei aroifgebracht tsum tal Achor. 25 un Yehoshua hot gezogt: vos hostu undz farumglikt? farumglikn zol dich Hashem haintikn tog. un gants Yisroel hobn im farshteint mit shteiner; un zei hobn zei farbrent in faier, un zei farvorfen mit shteiner. 26 un zei hobn oifgeshtelt iber im a groisn hoifn shteiner vos shteit biz oif haintikn tog; un Hashem hot zich opgekert fun zain grimtsorn. derum ruft men yenem ort der tal Achor biz oif haintikn tog.