Аян 22

Жаңа пейіштегі өмір суының қайнар көзі

1 Періште маған Құдай мен Тоқтының тағынан бастау алған мөлдір тастай жылтылдаған өмір суының өзенін де көрсетті.*22:1 7:17; 21:6; Жар 2:10; Езк 47:1-5,8-9.2 Ол қала көшесінің ортасымен төменге қарай ағады. Өзеннің әр жағасында өсіп тұрған мәңгілік өмірді сыйлайтын ағаш*22:2 2:7; 22:14; Жар 2:9; 3:22-24; Езк 47:7,12. ай сайын, жылына он екі рет, жеміс береді. Ал жапырақтары халықтарды сауықтыруға арналған.*22:2 Ош 14:4; Мал 4:2; Лұқ 4:18.3 Қарғалған*22:3 Жар 3:14-19. еш нәрсе де осы қаладан табылмайды. Құдай мен Тоқтының отырған тағы*22:3 Осы тақ диван сияқты кең болып суреттелген (3:21). қаланың ішінде. Құдайдың қызметшілері Оған бас ұра қызмет етіп,*22:3 7:15.4 Оның бет-жүзін көретін болады. Маңдайларында Оның есімі жазылып тұрмақ.*22:4 3:12; 14:1.5 Енді ешқашан түн болмайды. Оларға шам-шырақ пен күн сәулесінің қажеті жоқ, себебі Құдай Иенің нұры түсіп тұрады. Олар мәңгі патшалық құрмақ.*22:5 3:21; 11:15; Дан 7:18,27; Тім2 2:12.

Құдайдың хабарын берік ұстануды ескерту

6 Мұнан кейін періште маған: «Бұл сөздер сенуге тұрарлық нағыз шындық. Пайғамбарларға өз Рухын дарытқан Құдай Ие*22:6 (Тім2 3:16; Пет2 1:21) Яки: (Өзіне бағышталған қасиетті) пайғамбарлардың рухтарына өз хабарларын жеткізетін Құдай — Жаратқан Ие. қызметшілеріне жуырда болуға тиісті оқиғаларды алдын ала көрсету үшін періштесін жіберді», — деді. 7 (Мәсіх:) «Міне, Мен жуырда*22:7 Яки: тез, кенеттен (3:3,11; 16:15; 22:12). келемін! Құдайдың осы кітаптағы хабарларын ұстанатындар бақытты!»*22:7 Яки: Осы жазбадағы пайғамбарлық сөздерді ұстанатындарды Құдай жарылқамақ. — деп ескертті.

8 Мен, Жохан, осыларды естіп, көрдім. Естіп, көріп жатқан кезде мен оларды көрсеткен періштенің аяғына бас ұрмақ болып жығылдым. 9 Алайда ол: «Бұлай істеме! Мен өзіңмен, саған бауырлас пайғамбарлармен және осы кітаптағы сөздерге мойынсұнатындармен бірге қызмет етушімін. Құдайға бас ұрып ғибадат ет!» — деді.

10 Ол маған тағы да: «Құдайдың бұл кітаптағы хабарларын*22:10 Яки: бұл шиыршық кітаптағы пайғамбарлық сөздерді. мөрлеп бекітіп, құпия ұстама! Себебі жүзеге асатын уақыты таяп қалды. 11 Әділетсіздер әділетсіз істерін әлі де жасап, арамдар арамдықтарын істей берсін, ал әділдер әділ істерін жалғастырып, қасиеттілер әлі де қасиетті бола берсін»,*22:11 Құдай әркімнің де әділ жолға біржола түсуін қалайды. Ал содан бас тартқан әркімнің мұнысына еш шүбәсі болмасын (3:15-18; 22:15; Жох 15:2; Дан 12:10). — деді.

12 Иеміз Иса маған тіл қатып:

— Тыңда, Мен жуырда келемін! Әркімге ісіне қарай беретін сыйымды Өзіммен бірге ала келемін. 13 Алғашқы да Соңғы,*22:13 Яки: Альфа мен Омега (1:8; 21:6). Бастапқы да Ақырғы, Басы да Аяғы Менмін.

14 Шапандарын таза жуып,*22:14 (7:14) Яғни Мәсіхтің құрбандық өлімін қабылдап, сөйтіп Құдай алдында ақталғандар. Немесе: Оның өсиеттерін берік ұстанып. осылайша мәңгілік өмір ағашының жемісін жеп, қақпалары арқылы қалаға ену құқығына ие болғандар бақытты! 15 Алайда «иттер» — сиқыршылар, азғындар және кісі өлтіргендер, жалған тәңірлерге құлшылық етіп, жалғандықты ұнатып, соларын жасай беретіндер қала сыртында (яғни тозақта) қалады.

16 Мен, Иса, осы хабарларды қауымдардағы сендерге жеткізу үшін періштемді жібердім. Мен Дәуіт патшаның әулетінен шыққан, «таңғы жарық Жұлдызбын»,*22:16 Немесе: Мен Дәуіттің түбірінен шыққан Өскінімін, яғни Ұрпағымын (5:5; Иш 11:1; Зәк 6:12; Мат 21:9; Лұқ 1:31-32; 20:41-43) әрі жарық «Шолпан жұлдызымын». (Мәсіхтің жерге қайтып келуімен «жаңа күн» — Оның игілікті билігі басталмақ: Лұқ 1:78; Пет2 1:19.) — деді.

17 Киелі Рух пен Қалыңдық:*22:17 «Тоқтының қалыңдығы»: сенушілер қауымы (21:2,9-11; Жох 3:29; Еф 5:23-25,31-32). «Келе гөр!» — деп шақырады. Мұны естіген әркім де «Келе гөр!» десін. Жаны сусаған әркім сыйлық ретінде шынайы өмірдің суын қабылдасын!

Құдайдың хабарын өзгертуден сақтандыру, соңғы уәде және ақ бата

18 Құдайдың осы кітаптағы хабарларын*22:18 Яки: Осы жазбадағы пайғамбарлық сөздерді. еститіндерге мұқият ескертемін: кімде-кім оған бір нәрсе қосса, соның жазасына Құдай осы кітапта суреттелген пәлелерді қосып береді. 19 Ал кімде-кім Құдайдың хабары жазылған осы кітаптың сөздерінен бір нәрсені алып тастаса, Құдай оның осы кітапта бейнеленген мәңгілік өмір сыйлайтын ағаштан*22:19 22:2. және қасиетті қаладан*22:19 21:2,22-27. иемденетін үлесін де алып тастайды.

20 Осының бәрін Растаушы*22:20 Яғни Құтқарушы Иеміз Мәсіх Иса (1:2; 22:7). былай дейді:

— Бұл шындық, Мен жуырда келемін! Аумин!

— Иеміз Иса, келе гөр!

21 Иеміз Исаның рақымы бәріңе де жауа берсін! Аумин.