नीरगमन 2

5 ता फीरोन नी सोरी उंगळवा करीन नंदी नी धेड़े आयी। अने तीनी पावर्‌याण सोर्‌या नील नंदी नी धेड़े फीरता र्‌या। ता तीहयी बरु नी वचमे टोपली ने देखी अने तीनी चाकर्‌याण ने टोपली लाव्‌वा करीन मोकली। 6 जत्‌यार तीहयी तीने उगाड़ीन देखी के एक रड़त्‌लु सोरु से, ता तीने तीनी पोर दया आय जी अने तीहयी केदी, "आहयु ते काना ईब्‌रानी नु सोरु हहे।"

7 ता सोरु नी बेनेह फीरोन नी सोरी ने केदी, "ह़ु मे जाय्‌न ईब्‌रानी बयरा माय्‌न कानी बयर ने तारीन्‌तां बोलाय लावु, जे तारी जुगु आहयु सोरु ने दुत पीयाड़्‌या करे?"

8 फीरोन नी सोरी केदी, "जा।" ता सोरी जाय्‌न ते सोरु नी आय्‌ह ने बोलाय लायी। 9 फीरोन नी सोरी तीने केदी, "तु आहयु सोरु ने लीजा अने मारी जुगु आने दुत पीयाड़्‌या कर, अने मे तने दाड़की आपही।" ता तीहयी बयर ते सोरु ने ली जाय्‌न दुत पीयाड़वा बाज जी।