Esra Laka Kufiofa Nwu Aata Batii Nwu
1 Di Yuda batii kɔwɛntɛ kuɛnsinle lawa nii, di Israel batii nfɛ nsi ni di sekpoo lɛma kamɛ yi, bamuu lasi fɛ otii onwii di Ntu Kayoko kaflɔnkɔ anu. Ni baatɔkɔ kũyetɛ Esra alɛ adieko Mose Kufiofa kukũ ko di SAATE nwu lakpana aata ni Israel awako nɛ.
2 Nioso oletatɛ Esra lawako kufiofa kukũ nwu di Yuda batii kɔwɛntɛ kuɛnsinle dii kasale suoto di kasiisakɔ nwu anu, baale ni basuɔtɔ ku basanko ku mba bamuu niafuo ni kasɔ onu. 3 Ni di Esra laka Kukũ nwu osie kanya diayɔ ni di olesɛ dialaase di kakũ, aayila aakyɔɔ ni anu Ntu Kayoko nwu di basuɔtɔ, basanko ku mba niafuo ni kasɔ onu anu nɛ. Ni di batii nwu bamuu lalolaa atoko bakyɔɔ baanu Kufiofa Kukũ nwu nɛ.
8 Baaka baakyeko Yaa Kufiofa Kukũ nwu kamɛ, baakpasa kũ kamɛ, baatoodiki kũ kasɔ alɛ batii nwu kanu lɛsaa le bɔɔka ni kasɔ.
18 Dii biala, diɛyɔ ni di dii kasale diɛlaase ni di dii yɛntɛle yi, Esra nka sɛlaa ankyeko Yaa Kufiofa Kukũ nwu kamɛ. Ayi akuɛnsĩ baale dii nwu, ni di dii nɛnle, di ɔsaabla nwu kanya yi, baasi.