1 Konyel Paulıy Barnaba Yahudeeşine sinagogeeqa sanab ikkeepç'ı, yuşan haa'a. Manbışe geeb Yahuderiy menne milletbışin insanar imanılqa qavalyaa'a. 2 İman hidi'iyne Yahudeeşeme, menne milletınbı iman hı'iynbışilqa g'elil qaa'a. 3 Paulıy Barnaba maa'ab xılece gahna aaxvanbı. Manbı maa'ab Xərıng'une I'sayne hək'ee yik'eka yuşan haa'a. I'sa Masiheeme manbışis əlaamatbıyiy gorsatmabı hagvasda guc huvuyka Cune yugvaline hək'eedın cuvab hagvan. 4 Şaharın millet q'öne cigeeqa qexhe. Sabaranbışe Yahudeeşin, sabaranbışed I'see g'axuvuyne telebabışin sura aqqaqqa. 5 Yahudeeşisiy cone ç'ak'ınbışis, menne milletınbışis, telebabışilqa yiğbı alli'ı, manbı g'ayeqqa hevles vukkiykan. 6 Telebabışik'le cok ha'as ıkkanan ats'axhxha, manbı mançe Likaoniyeyne Listrayiy Derbe eyhene şaharbışeeqa, mane şaharbışde hiqiy-allane cigabışeeqa heebaxa. 7 Maayib Yugna Xabar yuşan haa'a.

8 Listree g'elybışike iykaras dəxəna sa adamiy ıxha. Mana yedike ıxhayng'acar ık'ar ıxha, mana mısacar iykır deş. 9 Mang'vee Paulee eyhençil k'ırı iliyxhe ıxha. Paulmee mang'uqa ilyakkımee, mang'uqa yug qixhesın iman g'ece. 10 Mançil-allad axtıda eyhen:

– Oza, g'elil oğa ulyozre!

Mana insan cigeençe g'ork'ul, iykar giyğal. 11 Milletık'le Paulee hı'iyn g'acumee, ts'irbı ha'a, Likaoniyeyne mizel eyhen:

– Allahar insanaaşik akar şasqa abı!

12 Barnabayk'le Zevsva, Paulık'led manacar yuşan ha'ava Hermesva eyhe.* 13 Şaharne ögilyne Zevsne məəbədne kaahinee şaharne akkabışisqa congabıyiy çələngbı adayle. Mang'us milletıka sacigee q'urbanbı gyat'as ıkkiykan. 14 I'sayn telebabışik'le Barnabayk'leyiy Paulık'le man g'ayxhımee, manbışe colyun tanalinbı qıt'axxı'ı, milletne yı'q'neeqa akk'yapk'ı, ts'irbı ha'a:

15 – İnsanar, nya'a şu məxüd ha'a? Şinab şu xhinnen insanar vob. Şi şos Yugna Xabar abı. Mane q'ərane byutbışike xıl ts'ıts'ee'e. Xəybı, ç'iyebı, deryahbı, mançeedın gırgın itxhınne vorne Allahılqa savk'le. 16 Mang'vee şenke gırgıne milletbışis cone yəqqı'n əlyhəəs hapsıreeyib, 17 Cuna şahadiyvalla avaak'an hav'u deş. Şos xəənçe gyoğiy gyoğa'a, yugne şagavıkan gahbı hele, şu aats'yaa'anbı, yik'bı şada'a.

18 Manbışisse cos q'urban ablima'acenva, dağamda ixheeyid, millet mizel aqqas əxən.

19 Antakyeençeyiy Konyeençe sabara Yahuder abı, millet colqa ts'ıts'a'a. Mane Yahudeeşe Paul g'ayeqqa hele. Manbışik'le Paul qik'uyn xhinne ats'axhxha, mana şahareençe qığayhena. 20 Telebabı hiqiy-alla sabıyng'a, Paul oza qıxha şahareeqa siyk'al. Qinne yiğılir Barnabayka Derbeyeeqa ayk'an.

21 Manbışe mane şahareeyib Yugna Xabar yuşan hav'u, geeb telebabı saa'a. Qiyğa Paulıy Barnaba Listralqa, Konyelqa, Antakyalqa siviyk'al. 22 İman it'umda aqqecenva, maa'ad manbışe telebabışis yik'bı hele. Manbışe eyhe ıxha:

– Allahne Paççahiyvaleeqa geeb əq'üba ts'ıts'av'uyle qiyğa ikkeepç'es.

23 Gırgıne şaharbışeene iman ha'anbışis ağsaqqalar g'əvxü, düəykayiy sivaaşika manbı co iman ha'ane Xərne I'salqa amaanat haa'a. 24 Pisidiyeençe ılğeepç'ı, Pamfiliyeeqa qabayle. 25 Maa'ab Allahın cuvab Perge eyhene şahareeqa hixhar hı'iyle qiyğa, manbı Antalyeeqa abayle. 26 Mançe gamıyka Şuriyelyne Antakyelqa siviyk'al. Manbışis Allahne işinemee ögilycab xayir-düə huvuyniy yəqqı'l hav'uyn ciga manniy vod. 27 Manbı yı'q'əlqa sapk'ılmee, gırgın iman ha'anbı sacigeeqa saa'a. Qiyğa Allahee coleğana g'acuyn işbı, Mang'vee menne milletbışis imanın akka nəxüd aaqiy yuşan ha'a. 28 Manbı maa'ab telebabışika xılece gahna aaxvanbı.