22 «Aganba huméi lubeiti le lunbei nariñaguni, huguya wügüriña Ísüraelina: Kei le hisubudin, Hesusu le Nasarétüna, aban meha wügüri le anuadirúati ani arufuda lumuti Bungiu luagu gabafu lan lau milaguru luma burí seini le ladügübei haganagua lídangiñe. 23 Lau sun lira, dan le lederegerúnwabei hun, aba háfaruni hilagubei lau hederegeruni houn wügüriña gafigountiña lun hádaraguni luagu gurúa ítara kei ligaburi aransehani le laritagubei Bungiu lúmagiñe furumiñeti dan. 24 Aba lesefuruni Bungiu lídangiñe lubafu óunweni, águyuguagüda lumuti hádangiñe hilaaña; ladüga siñá lan gabafu lan óunweni luagu.