ବୁଗିନ୍‌ ଇନିତୁ 5

8 ନେ’ଲେକାନ୍‌ କୁଡ଼ି ତାଃଏତେ ସାଙ୍ଗିନ୍‌ରେ ତାଇନ୍‌ମେ ଓଡ଼ୋଃ ଆୟାଃ ଅଡ଼ାଃ ଦୁଆର୍‌ ହେପାଦ୍‌ ହଗି ଆଲମ୍‌ ସେନା। 9 ହବାସାକାଅଃଆ, ଆମାଃତାଃରେ ତାଇକାନ୍‌ ମାନାରାଙ୍ଗ୍‌ ଏଟାଃ ହଡ଼କତାଃରେ ଏମଃଆ ଓଡ଼ୋଃ ଆମାଃ ବାରାଷ୍‌ ଏତ୍‌କାନ୍‌ ହଡ଼କକେ ଏମଃଆ। 10 ଅକଏସାରି କା ଚିହ୍ନାର୍‌ ହଡ଼କ ଆମାଃ ପେଡ଼େଃ ହରାତେ ପେଡ଼େୟାନ୍‌ ହବାୱା ଓଡ଼ୋଃ ଆମାଃ କାମିରାଃ ନାଲାରାଃ ଜ ଏଟାଃ ଦିଶୁମ୍‌ରେନ୍‌ ହଡ଼ରାଃ ଅଡ଼ାଃରେ ପେରେଜଃଆ। 11 ଓଡ଼ୋଃ ଆମାଃ ଟୁଣ୍ଡୁ ଦିପିଲିରେ ଆମାଃ ମାସ୍‌ ଓଡ଼ୋଃ ହଡ଼୍‌ମ ଜିଅନଃଆ ଇମ୍‌ତା ଅକଏସାରି ଆମ୍‌ ଏୟମ୍‌ ରିକାୟାମେ। 12 ଓଡ଼ୋଃ କାଜିୟାମ୍‌, ଆଇଙ୍ଗ୍‌ ଇନିତୁକେ ଚିଲ୍‌କା ହିଲାଙ୍ଗ୍‌ କେଦାଇଙ୍ଗ୍‌ ଓଡ଼ୋଃ ଆଇଁୟାଃ ମନ୍‌ସୁରୁଦ୍‌ ଏଗେର୍‌କେ ଚିଲ୍‌କା ହିଲାଙ୍ଗ୍‌କେଦା ! 13 ଆଇଙ୍ଗ୍‌ ଇତୁତାନ୍‌କଆଃ କାଜି କାଇଙ୍ଗ୍‌ ମାନାତିଙ୍ଗ୍‌କେଦା ଓଡ଼ୋଃ ଇନ୍‌କୁ ଅକନ୍‌ କାଜି କେଦା ଏନାରେ ଆଇଁୟାଃ ଲୁତୁର୍‌ କାଇଙ୍ଗ୍‌ ଏମ୍‌କେଦା। 14 ଆଇଙ୍ଗ୍‌ ସାମାଜ୍‌ ଥାଲାରେ ସବେନ୍‌ କିଲିମିଲି ଏତ୍‌କାନ୍‌ରେ ଉୟୁଗାକାନ୍‌ ତାଇକେନାଇଙ୍ଗ୍‌।