Аян 9

1 Бесінші періште кернейлеткенде, көктен жерге құлап түскен «жұлдызды» көрдім. Оған (жындар тұратын) терең тұңғиық көзінің кілті берілді.*9:1 Осы «жұлдыз» — бір періштені, ал терең тұңғиық — жындардың («шегірткелердің») мекенін білдіреді (9:2-5,11).2 Жұлдыз тұңғиықтың қақпасын ашқанда, одан үлкен пештен шыққандай қою түтін шығып, содан күн көзі де, ауа да қараңғыланып кетті.*9:2 Жар 19:28; Жое 2:2.

3 Түтіннен «шегірткелер» шығып, жерге қонды. Оларға жердегі шаяндар іспетті (залал тигізу) күші беріліп, 4 тек маңдайларында Құдайдың таңбасы*9:4 7:2-4; 14:1; Мыс 12:23; Езк 9:4,6; Еф 4:30. жоқ адамдарды ғана жәбірлеу бұйырылды. Ал оларға көк шөпке, басқа да ешқандай өсімдіктер мен ағаштарға зақым келтіруге рұқсат берілмеді. 5 Сол «шегірткелердің» бұл адамдарды өлтірмей, тек бес ай бойы азаптау еркі ғана болды. Олардың шаққаны адамды улы шаянның шаққанындай азаптап қинайды. 6 Осы бес ай ішінде адамдар өлгілері келсе де, өле алмайды. Олар өлуді қаншама аңсағанмен, ажал олардан безіп кететін болады.*9:6 6:16; Әйүп 3:20-22; 7:15-16.

7 Шегірткелер ұрысқа дайын аттардай көрінді. Бастарына алтын тәж секілді бір нәрсе киіп, бет пішіндері адамға ұқсас болды. 8 Олардың шаштары әйелдердің шаштарындай, тістері арыстанның тістеріндей, 9 ал кигендері*9:9 Яки: кеуделері. темір сауытқа ұқсас екен. Қанаттарынан шыққан шуы ұрысқа шапқан ат жеккен сансыз күймелердің дөңгелектерінің дыбысындай еді. 10 Шегірткелердің шаяндікі сияқты құйрықтары мен улы тістері бар екен; оларға бес ай бойы адамдарды шағу еркі берілді. 11 Тұңғиықтың періштесі шегірткелердің үстерінен патшадай билік жүргізеді екен. Оның еврейше, грекше аттарының мағынасы — «Құртушы».*9:11 Көне евр. «Абаддон», грекше «Аполлүон».

12 Бір қасірет өтті, енді, міне, тағы екеуі төніп келеді!

13 Алтыншы періште кернейлеткен кезде Құдай алдында тұрған, алтын жалатқан түтету үстелінің төрт бұрышындағы мүйіздерінен шыққан бір дауысты естідім. 14 Сол дауыс кернейі бар алтыншы періштеге: «Ұлы Евфрат өзенінің жағасында*9:14 Ертеде Евфрат өзенінің арғы жағасында Құдай халқының қас жаулары тұратын (16:12; Еш 1:4; Пат4 20:17-18; 24:1). байлаулы жатқан төрт хабаршыны*9:14 Осы төрт хабаршы шайтанның нөкерлері болса керек. босат!» — деп бұйырды. 15 Сонда дәл осы сағат, осы күн, осы ай, осы жылда (күнәкар) адамдардың үштен бірін өлтіруге дайындалған төрт хабаршы босатылып жіберілді. 16 Олардың атты әскерінің санын естідім: екі жүз миллион*9:16 Яки: жиырма мыңға көбейтілген он мың. шамасында еді. 17 Мен осы аянда көрген аттар мен салт аттылардың сырт көрінісі мынадай: үстерінде оттай қызыл, қара көк және күкірттей сары түсті қалқандары бар еді. Аттардың бастары арыстандікіне ұқсап, ал ауыздарынан от-жалын, түтін және күкірт шығып жатты. 18 Адамзаттың үштен бірі аттардың ауыздарынан шыққан осы үш пәледен: от-жалын, түтін және күкірттен қырылып қалды. 19 Аттардың күштері ауыздарында да, құйрықтарында да бар еді. Себебі құйрықтары адамды шағып зақымдайтын басы бар жыландарға ұқсайтын.

20 Алайда сол пәлелерден өлмей, аман қалған адамдар өз қылықтарына өкініп, бас тарта қоймады. Олар өздерінің жын-перілерге*9:20 Немесе: аруақтарға (Заң 18:11). және алтын, күміс, мыс, тас немесе ағаштан жасалған мүсіндерге табынып келгендеріне опық жеп, тәубеге келмеді. Ал сол мүсіндер не көре, не ести, не жүре алмайды ғой. 21 Сонымен қатар адамдар өздерінің кісі өлтіріп,*9:21 Жох1 3:15. сиқыршылықпен айналысып,*9:21 Пат1 15:23. азғындыққа салынып, ұрлық жасап күнәға батқандарынан да қайтпады.