ವಿಮೊಚನಕಾಂಡ 2

5 ತೆಕ್ಲಾಕ್ಹುಜ಼ ಫರೊಹನನಿ ದಿಕ್ರಿ ಅಂಗ ಧವಾನಾಹುತಿ ನೈಲ ನದಿಕನ ಐ. ತಿನಿಯೊ ಸೆವಕಿಯೊ ತೆ ನದಿನಾ ದಂಡಿಕನ ಫರಾಡ್ಯೊತೊ. ತೆ ಟೊಪ್ಲಿನೆ ದೆಕಿನ, ತಿನಿ ಯಕ್ಕ ಸೆವಕಿನೆ ವಳೈನ ತೆ ಟೊಪ್ಲಿ ಮಂಗೈಲಿದಿ. 6 ತೆ ಟೊಪ್ಲಿ ಕಾಡಿನ ದೆಕ್ತಾಮಾ, ಆಹಾ! ರವಾನು ಬಚ್ಚು಼. ತಿನೆ ತಿಪರ ಮರ್ಗಾ ಐನ, "ಎ ಇಬ್ರಿಯಮಾನು ಯಕ್ಕ ಬಚ್ಚು಼ ವಸ" ಕೈನ ಕದಿ. 7 ಬಚ್ಚಾ಼ನಿ ಭೆನ ಪಾಚಿ ಹುಬರೈತಿ ತೆಳಾಮಾ ಅಗಿ ಐನ ಫರೊಹನನಿ ದಿಕ್ರಿನೆ ತಾರಾಹುತಿ "ಎ ಪಟ್ಟಾನೆ ದುದ್ದ ಪಿಲೈನ ರಾಕಾನಾಹುತಿ ಯಕ್ಕ ದಾದಿನೆ ಮಿ ಬಲೈ ಲೌ ಸು? ಕೈನ ಪುಚ್ಚಿ. 8 ಫರೊಹನನಿ ದಿಕ್ರಿ ತಿನೆ, "ಜಾ಼ ಬಲೈಲಿನ ಆ" ಕದಿ. ತೆ ಗೈನ ತೆ ಬಚ್ಚಾ಼ನಿ ಮಾನೆಜ಼ ಬಲೈಲಿನ ಐ. 9 ಫರೊಹನನ ದಿಕ್ರಿ ತೆ ಪಟ್ಟಾನಿ ಯಾನೆ, "ತು ಆಂ ಬಚ್ಚಾ಼ನೆ ಲಿನ ಗೈನ ತಿನೆ ದುದ್ದ ಪಿಲೈನ ಮಾರಾಹುತಿ ರಾಕ, ಮಿ ತುನೆ ಪಗಾರ ದ್ಯುಸ" ಕದಿ. ತೆ ಬಾಕ್ಡಿ ತೆ ಬಚ್ಚಾ಼ನೆ ಲಿನ ಗೈನ ರಾಕಿ.