Êxodo 32

11 ತೆನೈಸೊ ಮೊಶೆ ತಿನೊ ಕ್ಹುದಾ ಥಯಲ ಯಹೊವಾನೆ, "ಯಹೊವಾ, ತಾರಿ ಶಿಟ್ಟ ತಾರಾ ಮನಕ್ಹೊನೆ ನಾಶ ನಕೊ ಕರಾದೆ. ತಾರಿ ಮ್ಹೊಟಿ ತಾಕತಕ್ಹು ಬಲಾಕ್ಹು ಎ ಮನಕ್ಹೊನೆ ಐಗುಪ್ತತೊ ಭಾರೊ ಲಿನ ಆಯೊತೊ. 12 ತೆನೈಸೊ ತು ತಾರಾ ಮನಕ್ಹೊನೆ ನಾಶ ಕರ‍್ಯೊಮ, ಐಗುಪ್ತನಾ, ‘ಯಹೊವಾ ತಿನಾ ಮನಕ್ಹೊನೆ ಕೆಟ್ಟ ಕರಾನಾಹುತಿಜ಼ ಐಗುಪ್ತತೊ ಬಲೈಲಿನ ಗಯೊ. ತೆ ತ್ಯುನೊನೆ ಡೊಂಗರೊಮಾ ಖಲಾಸ ಕರು ಕೈನ ವ್ಹತ್ತೊ; ತಿನಾ ಮನಕ್ಹೊನೆ ಜಿಮಿನ ಪರ್ತೊ ಖಲಾಸ ಕರು ಕೈನ ವ್ಹತ್ತೊ’ ಕೈನ ಕವಸ. ತಿನಾಹುತಿ ತಾರಾ ಮನಕ್ಹೊನಾ ಉಪ್ಪರ ಶಿಟ್ಟ ಥೌ ನಕೊ. ತಾರಿ ಶಿಟ್ಟ ಛೊಡಿಪಡ. ತಾರಾ ಮನಕ್ಹೊನೆ ನಾಶ ಕರು ನಕೊ. 13 ತಾರಿ ಸೆವಾ ಕರಲ ಅಬ್ರಹಾಮನೆ, ಇಸಾಕನೆ, ಯಾಕೊಬನೆ, ಇಸ್ರಾಯೆಲೊನೆ ಶೆಂ ಕರಿಲೆ. ತು ತಾರು ನಾಮ ಉಪಯೊಗ ಕರಿನ ತೆ ಮನಕ್ಹೊನೆ ವಾಗ್ದಾನ ಕರ‍್ಯೊತೊ ‘ಮಿ ತಾರಾ ಸಂತತಿವಾಲಾವೊನೆ ಹಬಾಳನಾ ಚಿಕ್ಕಿಯೊನಾ ತೆಕ್ಲು ಕರುಸ. ಮಿ ವಾಗ್ದಾನ ಕರಲ ತಿಮ್ಮ ಎ ಕ್ಹಾರಾ ದೆಶನೆ ತಾರಾ ಸಂತತಿ ಲಕ್ಕಾ ದ್ಯುಸ. ಎ ದೆಶ ಹಮೆಶಾಬಿ ತ್ಯುನುಜ ಥೈನ ರ‍್ಹವಸ’ ಕೈನ ತು ತಾರಾ ನಮಾಪರ ವಾಗ್ದಾನ ಕರ‍್ಯೊತೊತೊ" ಕದ್ಯೊ. 14 ತಿನಾಹುತಿ ಯಹೊವಾ ಮನಕ್ಹೊನಾಹುತಿ ಮರ್ಗಾ ಖೈನ ತಿನಾ ಮನಸನೆ ಬದ್ಲಿ ಕರಿ ಲಿದ್ಯೊ; ತೆ ಕದಲ ಕೆಟ್ಟ ಕರ‍್ಯೊ ನೈ; ತಿನಾ ಮನಕ್ಹೊನೆ ನಾಶ ಕರ‍್ಯೊ ನೈ.