1 un di kinder fun Yisroel, di gantse eide, zainen gekumen in midber Tsin, in ershtn choidesh; un dos folk iz gezesn in Kadesh; un Miryam iz dortn geshtorbn, un iz dortn bagrobn gevorn.

2 un di eide hot nisht gehat kein vaser, un zei hobn zich aingezamlt akegn Mosheen un akegn Aharonen. 3 un dos folk hot zich gekrigt mit Mosheen, un zei hobn gezogt, azoi tsu zogn: halevay voltn mir umgekumen, ven undzere brider zainen umgekumen far Hashem! 4 un noch vos hot ir gebracht di eide fun Hashem in dem dozikn midber, az mir un undzer fich zoln do oisshtarbn? 5 un noch vos hot ir undz oifgebracht fun Mitsrayim, undz tsu brengen in dem dozikn shlechtn ort, vos iz nisht an ort fun zomen, oder faign, oder vainshtokn, oder milgroimen, un vu vaser tsum trinken iz nishto?

6 zainen Moshe un Aharon avekgegangen fun far der eide tsum aingang fun ohel-moed, un zei zainen gefaln oif zeyer ponem; un di pracht fun Hashem hot zich bavizn tsu zei. 7 un Hashem hot geredt tsu Mosheen, azoi tsu zogn: 8 nem dem shtekn, un zaml ain di eide, du un Aharon dain bruder, un ir zolt redn tsum feldz far zeyere oign, az er zol aroisgebn fun zich vaser; un vest zei aroistsien vaser fun feldz, un vest ontrinken di eide un zeyer fich. 9 hot Moshe genumen dem shtekn fun far Hashem, azoi vi er hot im bafoiln. 10 un Moshe un Aharon hobn aingezamlt di eide far dem feldz, un er hot tsu zei gezogt: hert akorsht, ir vidershpeniker, zoln mir fun dem dozikn feldz aich aroistsien vaser? 11 un Moshe hot oifgehoibn zain hant, un hot geshlogn dem feldz mit zain shtekn tsvei mol, un es iz arois a sach vaser, un di eide un zeyer fich hobn getrunken. 12 hot Hashem gezogt tsu Mosheen un tsu Aharonen: vail ir hot nisht gegloibt in mir, mich tsu heilikn far di oign fun di kinder fun Yisroel, derum vet ir nisht brengen di dozike eide in dem land vos ich hob zei gegebn. 13 dos iz dos vaser fun Merivah vu di kinder fun Yisroel hobn gekrigt akegn Hashem, un er iz geheilikt gevorn tsvishn zei.

14 un Moshe hot geshikt shluchim fun Kadesh tsu dem melech fun Edom: azoi zogt dain bruder Yisroel: du veist al di maternish vos undz hot getrofn; 15 vi undzere eltern hobn genidert kein Mitsrayim, un mir zainen gezesn in Mitsrayim fil teg, un di Mitsrayim hobn shlechts geton undz un undzere eltern; 16 un mir hobn geshrien tsu Hashem, un er hot gehert undzer kol, un hot geshikt a malach, un undz aroisgetsoign fun Mitsrayim; un ot zainen mir in Kadesh, a shtot baim ek fun dain gemark. 17 loz undz, ich bet dich, durchgein durch dain land; mir veln nisht durchgein durch a feld oder durch a vaingorten, un mir veln nisht trinken vaser fun a brunem; oif dem melechs veg veln mir geyen; mir veln zich nisht opnaign rechts oder links, biz vanen mir veln durchgein dain gemark. 18 hot Edom tsu im gezogt: zolst nisht durchgein durch mir, vorem mitn shverd vel ich aroisgein akegn dir. 19 hobn di kinder fun Yisroel tsu im gezogt: oifn veg veln mir gein, un az mir veln trinken dain vaser, ich un maine fich, vel ich gebn getsolt derfar; es iz doch gornisht; lomich bloiz durchgein oif maine fis. 20 hot er gezogt: du kenst nisht durchgein. un Edom iz aroisgegangen akegn im mit fil folk, un mit a shtarker hant. 21 un Edom hot nisht gevolt lozn Yisroel durchgein durch zain gemark, un Yisroel hot zich opgeneigt fun im.

22 un zei hobn avekgetsoign fun Kadesh; un di kinder fun Yisroel, di gantse eide, zainen ongekumen tsum barg Hor. 23 un Hashem hot gezogt tsu Mosheen un tsu Aharonen oifn barg Hor, baim gemark fun land Edom, azoi tsu zogn: 24 zol Aharon aingezamlt vern tsu zain folk; vorem er vet nisht kumen in dem land vos ich hob gegebn tsu di kinder fun Yisroel, derfar vos ir hot vidershpenikt main moil baim vaser fun Merivah. 25 nem Aharonen un zain zun Elazarn, un breng zei aroif oifn barg Hor; 26 un tu ois Aharonen zaine kleider, un tu zei on zain zun Elazarn; un Aharon zol aingezamlt vern un shtarbn dortn. 27 hot Moshe geton azoi vi Hashem hot bafoiln; un zei zainen aroifgegangen oifn barg Hor, far di oign fun der gantser eide. 28 un Moshe hot oisgeton Aharonen zaine kleider, un hot zei ongeton zain zun Elazarn. un Aharon iz dortn geshtorbn oifn shpits barg. un Moshe un Elazar hobn aropgenidert fun barg. 29 un di gantse eide hot gezen az Aharon iz fargangen; un dos gantse hoiz fun Yisroel hot baveint Aharonen draisik teg.