37 «Ítara kei meha lasuseredun lidan meha lidaani Noé, ítara luba giñe danme le niabin, au le Wügüri Garaüwarügüti. 38 Lidan meha dan ligía, lubaragiñe ladibirun ubóu, heredera meha gürigia eiga, ata, amarieidagua, íchaahaña hasaanigu lun maríei, darí weyu le lebelurunbei Noé tidoun ugunei. 39 Mefentiña, darí ladibirun ubóu, aba hañaradagun súngubei. Ítara luba giñe danme niábinya, au le Wügüri Garaüwarügüti ubouagun. 40 Lídanme dan ligía, ñéinbaña bián wügüriña áraabu; lanügǘba aban, igirúame le aban según hafiñen nuagu. 41 Ñéinbaña bián würiña amuliha; tanügǘba aban, igirúame to aban.