Ester 2

ಎಸ್ತೆರ್ ರಾನಿ ಹೊಲ್ಲೆ

1 ಹೆ ಹೊಲ್ಲ್ಯಾ ಮಾನಾ ಅಹಶ್ವೆರೊಶ್ ರಾಜಾ ರಾಗ್ ಸೊಡುನ್, ರಾನಿ ವಸ್ಟಿನ್ ಕರಲ್ಲೆ ಅನಿ ಅಪ್ನಿ ತಿಚ್ಯಾ ವಿರೊಧ್ ಘೆಟಲ್ಲೊ ನಿರ್ನಯಾಚ್ಯಾ ವಿಶಯಾತ್ ಯೆವ್ಜುನ್ಗೆತ್ ಹೊತ್ತೊ, 2 ತನ್ನಾ ತೆಚಿ ಸೆವಾ ಕರ್‍ತಲ್ಯಾ ಸೆವಕಾನಿ, ರಾಜಾ ಸಾಟ್ನಿ ಸುಂದರ್ ಚೆಡ್ವಾ ಹುಡ್ಕುಕ್ ಹುಕುಮ್ ಹೊವ್ಚೆ. 3 ಅನಿ ರಾಜಾನ್ ಅಪ್ನಾಚ್ಯಾ ಸಗ್ಳ್ಯಾ ಸಂಸ್ತಾನಾಕ್ನಿ ಕಾರ್ಬಾರ್ಯಾಕ್ನಿ ಧಾಡುಚೆ, ತೆನಿ ಸುಂದರ್ ಹೊತ್ತಿ ನಿಂಬಿ ಚೆಡ್ವಾ ಹುಡ್ಕುನ್ ಎಥಿಪಿಯಾ ಕೊಟೆಚ್ಯಾ ಭುತ್ತುರ್ಲ್ಯಾ ಘರ್‍ಹಾತ್ ಗೊಳಾ ಕರುನ್, ಭುತ್ತುರ್ಲೆ ಘರ್ ಬಗುನ್ಗೆತಲೊ ಅನಿ ರಾಜಾಚೊ ಕಂಚುಕಿ ಹಗೈಯಾಚ್ಯಾ ತಾಬೆತ್ ದಿವ್ಚೆ, ತನ್ನಾ ತೆನಿ ತೆಂಕಾ ಸುಂದರ್ಪಾನ್ ಜಾಸ್ತಿ ಹೊತಲೆ ತೆಲ್ ದಿವ್ಚೆ. 4 ರಾಜಾ ಖಲ್ಯಾ ಚೆಡ್ವಾಕ್ ಪಸಂದ್ ಕರ್ತಾ, ತಿಚ್ ವಸ್ಟಿ ರಾನಿಚ್ಯಾ ಜಾಗ್ಯಾರ್ ರಾನಿ ಹೊಂವ್ದಿತ್ ಮಟ್ಲ್ಯಾನಿ, ಅನಿ ತೆನಿ ತಸೆಚ್ ಕರ್ಲ್ಯಾನ್. 5 ಎಥಿಪಿಯಾತ್ ಮೊರ್ದೆಕಾಯ್ ಮನ್ತಲೊ ಜುದೆವಾಂಚೊ ಎಕ್ ಮಾನುಸ್ ಹೊತ್ತೊ, ತೊ ಬೆಂಜ್ಯಾಮಿನ್ ಕುಳಿಚ್ಯಾ, ಕಿಶಿಚೊ ಪುತ್ರ್ ಶಿಮ್ಗಿಚೊ ನಾತು ಅನಿ ಜಾಹಿರಾಚೊ ಲೆಕ್ ಹೊಲ್ಲೊ ರ್‍ಹಾತಾ. 6 ಬಾಬಿಲೊನಾಚೊ ರಾಜಾ ನೆಬುಕದ್ನೆಚರಾನ್ ಜುದಾಚೊ ರಾಜಾ ಜೆಹೊಬಿನಾಕ್ ಬಂಧಿ ಕರಲ್ಲ್ಯಾನ್, ಹ್ಯಾತುರ್ ಮೊರ್ದೆಕೈಬಿ ಹೊತ್ತೊ. 7 ಹೆಕಾ ಎಸ್ತೆರ್ ಮನ್ತಲಿ ಭೆನ್ ಹೊತ್ತಿ, ಹದಾಶ್ಯಾ ಮನುನ್ ತಿಕಾ ಹಿಬ್ರು ಬಾಶೆತ್ ನಾವ್ ಹೊತ್ತೆ, ತಿ ಲೈ ಸುಂದರ್ ಹೊತ್ತಿ, ತಿಚಿ ಬಾಯ್ ಬಾಬಾ ಮರಲ್ಲ್ಯಾ ಮಾನಾ ಮೊರ್ದೆಕೈಯ್ ತಿಕಾ ಅಪ್ನಾಚಿ ಲೆಕ್ ಸಾರ್ಕೆ ಬಾಳಗಲ್ಲ್ಯಾನ್. 8 ರಾಜಾಚೊ ಹುಕುಮ್ ಪರ್ಗಟ್ ಹೊಲ್ಲ್ಯಾ ಮಾನಾ, ಅಧಿಕಾರಿಯಾನಿ ರಾಜ್ಯಾತ್ಲ್ಯಾ ಸಗ್ಳ್ಯಾ ನಿಂಬೆ ಚೆಡ್ವಾಕ್ನಿ ಗೊಳಾ ಕರುನ್, ಹಗೈಚ್ಯಾ ಹಾತಿತ್ ಒಪ್ಪಸ್ಲ್ಯಾನಿ, ತ್ಯಾತುರ್ ಎಸ್ತೆರ್ ಬಿ ಹೊತ್ತಿ. 9 ಹಗೈಯಾಕ್ ಎಸ್ತೆರ್ ಸುಂದರ್ ದಿಸ್ಲಿ, ತಿಕಾ ತೆನಿ ಶಿಂಗಾರಾಚೆ ತೆಲ್ ಅನಿ ಜೆವಾನ್ ದಿವ್ನ್, ಬರ್ಯಾ ಜಾಗ್ಯಾರ್ ಥವ್ನ್, ತಿಕಾ ಬಗುನ್ಗೆವ್ಕ್ ಸಾತ್ ಸೆವಕಿಯಾ ದಿಲ್ಯಾನ್. 10 ಖರೆ ಎಸ್ತೆರಾನ್ ಅಪ್ನಿ ಖಲ್ಯಾ ಲೊಕಾಂಚಿ, ಖಲ್ಯಾ ಕುಳಿಚಿ ಮನ್ತಲೆ ಕೊನಾಕ್ಬಿ ಕಳುಕ್ ದಿವ್ಕ್ ನಾ, ಕಶ್ಯಾಕ್ ಮಟ್ಲ್ಯಾರ್, ತಿಕಾ ಮೊರ್ದೆಕೈನ್ ತಸೆ ಹುಕುಮ್ ದಿಲ್ಲೆ ಹೊತ್ತೆ. 11 ಮೊರ್ದೆಕೈನ್ ತಿ ಅತ್ತಾ ಕಾಯ್ ಕರುಲ್ಲಾ, ಅನಿ ಫಿಡೆ ಕಾಯ್ ಹೊತಲೆ ಹಾಯ್ ಮನ್ತಲೆ ಕಳ್ವುನ್ ಘೆವ್ಕ್ ಸಾಟ್ನಿ ಹರ್ ಎಕ್ ದಿಸಾಬಿ ರಾಜಾಚ್ಯಾ ಘರಾಚ್ಯಾ ಇದ್ರಾಕ್ ಫಿರುನ್ಗೆತ್ ಹೊತ್ತೊ. 12 ಚೆಡ್ವಾಕ್ನಿ ಸಾ ಮೈನೆ ಬರ್ಯಾ ವಾಸೆಚೆ ತೆಲ್ ವಾಪ್ರುಕ್ ಅನಿ ಸಾ ಮೈನೆ ಸುಂದರ್ ಪಾನ್ ಯೆತಲೆ ತೆಲ್ ವಾಪ್ರುಕ್ ಎಳ್ ಹೊತ್ತೊ, ಅಶೆ ಬಾರಾ ಮೈನೆ ಕಳ್ದಲ್ಲ್ಯಾ ಮಾನಾ ತೆನಿ ಅಪ್ನಿ ತಯಾರ್ ಹೊವ್ನ್ ರಾಜಾಚ್ಯಾ ಇದ್ರಾಕ್ ಜಾತಲೆ ಹೊತ್ತೆ. 13 ರಾಜಾಕ್ಡೆ ಜಾವ್ಕ್ ಕೊನಾಚಿ ಪಾಳಿ ಯೆತಾ, ತಿನಿ ಕಾಯ್ ಪಾಜೆ ತೆ ಮಾಗುನ್ ನೆಸ್ತಲೆ ಹೊತ್ತೆ, 14 ತೆ ಹರ್ ಎಕ್ ಚೆಡುಬಿ ಸಾಂಜೆಕ್ಡೆ ಗೆಲ್ಲಿ ದುಸ್ರೆದಿಸಿ ಸಕ್ಕಾಳಿ ರಾಜಾಚ್ಯಾ ಹುರಲ್ಯಾ ಬಾಯ್ಕಾಕ್ನಿ ಬಾಳಗ್ತಲೊ ಶವಶ್ಗಜ್ ಮನ್ತಲ್ಯಾ ರಾಜ್ ಕಂಚುಕಿಚ್ಯಾ ತಾಬೆತ್ ಹೊತ್ತ್ಯಾ ದೊನ್ವೆಚ್ಯಾ ಭುತ್ತುರ್ಲ್ಯಾ ಘರಾಕ್ ಯೆವ್ಚೆ ಹೊಲ್ಲಿ. ರಾಜಾನ್ ತಿಕಾ ಮೆಚ್ಚುನ್ ತಿಚೆ ನಾವ್ ಸಾಂಗುನ್ ಬಲ್ವಿ ನಸ್ತಾನಾ ಎಕ್ಲಿಬಿ ರಾಜಾಚ್ಯಾ ಜಗ್ಗೊಳ್ ಜಾಯ್ ಸಾರ್ಕೆ ನತ್ತೆ. 15 ರಾಜಾಚ್ಯಾ ಜಗ್ಗೊಳ್ ಜಾತಲಿ ಮೊರ್ದೆಕೈಚಿ ಬಾಳಗಲ್ಲಿ ಲೆಕ್ ಅನಿ ತಿಜೊ ಧಾಕ್ಲೊ ಬಾಬಾ ಅಬಿಹೈಲಾಚಿ ಲೆಕ್ ಎಸ್ತೆರಾಚಿ ಪಾಳಿ ಯೆಲಿ, ತನ್ನಾ ತಿನೆ ತೆಂಕಾ ಬಗುನ್ ಘೆತಲ್ಯಾ ಹೆಗೈಯ್ ಮನ್ತಲ್ಯಾ ರಾಜ್ ಕಂಚುಕಿನ್ ದಿಲ್ಲೆ ತವ್ಡೆಚ್ ನೆಸುನ್ ಘೆಟ್ಲಿನ್, ಅನಿ ದುಸ್ರೆ ಕಾಯ್ಬಿ ಮಾಗುಕ್ ನಾ, ತಿಕಾ ಬಗಲ್ಯಾ ಹರ್ ಎಕ್ಲ್ಯಾನಿಬಿ ತಿಕಾ ಮೆಚ್ಲ್ಯಾನಿ.

16 ಜೆರಸ್ ರಾಜಾ ಹೊವ್ನ್ ಸಾತ್ವ್ಯಾ ವರ್ಸಾಚ್ಯಾ ಧಾವ್ಯಾ ಮಹಿನ್ನ್ಯಾತ್, ಎಸ್ತೆರಾಕ್ ರಾಜಾಚ್ಯಾ ಇದ್ರಾಕ್ ಬಲ್ವುನ್ ಹಾನ್ಲ್ಯಾನಿ, 17 ರಾಜಾಕ್ ಎಸ್ತೆರ್ ಸಗ್ಳ್ಯಾ ಚೆಡ್ವಾತ್ನಿ ಸುಂದರ್ ದಿಸುನ್, ತಿ ತೆಜ್ಯಾ ಕುರ್ಪೆಕ್ ಅನಿ ಪ್ರೆಮಾಕ್ ಗಾವ್ಲಿ, ಅಶೆ ಹೊವ್ನ್ ತೆನಿ ತಿಕಾ, ರಾನಿಚೊ ಮುಕುಟ್ ನೆಸ್ವುನ್, ವಸ್ಟಿಚ್ಯಾ ಬದ್ಲಾಕ್ ರಾನಿ ಕರ್ಲ್ಯಾನ್. 18 ತೆನಿ ಎಸ್ತೆರಾಕ್ ಮರ್ಯಾದ್ ದಿವ್ ಸಾಟ್ನಿ ಅಪ್ನಾಚ್ಯಾ ಸಗ್ಳ್ಯಾ ಅಧಿಕಾರಿಯಾಕ್ನಿ ಅನಿ ಕುಟ್ಮಾಚ್ಯಾಕ್ನಿ ಬಲ್ವುನ್, ಜೆವಾನ್ ದಿವ್ನ್ ಹರ್ ಎಕ್ಲ್ಯಾಕ್ ಉದಾರ್ಪಾನಾನ್ ಕಾನಿಕಾ ದಿವ್ನ್, ತ್ಯಾ ದಿಸಿ, ಬಂಧಿಖಾನ್ಯಾತ್ನಿ ಹೊತ್ತ್ಯಾಕ್ನಿ ಸುಟ್ಕಾ ಕರುಚೆ ಮನುನ್ ಹುಕುಮ್ ದಿಲ್ಯಾನ್.

ಮೊರ್ದೆಕೈನ್ ರಾಜಾಕ್ ಹುರ್ವಲ್ಲೆ

19 ದೊನ್ವ್ಯಾ ಸರ್ತಿ ನಿಂಬೆ ಚೆಡ್ವಾಕ್ನಿ ಗೊಳಾ ಕರಲ್ಲ್ಯಾ ತನ್ನಾ, ಮೊರ್ದೆಕೈಯ್ ರಾಜಾಚ್ಯಾ ಘರಾಚ್ಯಾ ದಡ್ಪ್ಯಾಚ್ಯಾ ಇದ್ರಾಕ್ ಬಸುನ್ ಹೊತ್ತೊ. 20 ಎಸ್ತೆರಾನ್ ಮೊರ್ದೆಕೈಚ್ಯಾ ಹಾತಿತ್ ಅಪ್ನಿ ರ್‍ಹಾತಲ್ಯಾ ದಿಸಾತ್ನಿ ಕಸೆ ತೆಚೆ ಹುಕುಮ್ ಪಾಳುನ್ ಘೆವ್ನ್ ಚಲ್ಲಿನ್, ತಸೆಚ್ ಅತ್ತಾಬಿ ಅಪ್ನಿ ಖಲ್ಯಾ ಕುಳಿಚಿ ಅನಿ ಖಲ್ಯಾ ಲೊಕಾಂಚಿ ಮನ್ತಲೆ ಕೊನಾಕ್ಬಿ ಕಳುಕ್ ದಿವ್ಕ್ ನಾ. 21 ತ್ಯಾ ಎಳಾರ್ ಮೊರ್ದೆಕೈಯ್ ರಾಜಾಚ್ಯಾ ಘರಾಚ್ಯಾ ಮೊಟ್ಟ್ಯಾ ದಾರಾಕ್ಡೆ ಬಸುನ್ ಹೊತ್ತ್ಯಾ ತನ್ನಾ ದಾರಾಕ್ಡೆ ರಾಕ್ತಲ್ಯಾ ಬಿಗೆತಾನ್ ಅನಿ ತೆರೆಶ್ ಮನ್ತಲ್ಯಾ ದೊನ್ ರಾಜ್ ಕಂಚುಕಿಯಾನಿ ಲೈ ರಾಗಾನ್ ರಾಜಾ ಅಹಶ್ವೆರೊಶಾಕ್ ಮಾರುಚೆ ಮನುನ್ ಯೆವ್ಜನ್ ಕರುನ್ಗೆತ್ ಹೊತ್ತ್ಯಾನಿ. 22 ಹೆ ಮೊರ್ದೆಕೈಕ್ ಕಳಲ್ಲ್ಯಾ ತನ್ನಾ, ತೆನಿ ರಾನಿ ಎಸ್ತೆರಾಕ್ ಖಬರ್ ಕಳ್ವುಲ್ಯಾನ್, ಅನಿ ತಿನಿ ಹಿ ಸಗ್ಳಿ ಖಬರ್ ಮೊರ್ದೆಕೈಚ್ಯಾ ನಾವಾರ್ ರಾಜಾಕ್ ಕಳ್ವುಲಿನ್. 23 ರಾಜಾನ್ ಹೆಚ್ಯಾ ವಿಶಯಾತ್ ಇಚಾರ್‍ನಿ ಕರಲ್ಲ್ಯಾ ತನ್ನಾ ತಿ ಖಬರ್ ಖರಿ ಹೊಲಿ, ತನ್ನಾ ತೆನಿ ತ್ಯಾ ದೊಗ್ಯಾಕ್ನಿ ಗಳ್ಪಾಸ್ ದಿವ್ಕ್ ಲಾವ್ಲ್ಯಾನ್, ಹೆ ಅಪ್ನಾಚ್ಯಾ ಸದ್ದಾಚಿ ಕಾಮಾ ಲಿವ್ತಲ್ಯಾ ಪುಸ್ತಕಾತ್ ಲಿವ್ಕ್ ಲಾವ್ಲ್ಯಾನ್.