Salmos 8

Alaa binyena adamadiin xa

1 Dawudaa bɛtina, bɛti baane kuntigin xa. A xa ba Gati kaane kondenna ra.

2 Nxu Marigina Alatala,

i tan nan xili gbee kanna ra bɔxɔn birin yi!

I bata i ya nɔrɔn nate

han kore xɔnna ma!

3 I bata diidine nun dii ɲɔrɛne yamari

e yi i matɔxɔ

alogo i yaxune xa e dundu,

e nun yɛngɛfane nun gbeeɲɔxɔ tiine.

4 N na koren mato

i naxan nafalaxi i yiin na,

kiken nun sarene

i naxanye dɔxi e yirene yi, n naxa,

5 "Nanse daɲɔxɔn na,

i to i yengi dɔxi a xɔn?

Nanfera i ɲɔxɔ luxi adamadiin xɔn?"

6 I a daxi nɛn,

a nɔrɔn yi maso malekane ra.

I binyen nun xunnayerenna fi a ma.

7 I bata yamarin so a yii

i ya dali seene birin xunna.

I bata seen birin lu a sanna bun:

8 alo xuruse kurune nun ɲinge kurune

nun burunna subene

9 nun xɔline nun yɛxɛne

e nun niimaseen naxanye fɔxɔ igeni.

10 Nxu Marigina Alatala,

i tan nan xili gbee kanna ra bɔxɔn birin yi!