1 un es iz geven, az ale mlochim vos oif der zait Yarden, in dem geberg, un in der niderung, un oif dem gantsn breg fun Yam-Hagodl, akegn Levanon, der Chitti, un der Emori, der Kenaani, der Perizzi, der Chivi, un der Yevusi, hobn derhert, 2 azoi hobn zei zich aingezamlt in einem, milchome tsu haltn mit Yehoshuaen un mit Yisroel, mit ein moil.

3 un di bavoiner fun Givon hobn gehert vos Yehoshua hot geton tsu Yericho un tsu Ai; 4 un zei oich hobn geton mit listikeit, un zainen gegangen un hobn zich farshtelt az zei zenen shluchim; un zei hobn genumen opgenitste zek far zeyere eizlen, un opgenitste un tseshpoltene un tsunoifgebundene vainloglen, 5 un opgetrogene un farlatete shich oif zeyere fis, un opgetrogene kleider oif zich; un dos gantse broit fun zeyer tserung iz geven fartriknt oif breklech. 6 un zei zainen gegangen tsu Yehoshuaen in lager kein Gilgal, un hobn gezogt tsu im un tsu di mener fun Yisroel: fun a vaitn land zainen mir gekumen, un atsund shlist undz a bris.

7 hobn di mener fun Yisroel gezogt tsu dem Chivi: efsher zitsstu tsvishn undz, un vi ken ich dir shlisn a bris? 8 hobn zei gezogt tsu Yehoshuaen: daine knecht zainen mir. hot Yehoshua tsu zei gezogt: ver zait ir? un fun vanen kumt ir? 9 hobn zei tsu im gezogt: fun zeyer a vaitn land zainen gekumen daine knecht, tsulib dem nomen fun Hashem dain G-t; vorem mir hobn gehert zain herung, un alts vos er hot geton in Mitsrayim, 10 un alts vos er hot geton tsu di tsvei mlochim fun dem Emori vos oif yener zait Yarden, tsu Sichon dem melech fun Cheshbon, un tsu Og dem melech fun Bashan vos in Ashtarot. 11 hobn tsu undz gezogt undzere eltste, un ale bavoiner fun undzer land, azoi tsu zogn: nemt mit zich tserung oifn veg, un geit zei antkegen, un ir zolt zogn tsu zei: aiere knecht zainen mir; un atsund shlist undz a bris.

12 dos dozike broit undzers – varemerheit hobn mir zich farshpaizt dermit fun undzere haizer, in dem tog vos mir zainen aroistsugein tsu aich, un atsund ot iz es fartriknt, un gevorn breklech. 13 un di dozike vainloglen, vos mir hobn ongefilt, zainen geven nai, un ot zainen zei tseshpolten gevorn, un di dozike kleider un shich undzere zainen opgetrogn gevorn fun zeyer fil veg.

14 un di mener hobn genumen fun zeyer tserung, un Hashems moil hobn zei nisht gefregt. 15 un Yehoshua hot gemacht sholem mit zei, un zei geshlosn a bris, zei tsu lozn lebn. un di firshtn fun der eide hobn zei geshvorn.

16 un es iz geven tsum sof fun drai teg nochdem vi zei hobn zei geshlosn a bris, hobn zei gehert az zei zainen nont tsu zei, un az zei zitsn tsvishn zei. 17 un di kinder fun Yisroel hobn getsoign, un zainen gekumen in zeyere shtet oifn dritn tog. un zeyere shtet zainen geven Givon, un Kefirah, un Beerot, un Kiryat-Yearim.

18 ober di kinder fun Yisroel hobn zei nisht geshlogn, vail di firshtn fun der eide hobn zei geshvorn bai Hashem Elokei Yisroel. un di gantse eide hot gemurmlt oif di firshtn.

19 hobn ale firshtn gezogt tsu der gantser eide: mir hobn zei geshvorn bai Hashem Elokei Yisroel, un mir torn zei atsund nisht onrirn. 20 dos muzn mir zei ton, un zei lozn lebn, kedei oif undz zol nisht zain a tsorn fun vegen der shvue vos mir hobn zei geshvorn. 21 un di firshtn hobn ongezogt vegen zei: zoln zei blaibn lebn. un zei zainen gevorn holtsheker un vasersheper far der gantser eide, azoi vi di firshtn hobn geheisn vegen zei.

22 un Yehoshua hot zei gerufn, un hot tsu zei geredt, azoi tsu zogn: far vos hot ir undz genart, azoi tsu zogn: mir zainen zeyer vait fun aich, ven ir zitst tsvishn undz? 23 un atsund zolt ir zain farsholten , un es zol nisht oisgein fun aich a knecht un holtsheker un vasersheper far dem hoiz fun main G-t.

24 hobn zei geentfert Yehoshuaen, un hobn gezogt: vail dertseilt iz dertseilt gevorn daine knecht, dos vos Hashem dain G-t hot bafoiln zain knecht Mosheen, aich tsu gebn dos gantse land, un tsu fartiliken ale bavoiner fun land fun far aich, un mir hobn zeyer moire gekrign far undzere nefoshes fun aich; derum hobn mir geton di dozike zach. 25 un atsund ot zainen mir in dain hant; vi es iz gut un rechtfartik in daine oign tsu ton mit undz, tu.

26 un er hot mit zei azoi geton, un hot zei matsl geven fun der hant fun di kinder fun Yisroel, un zei hobn zei nisht geharget.

27 un Yehoshua hot zei gemacht in yenem tog far holtsheker un far vasersheper, far der eide, un far dem mizbeyech fun Hashem, biz oif haintikn tog, in dem ort vos er vet oisderveilen.