5 Ikhaa jngó Pédro̱ kra̱ꞌaa ná géjwa̱nꞌ, jamí ni̱tia̱wáa̱n májáa̱n. Xómáꞌ tsí nanimbu̱únꞌ juyáá Jesús, nuthán-jáñíi̱ máꞌ xúꞌkhue̱n Ana̱ꞌlóꞌ ga̱jma̱á numuu Pédro̱.
7 A̱ꞌkhue̱n nda̱a̱ ajngóo nisngájma-mina̱ꞌ mbáa ánje̱l tsí nixúngua̱a̱ꞌ Táta̱, jamí nimbiꞌi-taꞌa agu ná géjwa̱nꞌ. A̱ꞌkhue̱n ánje̱l nixkajma ná níjñúu Pédro̱ kajngó maxkaxii̱, jamí niꞌthúu̱n: «Araxu̱unꞌ mbá nacha̱». A̱ꞌkhue̱n nithon-rígú ikhaa ñuu ajwa̱nꞌ rí xtoꞌwóo ná ñawúun Pédro̱.
10 Ído̱ ninújngúu̱n ná wájun timbá jamí riajma̱ kuthuun xa̱bo̱ tsí ku̱ra̱tuun ajwa̱nꞌ, a̱ꞌkhue̱n niguáꞌníi̱ ná xkrugua ajwa̱nꞌ rí jayá rawuun rixa̱á. Ni̱ma̱ꞌthoo máꞌ ikhaa xkrugua rúꞌkhue̱n kajngó ma̱ga̱jnúu̱. Jamí nagóo̱ mbá ikhoo xuajen, a̱ꞌkhue̱n nda̱a̱ ajngóo nánguá nikujma náá ni̱ka̱ ánje̱l tsí na̱ka̱ ga̱jma̱á Pédro̱.
12 Ído̱ wámbo̱o̱ niꞌthán-mine̱e̱ꞌ rúꞌkhue̱n, a̱ꞌkhue̱n ni̱ke̱e̱ ná guꞌwóo María̱, nánée Juáán, tsí nutháa̱n Márko̱s, ná phú mbaꞌiin xa̱bo̱ nimbáxi̱in nuthán-jáñíí Ana̱ꞌlóꞌ. 13 Ído̱ Pédro̱ nixnúu rawuun xkrugua rí rixa̱á, a̱ꞌkhue̱n mbáa dxáꞌgú tsí mbiꞌyuu Róde̱ ni̱ka̱ gáꞌyoo tsáa ñajuu̱n. 14 Ído̱ rí ikhaa̱ neꞌne-nuwii̱n a̱ꞌwóo Pédro̱, a̱ꞌkhue̱n phú gagi a̱kuii̱n neꞌne rí asndo tármáꞌthoo̱ xkrugua. Nigáyuu̱ ni̱kaa̱ gáꞌthée̱n rí Pédro̱ wéje̱ rixa̱á. 15 Jamí ikhii̱n nitháa̱n:
—Najmiyaaꞌ ikháánꞌ.
Xómáꞌ ikhaa̱ naꞌthée̱n rí gakon rí xkuaꞌnii jaꞌnii. A̱ꞌkhue̱n ikhii̱n nithee̱n:
—Ánje̱l tsí na̱ña̱wu̱u̱n Pédro̱ ñajuu̱n.
16 Xómáꞌ Pédro̱ naxnúu máꞌ xúꞌkhue̱n rawuun xkrugua. Ído̱ ni̱rmáꞌtháa̱ jamí ndiyáa̱ Pédro̱, a̱ꞌkhue̱n ni̱ka̱ a̱kuíi̱n.