1 Lidan dan ligía, aba hayabin disipulugu lumoun Hesusu, aba hálügüdüni, hariñaga lun:

—Katei san wéirigutimabei lidan larúeihan Bungiu?

2 Aba lanügün Hesusu aban irahü, aba líchuguni hamidan hámagua, 3 aba lariñagun:

—Ninarün hau luagu anhaün lan miabin lun hítaradun kei irahüñü, mebelubadün lidoun larúeihan Bungiu. 4 Ítara liña lubeiti, le ñǘraüti lanaagun lungua, ñübuin ligía lun ítarabei lan kei aban irahü, ligía wéirigutimabei lidan arúeihani le siélubei.