1 Gwee mdala yaguherepa nentu kuliku wadala wamonga,

kagenda koshi mfiru gwaku

kagenda njira gaa mfiru gwaku,

su tugendi na gwenga kukutanga kumsakula?

2 Mfiru gwangu kagenda kubustani yakuyi peni viwungu vimera weri,

yomberi kagenga kuliyiziya kondolu wakuyi.

Kagenda aku kukagula na kujojonira uluwa wa yungiyungi.

3 Neni namfiru gwakuyi na yomberi ndo mfiru gwagu,

yomberi kankuwaliiziya wakondolu wakuyi pahala pana uluwa wa yungiyungi.

4 Mfiru gwangu, gwenga ndo guherepa handa mji gwa Tiriza,

gwenga ndo guherepa handa isi ya Yerusalemu,

gwenga gutiliziya handa lishonta lyana bendera.

5 Nagundola,

mana pagundola mona soni.

Vili zaku handa shipinga sha mbuzi,

yawaselela kumigongu ya Gileyadi.

6 Menu gaku mafufu nentu handa shipinga sha kundolu

yawalawiti kugululwa.

Kila yumu kana wana wawiri,

kwahera ata limu yalilifanandiri na limonga.

7 Masaya gaku yagagibikiritwi na shela,

ndo handa vipandi viwiri vya makomamanga.

8 Paweza kuwera na malikiya sitini, wadala wamonga semanini,

na wahinga yawawalangikandiri!

9 Kumbiti kwana mdala yumu hera yanimfira,

yomberi ndo mfiru gwa mawu gwakuyi

na kagweka yakuyi kwa mawu gwakuyi.

Wahinga wamlola na wamshema katekelerwa

malikiya na wadala wamonga pawamwona wimba zyuma zyakuyi.

10 Gaa ayu yakalawira handa mandawira,

kaherepa handa lyezi,

na kang'ereng'eta handa mshenji.

11 Ng'enditi kubostani ya mitera ya milozi

kulola ntomolu zya kululalanda,

kuwona handa mizabibu itomola

ama mikomamanga ibuma uluwa.

12 Pamberi hanenevimani shanashilawiri,

mfiru gwangu kanshema mumbutuka ya mkulu.

13 Guvini, guvini gwee mhinga kulawa Shulami.

Guvini su tukuloli ntambu yaguvina.

Hashi mfira kundola neni mshulami,

handa kulola wantu wankuvina msambu gwa manahimu?