Êxodo 18

17 ತೆ ಐಕಿನ ಮೊಶೆನೊ ಮಾಮೊ ತಿನೆ, " ತು ಕರಾನು ಆ ಕಾರ್ಯ ವಿದಾನ ಚೊಕೊ ನವೈ. 18 ಆ ಕಾಮ ಘನ್ನು ಕಷ್ಟ ರ‍್ಹಯಲ ವ್ಹೈ. ತಾರಾ ಯಕ್ಲಾಕ್ಹು ತಿನೆ ನೈ ಚಲಾವಾನೆ ಥಾತು. ತು ತಾರಾ ಕ್ಹಾತೆ ರ‍್ಹವಾನಾ ಆ ಮನಕ್ಹೊ ಕ್ಹರಿಮಾಜ ತ್ರಾಸನೆ ಮ್ಹೈ ಥಾವೊಶಿ. 19 ಆ ವಾತನೆ ಐಕ. ಮಿ ತುಮೊನೆ ಯಕ್ಕ ಆಲೊಚನೆ ಕೌಸ ವರಿ ಕ್ಹುದಾ ತಾರಾ ಕ್ಹಾತೆ ರ‍್ಹವಾದೆ ತು ಮನಕ್ಹೊನೆ, ಕ್ಹುದಾನೆ ವಚ್ಮಾ ರ‍್ಹಯಲ ಮನಕ್ಹೊನಾ ಲಡೈವೊನೆ ಕ್ಹುದಾಕನ ಲೌ. 20 ತು ಕ್ಹುದಾನಾ ಆಜ್ಞಾ ವಿದಿಯೊನೆ ಸಾರಿನ, ತ್ಯುನೆ ಚಾಲಾನಿ ವಾಟನೆ, ಕರಾನಾಹುತಿ ಕಾಮೊನೆ ತ್ಯುನೊನೆ ತಿಳಸು. 21 ತೆನೈಸೊ ತು ಮನಕ್ಹೊಮಾ ಸಮರ್ಥರೊ, ಭಕ್ತೊ, ನಂಬಿಗಸ್ತೊ, ಲಂಚಮಟನಾ ಥಯಲ ದಾಣ್ಗಾವೊನೆ ಇನಿಲಿನ ತ್ಯುನೊನೆ ಹಜಾ಼ರ ಮನಕ್ಹೊನಾ ಉಪ್ಪರಬಿ, ಕ್ಹೊ ಮನಕ್ಹೊನಾ ಉಪ್ಪರಬಿ, ಐವತ್ತ ಮನಕ್ಹೊನಾ ಉಪ್ಪರಬಿ, ದಕ್ಹ ಮನಕ್ಹೊನಾ ಉಪ್ಪರಬಿ ಅದಿಕಾರಿಯೊ ಕೈನ ನೆಮಸು. 22 ತ್ಯುನೆಜ಼ ಕೆಳಮಾಬಿ ಮನಕ್ಹೊನೆ ನ್ಯಾಯಾ ತಿರಸಾದೆ. ತ್ಯುನೆ ಮ್ಹೊಟಾ ಲಡೈಯೊನೆ ತುಕನ ಲಾವಾದೆ. ನ್ಹಾನಾ ಲಡೈಯೊನೆ ತ್ಯನೆಜ ಛೊಡಾವದೆ. ತ್ಯುನೆ ತಾರಾ ಕ್ಹಾತೆ ಆ ವಜನ ಉಚಾವಕ್ಹು ತ್ಯುನೆ ಹಲಕು ಥಾವಸ. 23 ಕ್ಹುದಾ ತುನೆ ಅಮ್ಮ ಕರಾನಾಹುತಿ ಅಪ್ಪಣೆ ದಿದ್ಯಾಮ, ತು ಆ ಕಾಮನಾ ಹೊರೆನೆ ನಿರ್ವಸಾನೆ ಸಾದ್ಯ ಥಾವಸ. ಆ ನೈಸೊ ಆ ಮನಕ್ಹೊ ಕ್ಹಾರಾ ಸಂತುಷ್ಟ ಥೈನ ತ್ಯುನಾ ತ್ಯುನಾ ಘರೊಯೆ ಜಾ಼ವಸ" ಕೈನ ಕದ್ಯೊ.