Gênesis 6

माणहु जाती ना भुंडला काम

1 अळी जत्‌यार माणहु धरती नी उपर घणा वदवा बाज ज्‌या, अने तीना बी सोर्‌या पयदा हया। 2 तत्‌यार भगवान ना सोरा माणहु ना सोर्‌याम ने देख्‌या, के तीहया घटाळा से, अने तीहया जीने-जीने गम्‌या तीने-तीने वेवा कर लेदा। 3 तत्‌यार यहोवा केदो, "मारी आत्‌मा माणहु मे हमेसा नी रेय, काहाके माणेह बी डीलत से; तीनी आखी जीवाय एक ह़ोव वीह साल नी हयी।" 4 ✝6:4 गीनती 13:33तीहया दाड़ा मे धरती पोर राकस*6:4 राकस नपेली माणहु रेता हता; अने आनीन अळतेण जत्‌यार भगवान ना सोरा माणहु नी सोर्‌याम नी ह़ाते ज्‌या तत्‌यार तीमनी लारे जे सोरा पयदा हया, तीहया सोरा ताखत वाळा हयता हता, जे वेगला वारा सीत नामह़ाद्‌या अने आखी दुर तीमनु नाम हयतु हतु।

5 यहोवा भगवान देख्‌यो के माणहु नी बुराय धरती पोर बड़ जेली से, अने तीमना मन ना वीच्‌यार मे जे कंय पयदा हये तीहयु हमेसा बुरु हये।✝6:5 मत्‌ती 24:37; लुका 17:26; 1 पतरस 3:20 6 अने यहोवा धरती पोर माणेह ने बणाव्‌वा सी पसतायो, अने तीहयो मन मे घणो दुखी हयो। 7 तत्‌यार यहोवा केदो, "मे माणेह ने जीने मे बणायो धरती पोर सी खत्‌तम कर देही; ह़ु माणहे, ह़ु जानवरु, ह़ु घीहाय्‌न चालन्‌या जीव-जन्‌तु, ह़ु ह़रग मे ना चड़ा, आखाम ने खुटाड़ देही, काहाके मे हीमने बणाव्‌वा सी पछताय र्‌यो।" 8 पण यहोवा नी दया नी नींगा नुह पोर बणीन री।

नुह

9 नुह नो कुळी वेलो आहयो से। नुह धरमी माणेह अने आपणी टेम ना माणहु मे खरलो हतो; अने नुह भगवान नी ह़ाते-ह़ाते चालतो हतो।