Milagres
Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.
O Deus dos milagres
Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.
Yezu zokabɔɔza nɛ nɔɔ náá: «Sa di náá, bot tok nɛ ghwyil ɛkwak ɛ, Zɛɛb ɛ́ waakwak yɛ, etɛɛ náá, ye tok nɛ sa Zɛɛb aadi ààkwak.»
Yezu zokabɔɔza nɛ nɔɔ náá: «Sa di náá, bot tok nɛ ghwyil ɛkwak ɛ, Zɛɛb ɛ́ waakwak yɛ, etɛɛ náá, ye tok nɛ sa Zɛɛb aadi ààkwak.»
Etɛɛ náá, ye tok nɛ sa Zɛɛb aadi ààkwak.»
Milagres pela fé
Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.
Yezu eezɛbɔɔza nɛ nɔɔ náá: «Étɛp náá, ɛdum ɛ koŋ ɛ len nɛ Zɛɛb nɛ tɔɔl. Mɛ lɛɛ bin ɛ etɛp e tsɛɛtsɛ náá: Bi ɛpedi ɛ́ di nɛ ɛdum ɛ koŋ nɛ Zɛɛb ɛbɔkɛpe dáa bhek le mutaad ɔɔ, pe bi ɛ́ nɛ ghwyil ɛke nɛ ɛtsok ɛlak náá: "Dusa wak, tɔ́ penek," pe yɛ waadus. Tin, pe ye tok nɛ sa wat aadi nɛ ghwyil ɛdhaa bin. [
Yezu eezɛbɔɔza nɛ bɛdjekel bɛ náá: «Mɛ lɛɛ bin ɛ́ etɛp e tsɛɛtsɛ náá: Bi ɛ di edum koŋ nɛ Zɛɛb ɔɔ, bi di ààsa mɛso ɔɔ, bi ɛ́ nɛ ghwyil ɛsa esa e mɛbwala dhaa yii mɛ sa nɛ le fiigh’aak. Mɛ lɛɛ bin ɛ́ náá, mot ɛ ke nɛ ɛtsok ɛlak: "Ghɛɛa nyel tin, dusa, kɛghaaga tɔ dii mɛsɔn" ɔɔ, yɛ ɛpesael.
Wɔ gwaa, Yezu zɛbɔɔza nɛ nɛ náá: «Étɛp yé wɔ ke náá: "Wɔ di nɛ ghwyil ɛsa ɔɔ"? Ghuna yɛ ɛ́ náá, mot ɛ dum koŋ nɛ Zɛɛb ɔɔ, esa djas nyɛ aawaab ɛ, nyɛ waabela.»
Yezu zɛbulal mis, gwyák bɛ. Nyɛy nɛ nɔɔ náá: «Sa di náá, bot tok nɛ ghwyil ɛkwak ɛ, Zɛɛb ɛ́ waakwak yɛ, etɛɛ náá, ye tok nɛ sa Zɛɛb aadi ààkwak.»
Yezu eezɛbɔɔza nɛ nɔɔ náá: «Sa di náá, bot aanàkwaak ɛ, Zɛɛb aanàkwaakat yɛ.»
Yezu nabɛ ɛ́ ààsa bɛtɛ nɛ endem e mɛbwala tin, étɛp mɛlyel mɛ elyem bɔɔ.
Sinais e prodígios
Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.
Bot ɛ mbyak Yisalaɛl, gwakeka sa mɛ di elii’aak: Zɛɛb naalyaal bin kɔkɔ mbi mot Yezu mot Nazalɛt nadi ɛ́. Etɛɛ náá, pak’en, Zɛɛb naasa eboo endem e mɛbwala membi nɛ membi é ze ɛ Yezu. Biyɔ bɛmet nɛ gu yɛ ɛnyɔɛpe.
Dáa bɛ nasilal ɛdjaala ɛ, di bɛ nasɛɛga ɔ zokazɛdheegel, wɔ gwaa, Sisim na Dɛɛ zokalwood tɔ lɔɔ. Bhii tak, bɛ eezɛni é ɛgoola Mɛkpa ɛ Zɛɛb nɛ ɛbwaalel djas.
Bɔn ɛ Seeva yii botom
Zɛɛb nadi esa eboo endem mɛbwala é ze ɛ Pɔl. Yɛ ɛ́ étɛp tak ɛ bot nadi etɔ́ pɛ daa bot ɛ mɛbɛ́ nɛ epes ekaad, nɛ ekaad ee nakee nyel ɛ Pɔl ɛ. Deenek, bɛ nadi ebela tsik, embee esisim nadi ewyis tɔ lɔɔ ɔ.
Endem di elyaal náá, mɛ ɛ́ tɛtɛ mot-lwoma ɔ, bi naazebee yɛ nɛ mis men met. Ye naanyen tɔ zii, tɔ membi mɛ endem e mɛbwala, tɔ bɛmɛvyɛkɛlɛ.
Étɛp tak ɛ, ye di náá, tɔ ndjaa mendjaala, Zɛɛb nakan ɛdil sok ɛ́ bot ɛ lwoma, bhɔɔba yɔɔ bɛngoolel ɛ Mɛkpa ɛ Zɛɛb, yii elɛl ɛ́ bɛlyoel. Bhii binɔk, nyɛ naabaadil bot ɛ di esa endem mɛbwala ɔ, nɛ bot ɛ di nɛ ghwyil ɛtsik bot ɛ mɛbɛ́ ɔ. Bhii tak, nyɛ naabaazɛdil bot ɛ di nɛ ɛkɛɛ ɛkwyee nɛghu ɛdjɛɛd bɔɔ bɛsɔ bɔ ɔ, nɛghu ɛlii ɛ́ tɔ bɛtɛ nɛ elii e sis ɔ.
Sisim djɛ bɛdhiiti bot ɛ́, ɛkɛɛ ɛlii nɛ etsoŋ. Sisim tak wat kadjɛ bak bot ɛ́, ɛkɛɛ ɛlii nɛ mɛtselal. Sisim tak wat ɛpedjɛ bɛdhiiti bot tɛtɛ ɛdum ɛ koŋ nɛ Zɛɛb. Ye kadjɛ bak bot ɛ́, ɛkɛɛ ɛ ɛgwom ɛ bot. Sisim eedjɛ bɛdhiiti bot ɛkɛɛ ɛsa endem e mɛbwala, nɛ bak bot nyɛ eedjɛ bɛ ɛkɛɛ ɛgoola sa Zɛɛb di elɛɛ bɛ ɛ. Deenek, nɛ bɛdhiiti bak tak, nyɛ eedjɛ bɛ ghwyil ɛwa mbɛk pak embee esisim nɛ Sisim na Dɛɛ. Tin, nɛ bɛdhiiti, nyɛ eedjɛ bɛ ɛkɛɛ ɛlii tɔ elii e bot djas di ààgwak ɛ. Nyɛ kadjɛ nɛ bak bot ɛ́ ghwyil ɛgoola elii binek.
Tin, Yezu eezɛbɔɔza nɛ nɔɔ náá: «Sa mot ààlyak nyɛ, etɛɛ náá, ye tok nɛ mot aasa endem e mɛbwala nɛ din ɛ lam é di’enek wat, da nyɛ lii ɛbiyoɛpe nɛ nam mɛ. Etɛɛ náá, mot ɛ di ààbhina mena ɔɔ, nyɛ ɛ́ mot’ena.
Milagres de cura e provisão
A oração da fé salvará o enfermo. Deus provê, cura e intervém quando clamamos a Ele com fé genuína.
Tin, mendjaala di esael tɔ ɛdum ɛ koŋ nɛ Ghɛŋ ɛ, yɛ ɛ́ nɛ ghwyil ɛtsik mot ɛbɛ́. Yɛ bɛ náá, mot tak naasa mesyem ɔɔ, Ghɛŋ ɛ́ waapel nyɛ. Vaaka mesyem men pak’en, tin da bi ɛ́ djedjaala pak’en, étɛp bi neetsak. Mendjaala mɛ mot epiki ɛ́ nɛ boo mɛbwala dhaatsɛ.
Ngoolel-Mɛkpa ɛ Zɛɛb Eli, nazobɛ ɛ́ mot dáa menabɛlka. Nyɛ naadjaala ɛbuɛpe etɛɛ náá, bhi needi àànee. Mendjaala mɛ naazɛsa náá, bhi di àànɔ kɔ bɔs membu melɛl nɛ pes. Bhii tak, nyɛ naabaazɛdjaala-djaala sis. Tin, gwoo naasil mɛdhii mɛ bhi, bhii tak, bɔs naazɛdjɛ mɛbhek.
Bhii tak, Yezu eezɛnɔɔ emapa etɛn nɛ bɛsu ɛbá binek, nyɛ eezɛben mis pɛ ɛko, zɛghaapɛɛ Zɛɛb étɛp edee binek. Nyɛ eezɛpyak mapa, nɔɔ, djɛ bɛdjekel bɛ, bɛ kaa bot djas. Mot nɛ mot naadɛ, djil. Bɛdjekel zokabula nɛ mɛbhwaa kam nɛ ebá yii mɛbhubhwak.
Yezu eetsik dhiiti moma na djam é dwoo saba
Dhiiti dwoo saba, Yezu nadi elyo bot Mɛkpa ɛ Zɛɛb tɔ ndjaa mendjaala mɛ eYuda. Dhiiti mbel moma nadi ɛ́ tɔ ndjaa tak. Kana membu kam nɛ etɛn nɛ elɛl, ye nabɛ ɛ́ dhiiti mbee sisim naazenyak nyɛ koŋ. Nyɛ nabɛ ɛ́ ààbɛ nɛ ghwyil ɛsek ɛ koŋ. Dáa Yezu nabee moma tak ɛ, nyɛ eezɛdjóo nyɛ. Bhii tak, nyɛ eezɛke nɛ nɛ náá: «Wɔ moo ɛ́ pɛka si bhel ɛbɛ́ ɛ lɔ.» Nyɛ eezɛkɛl mɛmbɔ kɔ lɛ, é di tak wat, koŋ eezɛsekel nyɛ. Moma tak moo tin eduwal Zɛɛb.
Tin, ye nabɛ ɛ́ kukuma ndjaa mendjaala mɛ eYuda naadyeebakpaa lyem dum nɛ dáa Yezu natsik mot dwoo saba ɛ. Kukuma tak ɛ́ booke nɛ ɛdhuu ɛ bot náá: «Bot ɛ́ nɛ mɛlu mɛtɛn nɛ wat bot di esa mɛsa ɛ. Dhaka zɛtsikaa é mɛlu menek, ààkabɛ dwoo saba.» Ghɛŋ zokazɛbɔɔza nɛ nɛ náá: «Bi ɛ́ bot ɛ mɛdjhaaz pɛ ɛko, bhimis pɛ si. Dwoo saba, mot nɛ mot aadi etii ngɔmbɛ nɛghu an yɛ étɛp ɛkɛdjɛ bɛ edee nɛ mɛdii, etsal é? Moma yak ɛ́ ngɔt tɔ bɛdha ɛ Abalaam. Tin, kabela ɛ náá, Satan naazelookɔl nyɛ, ye moo mos ɛ́ nɛ membu kam nɛ etɛn nɛ elɛl (18). Ye bɛ ɛ́ ààgoka náá, nyɛ tsikaa é dwoo saba?» Bhɔɔza Yezu nabɔɔza deenek ɛ́, ye naasa bot ɛ nadi ebhina nyɛ ɔ boo sen. Yɛ kabɛ mɛdhuu mɛ bot djas nadi tinaak ɔɔ, bɔɔ naadyeebamyaala nɛ esesɛɛ e duu djas nasɛ́ɛ tin ɛ.
Yenek nabɛ ɛ́ ndem mɛbwala yii ɛsok Yezu nasa pɛ dɛl Kana pɛ kyee dik Ghalile ɛ. Yɛ ɛ́ deenek ɛ́ Yezu nalyaal duma nyɛ nadi nɛ yɛ ɛ. É di’enek, ye nabɛ ɛ́, bɛdjekel bɛ naadum koŋ nɛ nɛ.
Dáa bot nabee endem e mɛbwala mɛ Yezu nasa ɛ, wɔ gwaa, bɛ zɛke náá: «Nɛ tsɛɛtsɛ, nwyak ɛ́ ngoolel-Mɛkpa ɛ Zɛɛb nakeaa náá, nyɛ waazyɛ kɔ bɔs’ak ɛ.»
É di’enek, Yezu eezɛke nɛ nɛ náá: «Wɔ dum koŋ’ɔ nɛ nam ɛ, etɛɛ náá, wɔ eebee mɛ? Ɛnyɔ nɛ bot ɛ di edum koŋ nɛ nam, bɔɔ ààbee mɛ ɔ!»
Mɛsɔ mɛ mɛkana mak nakwyalaa ɛ
Yezu naasa dhiiti bɛtɛ nɛ endem e mɛbwala é mis mɛ bɛdjekel bɛ, ee di ààdi kwyala tɔ mɛkana mak ɛ. Yak tak nakwyalaa ɛ́, étɛp bi neemyaal náá, Yezu ɛ́ Mɛsia Mɔn ɛ Zɛɛb. Tin, bi ɛ dum koŋ nɛ nɛ deenek ɔɔ, bi ɛ́ waabela tsik na kɔm-kɔm nɛ din ɛ lɛ.
Tin, djekel naleekum ɛsok ɔ, zokazɛni tɔ ɛvit. Dáa nyɛ nabee deenek ɛ́, nyɛ eezɛdum koŋ nɛ Yezu. Tin, kɛkum ɛwala ɛlenek, bɛdjekel ɛ tak nabɛ ɛ́, bɛ dinaa ààmɛt ɛsuk ɛ Ekwyala yii Zɛɛb di eke náá, Yezu nawaadi ɛ́ gom tɔ ɛsyee ɛ.
Discernimento nos sinais
A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.
Bhii tak, mɛ eezɛbee embee esisim elɛl enɔŋel nɛ bɛnagba. Tɔ embee esisim e tak, ngɔt nawyis ɛ́ tɔ nuub dhalaghɔŋ, dhiiti tɔ nuub tit, zɛnɔɔ nwyak ngɔt tɔ nuub ngoolel-Mɛkpa ɛ Zɛɛb yii mɛkɔŋ. Embee esisim tak nabɛ ɛ́ esisim ɛ Satan nadi esa mɛvyɛkɛlɛ nɛ yɛ ɛ. Embee esisim binɔk bɛlɛl naazɛtɔ́ kɛsɛɛg bɛmɛkoozi mɛ di kɔ ɛko ɛ bɔs djas ɔ, étɛp ɛkɛlumla dɛɛb é boo ɛlu ɛ Zɛɛb Mɛkaake.
Ngwyeebel ndem mɛbwala
É di’enek, bɛdhiiti bɛghaŋ ɛ mɛkana mɛ etsi nɛ eFalizyɛ zokazɛdji Yezu náá: «Lyoel! Bis kwyɛl ɛ́ náá, wɔ lyaal bis dhiiti ndem mɛbwala.» Yezu ɛ́ boozɛbɔɔza nɛ nɔɔ náá: «Étɛp yé di náá, bot ɛ di ewaab mos dhiiti ndem mɛbwala pɛ daa Zɛɛb ɔ, yɛ ɛ́ bɛmbee ɛ bot, bot ɛ di ààbɛ sosoob é mis ɛ Zɛɛb ɔ? Tin, Zɛɛb aazolyaal bɛ ɛ́ ndem wat. Yɛ aadi ɛ́ kɔkɔ mbi ndem ngoolel-Mɛkpa ɛ Zɛɛb Zonas nabee ɛ. Yɛ ɛ́ tyee wat nɛ dáa ngoolel-Mɛkpa ɛ Zɛɛb Zonas nakpaa emwos elɛl nɛ epum elɛl tɔ mɔ boo su ɛ. Sɛɛŋɛlɛ Mɔn Mot aabaasa ɛ́ emwos elɛl nɛ epum elɛl tɔ bɔs.
Eghaada di ebyen ɛdum ɛ koŋ nɛ Zɛɛb ɔ
Tin, Yezu eezɛni nɛ mɛlyo mɛ ɛdul ɛ mɛlɔ mɛ bot ɛ eghaada ee nyɛ nasa bɛtɛ nɛ endem e mɛbwala ɔ, etɛɛ náá, bot ɛ eghaada tak nabɛ ɛ́ ààliig elyem bɔɔ. Nyɛ ɛ́ boozɛlɛɛ náá: «Haaa kpaa-ghoŋ nɛ nɔ, dɛl ɛ Koodazin, kpaa-ghoŋ nɛ nɔ, dɛl ɛ Bhɛtsaida! Etɛɛ náá, bɛtɛ nɛ endem e mɛbwala nasael pɛ yebɔ ɛ, yɛ ɛpedi ɛ́ náá, ye nasael ɛ́ pɛ ghaada Tiid nɛ yii Sidɔn ɔɔ, pe bot ɛ eghaada binɔk naaloobɔt kaad ɛpum, pe bɛ naazelɔɔba mɛsii, pe bɛ naaloozeliig elyem bɔɔ. Yɛ ɛ́ etɛp tak ɛ mɛ di elɛɛ nɛ nen náá, dwoo Zɛɛb aazɛpɛ́ɛ bot ɛ, yebɔ epɛ́ɛ ɛ́ waadhaa yii bot ɛ ghaada Tiid nɛ yii Sidɔn nɛ mɛlyel. Yɛ kabɛ wɔy ɔɔ, dɛl Kapɛlnaum, wɔ gek ɛ́ náá, wɔ ɛ́ nɛ ghwyil ɛbyet tɔ́ pɛ tɔ gwoo? Wɔ waasilaa kɛkum pɛ dɛl ɛ edim e bot ɛ nazegwyɛ ɔ. Etɛɛ náá, endem e mɛbwala mɛ nasɛɛ penek ɛ, yɛ ɛpedi ɛ́ náá, ye naasɛɛ ɛ́ pɛ dɛl ɛ Sodɔm ɔɔ, pe dɛl ɛlenek dinaa tak dɔɔ nɛ mos. Yɛ ɛ́ étɛp tak ɛ mɛ di elɛɛ bin náá, dwoo Zɛɛb aazɛpɛ́ɛ bot ɛ, epɛ́ɛ nyɛ aapɛ́ɛ bin ɛ, yɛ waadhaa yii bot ɛ kyee bɔs Sodɔm nɛ mɛlyel.»
A criação como milagre
O próprio corpo humano é milagre de Deus. Toda a criação testifica do poder e da sabedoria do Criador.
Esesɛɛ binek djas aasael ɛ, etɛɛ náá, etɛp djas Ghɛŋ nalɛɛ tɔ nuub ngoolel-Mɛkpa ɛ Zɛɛb ɛ neebela ɛsuk. Ye nabɛ ɛ́ náá:
«Mɔn ɛsyes ɛ moma di ààgu botom ɔ waabela ɛbum.
Bhii tak, nyɛ waabya mɔn mɔɔ motom,
nyɛ aaget nyɛ ɛ́ Emanuɛl.»
Ye kwyɛl ɛlɛɛ ɛ́: «Zɛɛb ɛ́ nɛ nena.»
Dáa bɛ nabee nyɛ ekɛ kɔ dii ɛ, bɛdjekel nagek ɛ́ náá, yɛ ɛ́ dim. Bɛ moo tin etsim. Etɛɛ náá, dáa bɔɔ djas nabee nyɛ ɛ, bɛbebwol naamɛt bɛ. Batsa deenek, nyɛ moo lii nɛ nɔɔ. Nyɛy náá: «Dika nɛ mɛghaaz. Yɛ ɛ́ mam! Nàdika nɛ bwoo.»
Yezu nabɛ ààbis sa bɛ nadi elii ɛ. Nyɛ ɛ́ boozɛke nɛ Zayilus náá: «Nàbem ba. Duma koŋ nɛ Zɛɛb, nyɛ waatsak!»
Dáa bɛ nadi, bɛ moo ekunaa nɛ Yeluzalɛm ɛ, bɛ nadhaŋ ɛ́ pɛ ze di esul pɛ ɛtsok ɛ pyeeb oliv ɛ. Mɛdhuu mɛ bɛdjekel moo tin eduwal Zɛɛb ɛlyelɛpe dum nɛ endem e mɛbwala mɛ bɛ nadi ebee ɛ. Bɛ nakeke ɛ́ náá: «Zɛɛb sɛɛ Mɛkoozi mɛ di ezyɛ nɛ din ɛ Ghɛŋ ɔ mɛtel. Egwyem tɔ gwoo, duma nɛ Zɛɛb!»
Bhii Yezu nake deenek ɛ́, nyɛ eezɛbyet tɔ́ tɔ gwoo, bɔɔ djas ebee, wɔ gwaa, eguud zokazɛdipal nyɛ é mis mɔɔ.
Tin, mɛ eezɛduma si, é di tak mɛ kagwak ɛ́ dhiiti gwood é ke nɛ nam náá: "Sɔl, Sɔl, étɛp yé wɔ di etiig mɛ?"