João 5

1 Ɛhe si ne, né Yudafoɛ ne di b’afahyɛ, na Yesu hɔle Yerusalem. 2 Ne ɛkwaa*5:2 Ɛkwaa te nzue bɔ ɔta neka-horɛ. (Brɔfo - Lake.) bie la Yerusalem Mmoan Anoa nanwo bɔ Hebri nu ne bɛfrɛ ye Betsada;*5:2 Anaa "Betsata." né ole varanda nnu wɔ ye nwo. 3 Na né mmenia pee bɔ bɛnde apɔ, bɛ nye asi, babubu, na bɛ bue awu lela berɛ. 4 *5:4 Sɛ ɛnea Bible biemɔ nu a, bafa edwirɛ bie batoa ngyekyɛmue 3 naso, yeɛ bafa ngyekyɛmue 4 koso bawura berɛ kyɛ: Bɔ bɛnwondɛ maa nzue ne ponda. 4 Ofikyɛ odwu mmerɛ bie a, Awurade abɔfo baponda nzue ne. Sɛ nzue ne ponda a, ebiala bɔ okoli moa kɔtɔ nzue nanu ne, né ye nwo atɔ ye. Nakoso sɔ dwirɛ ne, ɔnne asaanoa ndworɔyɛ bɔ wahyɛ paa, ɔne bɔ odi mu paa nemɔ nu.— 5 Né biaa bie bɔ wafokyɛ afoɛ 38 wɔ berɛ. 6 Yesu nwuni kyɛ sɔ biaa ne la berɛ, na ne ɔse kyɛ wafokyɛ wahyɛ. Yeti obisale ye kyɛ: "Ɛpena kyɛ wɔ nwo tɔ wɔ?" 7 Biaa bɔ ɔnde apɔ ne hane kyɛ: "Me wura, nnne ebiala bɔ nzue ne ponda a, ɔkɔfa me kɔto nu ɔ; na sɛ mekwaatɔ nu a, né ebie ali me nyunu moa waatɔ nu." 8 Yesu ha hyirele ye kyɛ: "Dwɔso, fa wɔ bɛen ne, na nate." 9 Na ɛberɛ ala biaa ne nwo tɔle ye, ɔfale ye bɛen, na ɔhyɛle yebo natele. Né sɔ kyẽa ne te Homeda.