Simeyi ɛ fwala Dafidi
5 Ɔkʋna gɛtɛ egyu Dafidi ma wɔ bɛnɩ bee gyu Bahurim fɔ, ete ɛkɩ gɛtɛ e ye Sawulo dɩkpaara daanɩ fɔ e ye ɛ ba ɛɛ fwala bɛ. Ete fɔ diyere n di Simeyi, gɛ wote n di Gera. 7 Gɛ Simeyi ɛ fwala bɛ, gɛ ɛ fa Dafidi alan, <<Kpe ye nfan, kpe ye nfan, awɔ ewololɛ bɛnɩ, omiri-kpen wuute!
10 Mɔ egyu fɔ ɛ dɔ̀ wɔ alan, <<Ɛyɩ Seruya bebi, nyawʋ wun di yaade. Gengyi ɛɛ fwala mɩ yema Yahwe ɛ dɔ̀ wɔ alɛ, <Fwala Dafidi!>fɔ, ɛnyan nan talɩ e lila alɛ, <Anʋn yii koro gɛ aa mɛ gɛlɛ?> >>
11 Ɛwʋ gɛ Dafidi ɛ dɔ̀ Abisayi, ma wɔ bɛndɩrɛ-bi fɔ powu alan, <<Miinbi gɛtɛ è di nmɩ gbagba mɩɩn nkalan ee len èè wolo mɩ, waà mɛ lan gɛ Benyamin-te nyawɔ ɛn nan wolo mɩ. Kere wɔ ya! Yɛ wɔ ɛ̀ɛ̀ fwala, yema Yahwe na dɔ̀ wɔ alɛ ɛ fwala.
12 Nkɩfɔ Yahwe eè we mɩɩn dɩyɩyɛ, fɔ èè hira mɩ sere ǹdò wʋʋ gɛfwala nyagɩ gɩɩ bɩsɩrɩ.