Provérbios 1

'Akala soro’unu ma iḏingi

1:20-33

20 'Isene! Ngowa’a matengo ga’a rai 'akala soro’unu 'o maga-garo’o toma ngo’o-ngo’omo re 'o mabo-boa’a toma ngi’i-ngi’i rema ngowa’a repe! 21 Ngowa’a gena-ge 'o mabo-boa’a toma ngala-ngalana lamo’o

re toma ngi’i-ngi’i rema ngowa’a repe so’o ne:

22 Hai ngowa-ngowa’a ga’a 'ahu ma wo-waro rimoi i’a mai ua,

singadolo ngau moju ngini ni nyanyaḏi ninga 'ahu so’o gena-ge?

Ngini, ngowa’a ga’a 'aḏi situ-tuhu 'akala soro’unu, ngau ni matogumu gena-ge,

re ngowa’a ga’a 'aḏi emono wo-waro, ngau ni matogumu emono gena-ge?

23 Ni totoho la-la, na’o ngini ngoi tini ḇangata,

ngoi ḏuanga i’a ta siba-ba’ala 'ari 'akala re sinyingara ma dara ra ngini

re to doto’o 'ari wo-waro ra ngini.