Gênesis 18

23 İbrıhım Mang’usqana qıxha eyhen:

– Hək’ebane, bınahnanbışika qopkuynbıb havaakal haa’as? 24 Eyhes, ine şaharee xhots’al (50) qorkuna insan vor. Ğu mana hək’ebab havaakal haa’asdane? Mane xhots’alyne qorkune insannemee Ğu mane şaharne bınahıle ılyheç’es dişde? 25 Ğu man hidya’a, qorkunayiy bınahnana sacigee gidek’a. Qorkunayiy bınahna Ğu sa hidya’a. İnimeen dyunye vuk’lek Ikkekkana, qorkura ixhes ıkkan!

26 Rəbbee eyhen:

– Sodomne şaharee xhots’al qorkuna insan avaykee, manbışdemee ine cigayne bıkırra bınaheençe ılyheç’esda.

27 İbrıhımee meed eyhen:

– Zı Yiğnemee yı’qiy tooz xhinnen sa kar ixheeyir, zı meed yik' hı’ı Xudaavandayke qiyghanan, 28 xhots’alyna qorkuna g’ales xhoyre insan ivdekeene, mana xhoyre g’idiyxharva şahar havaakal haa’asdane?

Rəbbee eyhen:

– Yoq’ts’ale xhoyre (45) aveykeene, şahar havaakal haa’as deş.

29 İbrıhımee meed qiyghanan:

– Maa’ar yoq’ts’al aveykeene, hucoone ha’as?

Rəbbee eyhen:

– Yoq’ts’alyung’unemeeyir set’as deş.

30 İbrıhımee eyhen:

– Zı geer yuşanı’il-alla Xudaavandays qəl mooxhecen: maa’ar xhebts’al (30) aveykeene, nəxüdne ixhes?

Rəbbee uvhiyn:

– Maa’ar xhebts’alir aveykeene, vuççud ha’as deş.

31 İbrıhımee eyhen:

– Zı meed yik' hı’ı Xudaavandayke in qiyghanan: maa’ar g’ayre (20) aveykeene, hucoone ha’as?

Rəbbee eyhen:

– G’ang’unemeeyib havaakal haa’as deş.

32 İbrıhımee eyhen:

– Zı sayid eyheva Xudaavandays qəl mooxhecen, yits’iyre aveykeene, hucoone ha’as?

Rəbbee eyhen:

– Yits’ıng’unemeeyib havaakal haa’as deş.

33 Rəbbee İbrıhımıka haa’ana gaf ç’əvav’u, ayk’anna. İbrıhımır cune çadıreeqa siyk’alna.