25 "Yeti, meka mekyire ɛmɔ kyɛ: Nnɛmɔ dwene ɛmɔ ngoa6:25 Ngyerɛaseɛ Tee: "Kra." nwo kyɛ, nzu yeɛ yɛkoli, anaa nzu yeɛ yɛkɔno ɔ; anaa ɛmɔ nipadua nwo kyɛ nzu yeɛ yɛkowura ɔ. Aso, ngoa nhia ndra aleɛ, na nipadua ne ndra atadeɛ? 26 Ɛmɔto ɛmɔ bo ase bɛnea ewienu nnomaa: Bɛnyɛ boo, bɛmbɛ, ná baboaboa ye noa bagua pata so, nakoso, ɛmɔ anwuro Baba ne ma bɛ aleɛ. Aso ɛmɔ nwo nhia ndra bɛ? 27 Ɛmɔ nu nwa yeɛ sɛ ɔdwene dee a, ɔkɔhora kɔfa dɔnhwere komapɛ6:27 Sɛ ekyire yebo tee a, ɔte: "Basafa kõ" anaa "Sentimita 45." po kɔboka ye ngoa so ɔ?
28 "Na nzuati yeɛ ɛyɛ a ɛmɔha ɛmɔ nwo wɔ ndadeɛ nwo ɔ? Ɛmɔnea kyɛbɔ flawa nyi ne, ná ɛmɔsua nikye bie bɛfi nu; bɛnyɛ adwuma, na bɛnwõ ɛtena. 29 Nakoso, meka mekyire ɛmɔ kyɛ, anuonyam bɔ Solomon nyane ye namukoraati si ne, wanziesie ye nwo kyɛ ɛhemɔ nu kõ po. 30 Na sɛ Nyameɛ wura eburo nningyein bɔ ɔwɔ berɛ ɛnɛ, na ɛhema bagyi bagua see nu né ndaadeɛ a, ɔngowura ɛmɔ atadeɛ maa ɔngɔbo so? Ɛmɔ bɔ ɛmɔ gyidie te kaa ɔ.
31 "Yeti, nnɛmɔ ha ɛmɔ nwo bɛdwene bɛka kyɛ, ‘Nzu yeɛ yɛkoli ɔ?’ anaa ‘Nzu yeɛ yɛkɔno ɔ?’ anaa ‘Nzu yeɛ yɛkowura ɔ?’ 32 Ofikyɛ sɔ nningyein he yeɛ bɛ bɔ bɛwɔ wiase ne nye aboro ye nwo ne. Nakoso, ɛmɔ anwuro baba ne se kyɛ ɛmɔhia sɔ nningyein he amukoraati. 33 Ɛmɔ de, ɛmɔli moa bɛpena Ahennie ne, ɔne Nyameɛ tenenee, na ɔkɔfa sɔ nningyein he amukoraati kɔboka ɛmɔ so." 34 "Yeti, nnɛmɔ dwene ɛhema nwo, ofikyɛ kyẽa ne bɔbɔ kɔdwene ye nwo. Kyẽa biala, ɔhaw bɔ ɔwɔ nu ne sone ma ye."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)