1 un dos folk hot zich baklogt oif shlechts in di oiern fun Hashem, un Hashem hot gehert, un zain tsorn hot gegrimt, un a faier fun Hashem hot gebrent tsvishn zei, un hot fartsert baim ek lager. 2 hot dos folk geshrien tsu Mosheen, un Moshe hot mispalel geven tsu Hashem, un dos faier hot zich gezetst. 3 un me hot gerufn dem nomen fun yenem ort Taverah, vail a faier fun Hashem hot gebrent tsvishn zei.

4 un di tsunoifgelofene vos tsvishn zei hobn geglust a glustung; un oich di kinder fun Yisroel hobn vider geveint, un zei hobn gezogt: ven me zol undz gebn esen fleish! 5 mir gedenken di fish vos mir flegn esen in Mitsrayim umzist, di plutsern, un di kirbes, un dos grins, un di tsibeles, un di knobl. 6 un atsund iz undzer zel fartriknt; nishto kein zach; bloiz oifn man zainen undzere oign.

7 un der man iz geven azoi vi korianderzomen, un zain onblik azoi vi der onblik fun bedolach. 8 dos folk hot zich farshpreit, un hot es oifgeklibn, un gemoln in a hantmil, oder geshtoisn in a shteisl, un gekocht in a top, oder gemacht derfun kuchns un der tem derfun iz geven vi der tem fun an eilkichl. 9 un vi der toi hot aropgenidert oifn lager bai nacht, flegt aropnideren deroif der man.

10 un Moshe hot gehert dos folk veinen mishpoches-vaiz, itlecher far dem aingang fun zain getselt, un der tsorn fun Hashem hot zeyer gegrimt, un es iz geven shlecht in di oign fun Mosheen. 11 un Moshe hot gezogt tsu Hashem: far vos tustu shlechts dain knecht, un far vos hob ich gefunen umchen in daine oign, aroiftsuleign oif mir di last fun dem dozikn gantsn folk? 12 hob ich den getrogn dos dozike gantse folk, tsi ich hob es geborn, vos du zogst tsu mir: trog es in dain buzem, azoi vi a dertsier trogt a zoigedikn, tsu dem land vos du host tsugeshvorn zeyere eltern? 13 fun vanen hob ich fleish, tsu gebn dem dozikn gantsn folk, vos zei veinen oif mir, azoi tsu zogn: gib undz fleish, mir zoln esen? 14 ich alein ken nisht trogn dos dozike gantse folk, vorem es iz tsu shver far mir. 15 un oib du tust azoi tsu mir, hargen herge mich, ich bet dich, oib ich hob gefunen chein in daine oign, un lomich nisht zen main umglik.

16 hot Hashem gezogt tsu Mosheen: zaml mir ain zibetsik man fun di eltste fun Yisroel, di vos du veist az zei zainen di eltste fun folk, un zaine oifzeers, un zolst zei nemen tsum ohel-moed, un zei zoln zich dortn shteln mit dir. 17 un ich vel aropnideren, un vel dortn redn mit dir, un vel opsheiden fun dem ruach vos oif dir, un aroifton oif zei, un zei veln mittrogn mit dir di last fun folk, un vest nisht darfn trogn du alein. 18 un tsum folk zolstu zogn: breit aich on oif morgn, un ir vet esen fleish; vail ir hot geveint in di oiern fun Hashem, azoi tsu zogn: ven me zol undz gebn esen fleish! vorem undz iz geven voil in Mitsrayim; derum vet aich Hashem gebn fleish, un ir vet esen. 19 nisht ein tog vet ir esen, un nisht tsvei teg, un nisht finf teg, un nisht tsen teg, un nisht tsvantsik teg; 20 biz a choidesh tsait, biz vanen es vet aich kern fun der noz, un vet aich zain tsum ekl; derfar vos ir hot faracht Hashem vos iz tsvishn aich, un hot geveint far im, azoi tsu zogn: noch vos gor zainen mir aroisgegangen fun Mitsrayim? 21 hot Moshe gezogt: zeks hundert toiznt fusgeyer iz dos folk vos ich bin tsvishn im, un du zogst: ich vel zei gebn fleish, un zei veln esen a choidesh tsait. 22 ven shof un rinder zoln geshochtn vern far zei, vet zei den klekn? az ale fishn fun yam zoln aingezamlt vern far zei, vet zei den klekn? 23 hot Hashem gezogt tsu Mosheen: iz di hant fun Hashem kurts? atsund vestu zen, oib main vort vet dir geshen oder nisht.

24 iz Moshe aroisgegangen, un hot geredt tsum folk di verter fun Hashem; un er hot aingezamlt zibetsik man fun di eltste fun folk, un zei geshtelt rund arum getselt. 25 un Hashem hot aropgenidert in dem volken, un hot geredt tsu im, un hot genumen fun dem ruach vos oif im, un gegebn oif di zibetsik man, di eltste. un es iz geven, vi der ruach hot oif zei gerut, azoi hobn zei nevies gezogt; ober nisht mer.

26 un tsvei mener zainen ibergebliben in lager, der nomen fun einem Eldad, un der nomen fun tsveitn Medad; hot oif zei oich gerut der ruach – un zei zainen geven tsvishn di farshribene, ober zei zainen nisht aroisgegangen tsum getselt – un zei hobn nevies gezogt in lager. 27 iz gelofn der yung, un hot dertseilt Mosheen, un gezogt: Eldad un Medad zogn nevies in lager. 28 hot zich opgerufn Yehoshua der zun fun Nun, Moshes badiner fun zain yugnt on, un hot gezogt: main har Moshe, halt zei tsurik. 29 hot Moshe tsu im gezogt: nemstu zich on far mir? halevay zol dos gantse folk fun Hashem zain neviim, az Hashem zol gebn zain ruach oif zei! 30 un Moshe iz tsurik arain in lager, er un di eltste fun Yisroel.

31 un a vint hot aroisgetsoign fun Hashem, un hot gebracht tsuflien vachtlfoiglen fun yam, un hot zei tsevorfen lebn lager arum a tog vegs fun ein zait, un arum a tog vegs fun der ander zait, rund arum lager, un arum tsvei eiln ibern gezicht fun der erd. 32 un dos folk iz oifgeshtanen yenem gantsn tog, un di gantse nacht, un dem gantsn morgedikn tog, un zei hobn oifgeklibn di vachtlfoiglen; der vos hot tsumindst geklibn hot oifgeklibn tsen hoifns; un zei hobn zei zich oisgeshpreit rund arum lager.

33 dos fleish iz noch geven tsvishn zeyere tseiner, eider es iz tsekait gevorn, azoi hot der tsorn fun Hashem gegrimt oifn folk, un Hashem hot geshlogn tsvishn dem folk zeyer a groisn shlak. 34 un me hot gerufn dem nomen fun yenem ort Kivrot-Hataavah, vail dortn hot men bagrobn dos folk vos hot geglust.

35 fun Kivrot-Hataavah hot dos folk getsoign kein Chatserot; un zei zainen geblibn in Chatserot.