Nehemiya 11

Bɛnɩ gɛtɛ bɛ sara Yerusalem

1 Gɩfɩɩ fɔ gii begyegeyelɛ bɛ sara Yerusalem. Mɔ bɛnɩ-kurumakyɛɛ fɔ bɩrɛ, bɛ sɩ̀ gɛ ataa be tiri ɛnɩ ɛkɩ be ye bɛnɩ fwo-kamasɛ baanɩ, gɛtɛ bàà sara Yerusalem, ditele fɩrɩnfɩrɩn fɔ daanɩ, fɔ bɛnɩ yɛkɩ-kurumakyɛɛ bàà sara ɛbɛ gbagba baatele yaanɩ.

2 Gɛ bɛnɩ fɔ be sila ɛnɩ-kamasɛ gɛtɛ be yera bɛ ka koro bɛ tɛ gɛtɛ bàà sara Yerusalem fɔ.

3 Gɩfɩɩ fɔ gii begyegeyelɛ gɛtɛ bɛ sara Yerusalem fɔ n tɛ ba lɛ. (Mɔ Isareli bete bɛkɩ, ma gedi gɩɩ bɛtɛlɛ, ma Lefi bete, ma Dikwo-dɩrɛ dɩɩ bɛsaranyan, ma Solomon bɛsaranyan boodu wʋ bɛnɩ bɛ sara Yuda watele-dɩrɛ yaanɩ. Bɛ sara atele kperen-kperen yaanɩ, ɛkamasɛ ma wo gedikʋn. 4 Gɛ Yuda ma Benyamin boo-ifoli yɩɩ bɛnɩ-kurumakyɛɛ bɛ sara Yerusalem.)

Ɛbɛ gɛtɛ be ye Yuda wofoli waanɩ fɔ n di

Ataya, gɛtɛ wote n di Usiya fɔ. Usiya wote n di Sekariya. Sekariya wote n di Amariya. Amariya wote n di Sefatiya. Sefatiya wote n di Mahalaleli gɛtɛ e ye Peresi wodu waanɩ fɔ. 5 Fɩya ma Maaseya gɛtɛ wote n di Baruki fɔ. Baruki wote n di Koli-Hose. Koli-Hose wote n di Hasaya, Hasaya wote n di Adaya, Adaya wote n di Yoyaribi, Yoyaribi wote n di Sekariya gɛtɛ e ye Sera wodu waanɩ fɔ.

6 Peresi wodu wʋʋ bɛnɩ gɛtɛ bɛ sara Yerusalem fɔ bɛ̀ ba nkpɩn bʋnyɔɔ ma akpilin asiyee ma nɩyɛ (468) gɛtɛ bè di bɩtà bʋʋ bɛtàlɛ gɛtɛ bɛ̀ ba oturu.

7 Benyamin wofoli wʋʋ bɛnɩ baayere n tɛ ba lɛ.

Salu gɛtɛ wote n di Mesulam fɔ. Mesulam wote n di Yowedi. Yowedi wote n di Pedaya. Pedaya wote n di Kolaya. Kolaya wote n di Maaseya. Maaseya wote n di Itiyeli. Itiyeli wote n di Yesaya, 8 fɩya ma Gabayi ma Salayi gɛtɛ bɛ̀ tɛrɛma wɔ fɔ. Ɛbɛ powu bɛ̀ ba nkpɩn bɩnaa ma akpilin kooron ma nɩyɛ (928). 9 Sikiri wobi Yoweli na mɛ bɔɔndɩrɛ, gɛ Yuda gɛtɛ è di Hasenuwa wobi fɔ n di ditele fɔ dɩɩnyalɛ wɔmalɛ.

10 Gedi gɩɩ bɛtɛlɛ fɔ n di

Yoyaribi wobi Yedaya, ma Yakin, 11 ma Seraya gɛtɛ wote n di Hilikiya fɔ, gɛ Hilikiya wote n di Mesulam, Mesulam wote n di Sadoki, Sadoki wote n di Merayoti, gɛ Merayoti wote n di Ahitubi gɛtɛ è di gedi gɩɩtɛlɛ fɔ*11:11 Ɛwɔ n di Wurubwarɛ dɩkpaara fɔ dɩɩnyalɛ. 12 ma bɔɔwɔlɔn ɛbɛ nkpɩn bɩnaa ma dikpilin ma bɛnyɔɔ (822) gɛtɛ bɛɛ mɛ Wurubwarɛ Dikwo dɩɩ gʋtʋn fɔ, ma Adaya wote Yeroham gɛtɛ wote n di Pelaliya fɔ. Pelaliya wote n di Amisi gɛtɛ wote n di Sekariya, gɛ Sekariya wote n di Pasuri, gɛ Pasuri mɔ wote n di Malikiya, 13 fɩya ma bɔɔwɔlɔn ɛbɛ gɛkpɩn ma akpilin anyɔɔ ma bɛnyɔɔ (242) gɛtɛ bè di akpaara yɩɩ bɛndɩrɛ, ma Amasayi gɛtɛ wote n di Asareli fɔ. Asareli wote n di Ahasayi gɛtɛ wote n di Mesilemoti, gɛ ɛwɔ mɔ wote n di Imeri fɔ, 14 fɩya ma bɔɔwɔlɔn ɛbɛ gɛtɛ bè di bɩtà bʋʋ bɛtàlɛ gɛtɛ bɛ̀ ba oturu, beteni akpilin kooron ma nɩyɛ (128). Bɔɔ bɩtà bʋʋndɩrɛ n di Hagedolim wobi Sabidiyeli.

15 Lefi bete n di

Semaya gɛtɛ wote n di Hasubi, gɛ ɛwɔ mɔ wote n di Asirikam fɔ. Asirikam wote n di Hasabiya, gɛtɛ wote n di Buni fɔ,

16 fɩya ma Sabetayi, ma Yosabadi gɛtɛ bè di Lefi bete boo begyegeyelɛ, gɛ bɛɛ nya Wurubwarɛ Dɩkpaara diikòro wʋʋ gʋtʋn gii koro fɔ,

17 fɩya ma Mika wobi Mataniya, gɛ ɛwɔ mɔ wote n di Sabedi fɔ. Sabedi wote n di Asafʋ gɛtɛ ɛ mɛ egyegeyelɛ ɛ tɛ onyun wʋʋ gɛsa ma onyun-tiri fɔ.

Be tiri Bakibukiya gɛtɛ ɛ̀ɛ̀ mɛ Mataniya wɔmalɛ.

Gɛ Abida wote n di Samuwa, Samuwa wote n di Galali, gɛ ɛwɔ mɔ wote n di Yedutun.

18 Lefi bete powu gɛtɛ bɛ sara ditele fɩrɩnfɩrɩn fɔ daanɩ fɔ bɛ̀ ba gɛkpɩn ma akpilin anaa ma bɛnaa (284).

19 Otunu wʋʋ bɛdɩyɛlɛ fɔ n di

Akubi, ma Talimon, ma bɔɔwɔlɔn ɛbɛ. Ɛbɛ powu bɛ̀ ba akpilin nɩyɛ ma fwo bɛnyɔɔ (172) gɛtɛ bɛ bɔ bɛ dɩyɛ otunu fɔ.

20 Isareli bete-kurumakyɛɛ fɔ, ma gedi gɩɩ bɛtɛlɛ-kʋrʋmakyɛɛ fɔ, ma Lefi bete-kurumakyɛɛ fɔ, bɛ sara Yuda watele powu yaanɩ, ɛkamasɛ ɛ ma sara wotu ɛbɛ boo gɛsarakʋn.

21 Dikwo-Dɩrɛ dɩɩ gʋtʋn gɩɩ bɛmɛlɛ fɔ bɛ sara Ofeli wo-idon yaanɩ. Fɔ Siha ma Gisipa na mɛ boo begyegeyelɛ.

22 Lefi bete gɛtɛ bɛ sara Yerusalem fɔ bɔɔ bɛndɩrɛ n di Wusi gɛtɛ wote n di Bani, gɛ Bani wote n di Hasabiya fɔ. Hasabiya wote n di Mataniya gɛtɛ wote n di Mika fɔ. Wusi e ye Asafu wodu wʋʋ bɛnɩ gɛtɛ bè di gɛ ɩnʋn yɩɩ bɛnʋmalɛ, gɛ bɛɛ nya Wurubwarɛ Dɩkpaara-dɩrɛ fɔ dɩɩ gʋtʋn gɩɩ gɛmɛ gaade yaanɩ fɔ baanɩ. 23 Ɩnʋn yɩɩ bɛnʋmalɛ fɔ bɛ sara gɛ Egyu-dɩrɛ gatɩn, gɛ ɛwɔ n tɛ tɛ bɛ ose ma ade gɛtɛ wù di gɛtɛ bàà mɛ anlɛ gɛtɛ wʋ kʋtʋma wʋ tɛ duwi-kamasɛ fɔ.

24 Petahiya gɛtɛ è di Mesesabeli wobi, gɛ e ye Yuda wobi Sera wodu waanɩ fɔ na mɛ ɛnɩ gɛtɛ e yela gɩsɩrɩ ɛ tɛ Isareli bete egyu-dɩrɛ bʋnʋn.

25 Yuda bete gɛtɛ bɛ sara baatele yaanɩ, gbɛma boo-ili fɔ bɛkɩ bɛ sara Kiriyati-Areba ma wakura ɛbɛ baanɩ, ma Dibon ma wakura ɛbɛ baanɩ, ma Yekabiseeli ma watelebi yaanɩ, 26 ma Yesuwa ditele, ma Molada, ma Beti-Peleti, 27 ma Asa-Sula, ma Beeseba, ma baakura ɛbɛ baanɩ, 28 ma Sikilagi ditele, ma Mekona, ma baakura ɛbɛ baanɩ, 29 ma En-Rimon ditele, ma Sora, ma Yarimuti, 30 ma Sanowa, ma Adulam ma baakura ɛbɛ baanɩ, ma Lakisi ma wakura ɛbɛ baanɩ, ma Aseka ma wakura ɛbɛ baanɩ. Okoro bɛ sara-sara ye Beeseba ma sere Hinom dɩtagba daanɩ.

31 Benyamin wodu wʋʋ bɛnɩ bɛ sara Geba gɛtɛ wʋ̀ sa Mikimasi fɔ, ma Aya, ma Beteli ma baakura ɛbɛ baanɩ, 32 ma Anatoti, ma Nobi, ma Ananiya, 33 ma Hasori, ma Rama, ma Gitayim, 34 ma Hadidi, ma Seboyim, ma Nebalati, 35 ma Lodi, ma Ono ma Adawʋ yɩɩ bɛsalɛ bɔɔ Dɩtagba daanɩ.

36 Lefi bete baakpen ɩkɩ gɛtɛ ɩ sara Yuda fɔ ɩkɩ ɩ ma sara ma Benyamin bɛnɩ.