Conversão

19 Cine, helungnreulu, nah nreu caililu, iciu eh nnui maudung teinggah dilu kerane,

38 Cidau Peter penui de keligai, "Helungnreulu, nah duipum teilu, nnui hangge ge kecu Jisu Khrista zi gade nnui maudung gilu kerane, iciude nnui Kemci Rabe mapeude ngau luzie.

30 Ciziemne Tinggwang anui kemie tingdung de ngau kemak nzwa gwang dida, dede cu pa keheileu ga mina leune de helungnreu lulo sam kaigai dida.

17 Cipau ting gade Jisu sam ledeu eh, "Nnui lung nreulu, kedanemene Tinggim hegwangram nna bam dida," de eh rang gwang.

8 Helungkenreu tsi bui lulo.

15 Pa rangdi, "Peting cang dida* nah Tinggwang hegwangram nna bam dida. Helungnreulu nah samliakeyi de nlum lulo."

7 Cinzwa Ih nnui dage ranglia zie, makesangme hangriakhekui-hekui helungnreu maisia kemakme swade kemaume hangge helung nreu kelu ziemne tinggim ga suiyi kieeki zie.

10 Cide nzwa eh, Ih nnui dage ranglia zie, kemaume ge helung nreu kelu ziemne Tinggwang gwamedung de penui sui yila."

32 Ih makesangme de qu kerane gwang melie, dede kemaume de helung nreulu lo qu kerane gwanglie."

32 Kedanemene mige tsai kecu ga a suikeyi bam ma, aide RAMPAUBE Tinggwang ne ndugai, cine helung nreu lu nah ringlu!"

21 Dede magade kesiame ge pa tei kedi maudung pelane gade nreu lucai, nah a samdung pelane mzai lu cai, nah kemzuibe nah kesamsangbe tei cai, pa au ring bi luzie nah tsai dilak.

Kemau teikelabe Rabe Tsai zie

1 RAMPAUBE sam a da gwang dai eh, ranggai, 2 "Nang Israel deu ziemne aipau samregwa kerang de pekie dai no rang, nah

‘Mipeimedung kubetsi kehiabedung tyei, nah pe namedung gei tei hia di’ de eh rang kecude? 3 Ih ring kela nzwa, aide RAMPAUBE Tinggwang ndugai, Israel ga madaude aipau samregwa de n ziemne teu lu kera bam si lakta. 4 Ainie! Teilungh leune agu, pe pei teilungh liede nah pe napei teilungh liede, penui au agu! Kemau tei kecube cipau de tsai zie!

5 Ma kesangme gede daipai rang gai zie no nah kemzuibe tei kela nah kesamsangme ge de, 6 magade pa lamlwatudung gade matyei lama mede Israelme kiga mamiedung de ngang pie lama, nah pe kidame nau de ngngwa henauhepei ta tei lama, mede mipui ge mipui zai tei kela dau nau hepei zai teila kemak, mina aide kesamsangme ge ni? 7 Mige mikeheibe de de tei keherei la kemakbe de dai rang lai no, nah pa pe dade ma releu kecume de pecu kepeu dau bamdo kebeu de peu dai dila, nah pa au rega lama dede pa mzeu kelame de pe taktyei peu la nah pa paaula kebamme de paihenidung ha beula, pa kesamsangme ge ni? 8 Mige pa rangkang hepok kebeu de gade pekai makiee gede lula kemakbe de dai rang lai no, nah pa ma zwa kecu gade pe mmi makiee gede tyei la kemakbe de? Pecu au makesangme ge lie rangla nah minadung kakga kesamsang zai teugwang gai beula. 9 Magade cipau pei de a samdung mzai la cai nah a zaidung samsang eh tei mzai la cai, kesamsang pei de ziemne sampet au aide: Pa au ring luzie!, aide RAMPAUBE ne ndugai.

10 Dede magade pa pe napei pezai sia eh mide tei ketsetme ge eh bam cai nah anui ma aidungde rang kegai gade keheibe ket de tei bam cai, 11 (ma aidungde gade pepei magede tei nzeu gai ma meliede). Pa lamlwatudung gade matyei nah pa pe kidame nau de ngngwa henauhepei ta tei. Pe ha daipai ge ranglu lai no? 12 Aipau pei de kegame nah teu mai kesiame de tei keherei, nah pa migu tui tyei nah süt tyei, nah pa bamdo kebeu de peu caili dai lama, nah pa mamiedung de ngang cuh piela nah kemneutadung teila, 13 nah pa mide pekai kekiee ge le rangkang hepok beu la nah pa ma zwa kecu dau de pe mmi kekiee ge tyeila, cipaume ringlu zie ni? Pa au ring lak zing! Pa au tsai bi zie nah pe cit de au pekatei pepeu kedanemene pa kengkau ta aidung pelane tei kedine. 14 Dede ainie! Mipei ge pe napei ge bam cai, nah pe napei pepei kemaudung tei kedi pelane ngau bam, nah pa cidungde ngau bam de, pa au ma cidungde tei ma. 15 Cipau napei de au lamlwatudung gade ma tyei ma, nah pa au Israelme gu mamiedung dage ngang cuh pie lama, nah pa au pe kidame nau de henauhepei zai teila ma, pe ha daipai ge ranglu laino? 16 Cipau napei de migede de mneu lama, mede bamdo kebeu de keli beu tadi lama, mede kerega niadung keu lama, dede ci nzwa meliene pe taktyei kop kemzeume de peu la nah paaula kebamme de paihenidung ha beula. 17 Cipau napei de migede de mneu lama mede pekai kekiee ge de keu lama mede pa hepok kebeu ga de pe mmi kekiee ge de tyei lama, dede pa a zaidung mzai la nah a samriadung gade tetla; cipau napei de pepei mau de ziemne tsai di lak. Pa au ring bi luzie! 18 Pe pei, pa mikedame de mneu eh keheu tyei nah pe sinabe gu süt tyei, nah pe minadung kak gade daipai siabi kecu tei, ainie, pa au pemau gade tsai zie.

19 Dede nang rang, ‘Daitei eh pe napei pepei maudung ziemne keherei meno?’ Kedanemene pe napei au kemzuibe tei la nah samsang la nah a samdung pelane mzai la; pa cidungde teila. Pa au ring bi luzie! 20 Kemau keteibe, cipau de au tsai zie. Pe pei mau ziemne pe napei keherei lak nah pe napei mau ziemne pepei keherei lak. Kesamsangme ge petaube tei cai pekatei pe ziemne, nah kesiame ge kesiabe tei cai pekatei pe peu ga zie.✝

21 Dede magade kesiame ge pa tei kedi maudung pelane gade nreu lucai, nah a samdung pelane mzai lu cai, nah kemzuibe nah kesamsangbe tei cai, pa au ring bi luzie nah tsai dilak. 22 Pa tei kedi maudung pelane ziemne pecu renia kera nsung dai lakta. Pa au kesamsang tadung ketei dene ring luzie. 23 Mina kesiame tsai kecudau a suiyi süt di lani, aide RAMPAUBE Tinggwang ne ndugai, nah pa ringlu kerabe pe lampui gade nreu kecu de ga a suiyi bam lak ni?✝ 24 Dede magade kesamsangme ge pe kesamsang gade nreu tetti nah kemau tei nah kesiame ge kemneudung ketei nzwa kemneudung tei cai, pa ring lu bui ni? Pa masang mene acu cwa kecudau pa kesamsangdung pelane tei kegaidung de nsung ta dizie. Cine pa au pa tei kegai kemaudung de ziemne tsai zie.

25 Dede nang rang, ‘Rampaube ketei de au petau ma!’ Kingneilu, Israelme! Ih tei keladung petau meni? Nnui tei kela lampui be petau melie ni? 26 Kesamsangme ge pe kesamsang gade nreu tet kedi dau, nah kemau tei kedi dau nah cidungde ziemne tsai kedi dau, iciucai pa tei kedi kemau ziemne tsai zie. 27 Dede kesiame ge pa kesiabe tei kela gade nreu lu cai nah kemzuibe tei nah samsang lu cai, pa pe teilung kwak luzie. 28 Kedanemene pa kemaudung tei kedi pelane ngau lü cidungde gade nreu lu. Pa au ring bi luzie, nah pa au tsai dilak. 29 Dede Israelme rang eh, ‘RAMPAUBE tei kela de au petau ma!’ Dai nzwa Ih tei kelade petau meno, Israelme? Nnui tei kela lampui be petau ma. 30 Ciziemne Ih nnui hangge ge kecude pa tei kegai ria gade petu tiak zie, Israelme dage!, aide RAMPAUBE Tinggwang ne ndugai. Helung nreu lu nah nang tei kela kemaudung pelane gade nreu lu, cinzwa lu de cidungde ne n puikam tei di melu kerane. 31 Nnui tei kedi maudung pelane nnui da kebam de keu kelien gi dilu; nnui mlung nah n rabe tei heci lu nnuikatei. Israelmedung, dai tei nnui tsai lai no? 32 Kedanemene mige tsai kecu ga a suikeyi bam ma, aide RAMPAUBE Tinggwang ne ndugai, cine helung nreu lu nah ringlu!"

9 Midungge cet kela nzwa eh Rampaube au pe sampetdung teibeu kera nneu lama. Meliene, peu nnui migede de kapdi neu mene nnui dade pe lungtie bamla. Dede pelane de penui mau gade nreudi neula.✝

7 Peu kesiaketei de pe lampui putdi, nah kemau ketei minabe de pe kecetdung.

Pecu peu RAMPAUBE da cailigwang lu, nah pa pecu ngaunggia zie, nah pe mau gi cangsiak beu kerabe anui Tinggwang da.

22 Ih hemwa kedi ge nzwa nnui renia kela tahdung de guigi dida, nah hemwa ge nzwa, nnui maudung;

a da cailigwanglu, Ih nnuide kelibeu delu.

Nnui Nlung Pangpop gailu

12 RAMPAUBE rang ndugai "Dede cude,"

"Nnui mlung pelane teu ada gwanglu.

Mmwang, hap nah heei eh."

13 Nnui mlung teurak di nnui pai ni katei rünne mene,

nah RAMPAUBE nnui Tinggwang da cailigwang lu.

Kedanemene pa au pezai yi nah ngaugia le puilu,

pa au perata mneu la nah pe samkak kainzeu la,

nah pa saja peu kera zette lama.

14 magade a zi gade qukelu a minadung, penuide tei henah, kie, acu peei, nah penui kemau tei kela gade nreulu cai, Ih tinggim gade siu luzie, nah penui mau gibeu zie, nah penui deu teingkei beu zie.

Kahkegwang ngyi ziemne kerengei

1 Hezekiah Israel nah Judah pelane ga samgwame langgai, nah Ephraim nah Manasseh dage de Jerusalem ga RAMPAUBE ki ga gwang maisia lie laisiu raugai, RAMPAUBE Israel Tinggwang de twa eh kahkegwang ngyi hengyi kerane.* 2 Kedanemene hegwangpei, pe muiteumedung, nah Jerusalem ga hemaa pelane, keina bekei gage kahkegwangngyi de hengyi kera kesamdau kelune. 3 Penui tingdane hengyi kela tingdau hengyi luma, kedanemene cingkume kekieege hengyi de ziemne penuide teimcilu ma nah minadung Jerusalem ga ngkwalu kemakne. 4 Riem kelu aide hegwangpei nah hemaa pelane penui suilu. 5 Cine penui Israel pelane ga, Beersheba namdi gade Dan namdi kecang, Jerusalem gade RAMPAUBE, Israel Tinggwang de twa eh kahkegwangngyi de hengyi kera ziemne minadung gwang maisia lie kecu sahgai kera samteilu. Kedanemene penui hengyi de hezai laisiukwak gage raupwa kela de nzwa mina kiee süt eh mneilu ta kedine. 6 Cine hegwangpei aja gade samgwamedung hegwangpei nah pe muiteumedung dade laisiudung teu eh Israel nah Judah pelane ga miedi. Penui rangdi, "Nnui Israelmedung, RAMPAUBE, Abraham, Isaac nah Israel Tinggwang da nreu cailigwang lulo, iciu lude pa nnui bangh kelumedung Assyria gwangdung ba gade pak kelume da cailigwang dailu zie. 7 Nnui paume mede nnui siname RAMPAUBE, penui paume Tinggwang sam gikah kedime nzwa diso, penuide au nnui kengau de nzwa kehing ge tei di. 8 Nnui paume nzwa nnui helungtak diso; meliene, nnui katei nnuide RAMPAUBE de peulu nah pe kemci ni ga, pa kelunghta teimci pwa kebam ga gwanglu, nah RAMPAUBE nnui Tinggwang de recalu, iciulude pe rata de nnui dade mbailu zie. 9 Kedanemene nnui RAMPAUBE da cailigwang dai lucai, nnui caireiswacing nah nnui namedung nnuide lang pwa hebaangme ge tei kedime dwa gade ngaugia ngau luzie, nah penui aipau deu ga cailigwang dai luzie. Kedanemene RAMPAUBE nnui Tinggwang au pezai yi nah ngaunggia la, nah nnui pe da cailigwanglu cai, pa nnui dade nreu tet dilak."

10 Cine samgwame namdi ket cai ket eh Ephraim nah Manasseh cuikui ga, nah Zebulun deu ga kecang kahgwang, dede Ephraim, Manasseh, nah keda tingpeule leuhme Hezekiah samgwame de nuidi. 11 Iciuliede, Asher leuhme, naimiak kenlütle Manasseh nah Zebulun leuhme kangge penuide tei henalu eh Jerusalem ga gwanglu. 12 Tinggwang Judah gade heta tei gai, peu penuide lung ge tei eh hegwangpei Hezekiah nah muiteume aja de RAMPAUBE sam gade teilu kerane.

13 Mina kekieege, hemaa maadi, Cehikaikemak Tangku Ngyi hengyi kerane keina bekei Jerusalem ga ngkwalu.* 14 Penui cuhlu delwe Jerusalem ga recabamdung kebam de nah perim kehengui keru recabamdung pelane keu gidi; penui cidungde Kidron reuceuna gage kelien gaidi. 15 Pecai penui keina bekei ziangreiehmdai benai Kahkegwang ngyi meuründung teitsetlu. Cingkume nah Levime ngngamdi, cine penui penuide teimcilu delwe keru recadung RAMPAUBE kiga pwa gwanglu. 16 Penui, Tinggwang minabe Moses zaidung de mzai eh, penui mzi ga penui sap ga saplu. Cingkume Levime ba gade penui ngaukelu hejai de kezingai. 17 Kedanemene hemaa ga mina kekieege penuikatei de teimcilu kemakme kebamne. Ciziemne Levime mci kemakme leune nah penui ratakdung RAMPAUBE dage teimci gailu kemakme ziemne Kahkegwang meuründung gilu.✝ 18 Kedanemene mina kekieege, Ephraim, Manasseh, Issachar nah Zebulun leuh gade kekieege, penuide teimci mene bam, dede penui raupwa kebam zai de gikah di eh Kahkegwang taktyei tyeilu. Kedanemene Hezekiah penui ziemne kiebeu eh ranggai, "Peu pezai keyi RAMPAUBE de nnui pelane mau gibeu lo, 19 RAMPAUBE Tinggwang, penui paume Tinggwang de helung kai eh peei kelame de, renet zai gade penuide teimcilu meliede." 20 Cine RAMPAUBE Hezekiah sam kingneilu nah minadung de teingkei beu. 21 Israelme Jerusalem ga kebammedung Cehikaikemak Tangku Ngyi de penui sui yisüt eh lang henane hengyilu. Levime nah cingkumedung, langnai ge cai langnai ge RAMPAUBE de twa eh leibungdung kwa nah RAMPAUBE dage lei teigai. 22 Hezekiah Levime pelane RAMPAUBE de kereca lamlui kecime dage sam rang kecungsüt gai. Cine penui hengyi kecu ting lang henane kecang matyei, kekangbau reca ratakdung teigai, nah RAMPAUBE, penui paume Tinggwang dage penui mau petgai.

23 Hemaabe pelane cidau lang henane hengyi sidai kera kesamteilu, nah penui penui sui yisüt eh hengyilu. 24 Kedanemene Judah gwangpei Hezekiah ketumseu cang ge nah meurün cang hena hemaabe de pwapeu; nah muiteumedung hemaabe de ketumseu cang ge nah meurün, nah hemeu cangkerei kaibeu. Cingkume kekieege penuide teimcilu. 25 Judahme ngkwa kelu pelane, cingkume nah Levime, nah Israel gade gwang kelume pelane, Israelme deu gade sangme gwang kecume nah Judah ga kelunghme de si eh, pelane penui sui yisüt lu. 26 Cine Jerusalem ga suiyi le puidi, kedanemene, Israel gwangpei David napei Solomon tingdau gwale Jerusalem ga cikenzwa tei mede kecune. 27 Pecai cingkume, nah Levime, cuhlu eh minadung de samlam beu. Penui rang kegai kwa siulu, nah Tinggwang pe kemci ni gade penui kekie luulu.

Rampaube da Cailigwanglo kequ

1 Darius Persia gwang tei kelu mmi kena bekum kei heset bekei, RAMPAUBE sam Iddo napei Berechiah napei Zechariah, caihakecibe da gwang, rang eh,* 2 "RAMPAUBE nnui paumedung de perata süt dida! 3 Penuide ranglo, ‘Reugwame reu RAMPAUBE aide rang bam:

A da nreu gwanglu!, aide Reugwame reu RAMPAUBE ne ndu gai,

nah Ih nnui da cailigwang zie, Reugwame reu RAMPAUBE rang.*

4 Nnui paumedung nzwa lung diso ndaa caihakecime penui dage nra kegaide, rang eh, "Reugwame reu RAMPAUBE aide rang: Nnui kesia lampuidung nah kesia tah keteidung gade nreu lu!" Dede penui kingnei ma nah a dage helung kaima, aide RAMPAUBE ne ndu gai.*

5 Nnui paumedung, penui daiga bam no? Caihakecimedung daiga bam no, penui aika kelungta bam ni?

6 Dede a samdung nah a ajadung a kilame caihakecimedung dage Ih ne teilu lo kebeu bedung,

penui nnui paumedung de gikah tetdi meluini?

Cine penui mau petlu nah rangdi, ‘Reugwame reu RAMPAUBE ne anui lampuidung nah tadung nsam gade anui dage teigai kera riem kegai nzwa, ciu eh pa ne anui dage teigai.’"✝

Myrtle Bangdung kakga Minabe

7 Kei kereieket zie ngkaiehmdai benai, cide au Shebat bekei, Darius hegwang ketei mmi kena bekum, RAMPAUBE sam Iddo napei Berechiah napei Zechariah, caihakecibe da gwang, rang eh, 8 "Ainie! Ih ting kemui dau mige hekwen kegie ge teu kela ngau, nah pa myrtle bang kakga hangdeu langkam ga la; nah pecai ga hekwen kegie ge, kegie kedau ge nah keha ge la."✝ 9 Ih ranggai, "Hekwen aidungde daino, Rampaubo?" Cidau tinggimgwame acu ngngwa mpau kebamme ada ranggai, "Ih ncu hekwen aidungde daibi keulia zie." 10 Pecai myrtle bangdung kakga sap kebambe keli gai nah rangdi, "Cidungde de RAMPAUBE ne kideu pelane ga rwa kera lang mpet gai." 11 Penui RAMPAUBE tinggimgwabe myrtle bangdung kakga sap kebambe dage keli; penui pe dage ranggai, "Anui kideu pelane ga rwa mie; pielo, kideu pelane mtak sünne nah relui bam."

12 Ge RAMPAUBE tinggimgwabe keligai nah rangdi, "Reugwame reu RAMPAUBE, nang dai tiege Jerusalem de nah Judah namdidung dage ngaugia keulia mene bam luzie no, nang mmi riakhena ge nrata eh bam kedi de?"✝ 13 RAMPAUBE acu ngngwa mpau kegai tinggimgwabe dage sam keyidung, kenciep samdung le keligai. 14 Cine tinggimgwabe acu ngngwa kempau kegaibe ne a dage rang, "Qu gai nah rang lo, ‘Reugwame reu RAMPAUBE aide rangla:

Ih Jerusalem nah Zion ziemne a lungnei süt bam!

15 Heleuhdung lungnei gah eh ziune lungh kebamdung de a rata süt.

Ih penui da a rata nghim kebam dau, penui kengkap a kemning swa tei ngkiee si gai.

16 Cine Reugwame reu RAMPAUBE aide rang:

Ih ngaugiadung teu Jerusalem ga cailigwang luda. Cikage a reca ki tei luzie,

aide Reugwame reu RAMPAUBE ne ndugai, nah kemdet tie kezang pet Jerusalem leune ga mdet zie!

17 Qugai dailo, rang eh,

‘Reugwame reu RAMPAUBE aide rangla: A namdidung lungh keyi le pui dai luzie,

nah RAMPAUBE Zion dage lungciep peudai zie, nah pa Jerusalem de pe kemlang namdi kedet dai luzie.’"

Makiidung Mdai nah Hegeu kerekime Mdai

18 Pecai Ih a miakdung ngang cuh piegai nah makaune kiidung mdai ngau! 19 Tinggimgwabe acu ngngwa kempau kecube dage Ih rang, "Aipau kiidung de dai no?" Pa acu keligai, "Makii aidungde Judah, Israel nah Jerusalem de teu zangra kedidung de da." 20 Cidau RAMPAUBE a dage hetaciem kecime hangmdai de liagai. 21 Ih ranggai, "Mina aidungde dai tei kerane gwang lano?" Pa keligai, nah rang, "Ma kii aidungde ne Judah de teu zangra di iciu eh penui migede de peu pepeu ngangcuh melu kerane. Dede hegeu kerekime penuide keheu kerane gwang, heleuhdung gu pekiidung teu cuh pwa Judah deu de renia eh teu zangra di melu kerane."

19 Ih hung kelame leune de Ih kesiu nah ledeula. Cine, laikai teilu nah helungnreu lulo.✝

5 Cine, kideube hengindung de teitset dilu—kemmha, mcikemak, pumteihbe hengin, kesiabe teikeneu, nah migu kehengin, cide au mamie kereca ge da.

13 Nnui pum mzidung de kemau gage kaiso, masang kemakbe netdung teidi kerane. Dede Tinggwang de nnui teilung peulu, ketsai gade kering gage ngngwagai kelumedung nzwa, nah nnui pum mzidung de Tinggwang de peulu kesamsang netdung teilu kerane.

Pelane dage makeyi teikegai

1 Sinamedung, mige kemau keheibe teila eh tui lucai, nnui rabe kilam ntip kelame nnui nciep eh pecu tei mmi dailu maisia. Nnuide mriak bamlu, iciu eh mdakkepie gade nnui kaudi melu kerane.

21 Ciziemne, kemau kehera nah hezai kesia pelane keugi dilu, delwe lingkegai samde hena eh luulu, cidene nnui rabe de kelilu bui.