Nehemiya 7

1 Gɛtɛ ɔpɔrɩ fɔ wʋʋ gɛpɩna-sere wu were fɔ, na sa ɩpʋnʋ, gɛ na ka otunu wʋʋ bɛnyalɛ, ma ɩnʋn yɩɩ bɛnʋmalɛ ma Lefi bete na sa bʋʋ gʋtʋn gɩɩ gɛmɛ gaanɩ. 2 Na ka Yerusalem ditele dɩɩ gɛnya na sa mɩɩndɩrɛ Hanani ma Hananiya, gɛtɛ è di bɩtà bʋʋ bɛtàlɛ bɔndɩrɛ gɛtɛ ɛɛ nya Yerusalem wɔpɔrɩ-dɩrɛ wuu koro fɔ bɔɔ gʋlɔ. Hananiya è di ɛnɩ gɛtɛ ɛ̀ ba nʋnkwarɩ, yema è serenti Wurubwarɛ gɛtɛ wʋn ma dɩkʋsʋ. 3 Gɛ na dɔ̀ bɛ alan, <<Bɛ tɩ̀ kara tana Yerusalem wɔ-ɩpʋnʋ fɔ ka ma sere gɛtɛ ofila wàà bʋn pɛ. Gɛ gengyi otunu wʋʋ bɛnyalɛ bè yela bɛɛ dɩyɛ gba fɔ, wù di gɛtɛ bàà tan itunu fɔ ma awɔrɔnyan. Ɛwʋ gɛtɛ wʋ̀ fɩya fɔ, wù di gɛtɛ àà tiri Yerusalem bete bàà mɛ bɛdɩyɛlɛ. Bɛkɩ baà mɛ ɔpɔrɩ fɔ wʋʋ bɛdɩyɛlɛ, fɔ bedo mɔ bàà dɩyɛ ɛbɛ gbagba baakpaara.>>

Bɛnɩ gɛtɛ be ye gisela gaanɩ bɛ ba fɔ baayere

4 Fɔ Yerusalem ditele fɔ dɩ̀ yɛrɛ dɩ dɔ, mɔ bɛnɩ bɛɛn sɔ daanɩ, gɛ ben te biri sere akwo kpekpesi. 5 Ɛwʋ gɛ miin Wurubwarɛ ɛ dɔ̀ mɩ miinturu waanɩ alɛ n kpèlè bengyebi, ma bɛndɛrɛbi, ma ditele fɔ dɩɩ bɛnɩ n tuma, fɔ bàà ŋwara ayere akpaara-akpaara. Na we ɛbɛ gɛtɛ be ye gisela bɛ ba dɩgyangbasɛ fɔ boo gewo-tama giidu gɩɩ gɩkpa. Bɛ ŋwara bɛ sa gaanɩ alan,

6 Bɛnɩ gɛtɛ be biri bɛ ba bɔɔlɛ Yerusalem, ma Yuda gɛtɛ nafɔ Babilon wogyu Nebukadinesa e gye bɩtà ɛ da wɔlɛ fɔ baayere n tɛ ba lɛ (be biri bɛ ba Yerusalem ma Yuda, ɛkamasɛ ɛ san wo ditele daanɩ. 7 Boo begyegeyelɛ n di Serubabeli, ma Yesuwa, ma Nehemiya, ma Asariya, ma Raamiya, ma Nahamani, ma Moridekayi, ma Bilisan, ma Misipereti, ma Bigifayi, ma Nehum, ma Baana.

Isareli bɛnɩ bɛkɩ mɔ gɛtɛ be ye dʋkɔ bɛ ba fɔ baayere n tɛ ba lɛ.

8 Parosi wodu wʋʋ bɛnɩ bɛ̀ ba gbaa ma akpilin nɩyɛ ma fwo bɛnyɔɔ (2,172).

   9 Sefatiya wodu wʋʋ bɛnɩ bɛ̀ ba gɛkpɩn ma akpilin nɩyɛ ma fwo bɛnyɔɔ (372).

   10 Arahi wodu wʋʋ bɛnɩ bɛ̀ ba nkpɩn bisiyee ma akpilin anyɔɔ ma fwo bɛnyɔɔ (652).

   11 Pahati-Mowabi gɛtɛ e ye Yesuwa ma Yowabi bɔɔ dɩkpaara daanɩ fɔ wodu wʋʋ bɛnɩ bɛ̀ ba gbaa ma nkpɩn bɩnaa ma fwo nɩyɛ (2,818).

   12 Elam wodu wʋʋ bɛnɩ bɛ̀ ba nkpɩn kooron ma akpilin anyɔɔ ma fwo bɛnaa (1,254).

   13 Satu wodu wʋʋ bɛnɩ bɛ̀ ba nkpɩn bɩnaa ma akpilin anyɔɔ ma ton (845).

   14 Sakayi wodu wʋʋ bɛnɩ bɛ̀ ba nkpɩn bisiyee ma akpilin nɩyɛ (760).

   15 Binuwi wodu wʋʋ bɛnɩ bɛ̀ ba nkpɩn bisiyee ma akpilin anyɔɔ ma nɩyɛ (648).

   16 Bebayi wodu wʋʋ bɛnɩ bɛ̀ ba nkpɩn bisiyee ma dikpilin ma nɩyɛ (628).

   17 Asigadi wodu wʋʋ bɛnɩ bɛ̀ ba gbaa ma gɛkpɩn ma akpilin kooron ma bɛnyɔɔ (2,322).

   18 Adonikam wodu wʋʋ bɛnɩ bɛ̀ ba nkpɩn bisiyee ma akpilin asiyee ma kwarankɩ (667).

   19 Bigifayi wodu wʋʋ bɛnɩ bɛ̀ ba gbaa ma akpilin asiyee ma kwarankɩ (2,067).

   20 Adin wodu wʋʋ bɛnɩ bɛ̀ ba nkpɩn bisiyee ma akpilin anyɔɔ ma fwo-ton (655).

   21 Ateri (gɛtɛ e ye Esekiya dɩkpaara daanɩ fɔ) wodu wʋʋ bɛnɩ bɛ̀ ba akpilin anaa ma fwo-nɩyɛ (98).

   22 Hasum wodu wʋʋ bɛnɩ bɛ̀ ba gɛkpɩn ma akpilin kooron ma nɩyɛ (328).

   23 Besayi wodu wʋʋ bɛnɩ bɛ̀ ba gɛkpɩn ma akpilin kooron ma bɛnaa (324).

   24 Harifu wodu wʋʋ bɛnɩ bɛ̀ ba akpilin ton ma fwo bɛnyɔɔ (112).

   25 Gibeyon wodu wʋʋ bɛnɩ bɛ̀ ba akpilin anaa ma fwo ton (95).

26 Betelem ma Netofa boo beteni bɛ̀ ba akpilin yɛkɩ ma nɩyɛ (188).

   27 Anatoti beteni bɛ̀ ba akpilin kooron ma nɩyɛ (128).

   28 Beti-Asimafeti beteni bɛ̀ ba akpilin anyɔɔ ma bɛnyɔɔ (42).

   29 Kiriyati-Yarim, ma Kefira, ma Beeroti boo beteni bɛ̀ ba nkpɩn bisiyee ma akpilin kwarankɩ ma besiyee (743).

   30 Rama ma Geba baatele yii beteni bɛ̀ ba nkpɩn bisiyee ma dikpilin ma ɛkɩ (621).

   31 Mikimasi ditele dii beteni bɛ̀ ba akpilin kooron ma bɛnyɔɔ (122).

   32 Beteli ma Ayi baatele yii beteni bɛ̀ ba akpilin kooron ma besiyee (123).

   33 Nebo-nyɔɔfɛ fɔ beteni bɛ̀ ba akpilin anyɔɔ ma fwo bɛnyɔɔ (52).

   34 Elam-nyɔɔfɛ fɔ beteni bɛ̀ ba nkpɩn kooron ma akpilin anyɔɔ ma fwo bɛnaa (1,254).

   35 Harim beteni bɛ̀ ba gɛkpɩn ma akpilin kooron (320).

   36 Yeriko ditele dɩɩ bɛnɩ bɛ̀ ba gɛkpɩn ma akpilin kwarankɩ ma ton (345).

   37 Lodi ditele, ma Hadidi ditele, ma Ono ditele yɩɩ bɛnɩ bɛ̀ ba nkpɩn bisiyee ma akpilin kooron ma ɛkɩ (721).

   38 Senaa ditele dii beteni bɛ̀ ba gbaa ma nkpɩn yɛkɩ ma akpilin kooron ma fwo (3,930).

39 Gedi gɩɩ bɛtɛlɛ fɔ n tɛ ba lɛ.

Yedaya gɛtɛ e ye Yesuwa wodu waanɩ fɔ dɩkpaara dii beteni bɛ̀ ba nkpɩn bɩnaa ma akpilin nɩyɛ ma fwo besiyee (973).

   40 Imeri dɩkpaara dii beteni bɛ̀ ba bɛnɩ nkpɩn ton ma akpilin anyɔɔ ma fwo bɛnyɔɔ (1,052).

   41 Pasuri dɩkpaara dii beteni bɛ̀ ba bɛnɩ nkpɩn kooron ma akpilin anyɔɔ ma kwarankɩ (1,247).

   42 Harim dɩkpaara dii beteni bɛ̀ ba bɛnɩ nkpɩn ton ma fwo kwarankɩ (1,017).

43 Lefi bete n tɛ ba lɛ.

Yesuwa ma Kadimiyeli gɛtɛ be ye Hodafiya wodu waanɩ fɔ boo bebi-teni bɛ̀ ba akpilin asiyee ma fwo bɛnaa (74).

44 Ɩnʋn yɩɩ bɛnʋmalɛ fɔ

be ye Asafi wodu wʋʋ bɛnɩ baanɩ. Bɛ̀ ba akpilin kwarankɩ ma nɩyɛ (148).

45 Otunu wʋʋ bɛdɩyɛlɛ fɔ n tɛ ba lɛ.

Bè di Salum, ma Ateri, ma Talimon, ma Akubi, ma Hatita, ma Sobayi boo-idu yɩɩ bɛnɩ.

   Bɛ̀ ba bɛnɩ akpilin kooron ma fwo-nɩyɛ (138).

46 Dikwo-dɩrɛ fɔ dɩɩ gʋtʋn gɩɩ bɛmɛlɛ fɔ n tɛ ba lɛ.

Idu-idu fɔ n di

   Siha dɩkpaara, ma Hasufa dɩkpaara, ma Tabawoti dɩkpaara,

   47 ma Kerosi dɩkpaara, ma Siya dɩkpaara, ma Padon dɩkpaara,

   48 ma Lebana dɩkpaara, ma Agaba dɩkpaara, ma Salimayi dɩkpaara,

   49 ma Hanan dɩkpaara, ma Gideli dɩkpaara, ma Gahari dɩkpaara,

   50 ma Rehaya dɩkpaara, ma Resin dɩkpaara, ma Nekoda dɩkpaara,

   51 ma Gasam dɩkpaara, ma Usa dɩkpaara, ma Paseya dɩkpaara,

   52 ma Besayi dɩkpaara, ma Mewunim dɩkpaara, ma Nefusesim dɩkpaara,

   53 ma Bakibuki dɩkpaara, ma Akufa dɩkpaara, ma Haruri dɩkpaara,

   54 ma Basiluti dɩkpaara, ma Mehida dɩkpaara, ma Harisa dɩkpaara,

   55 ma Barikosi dɩkpaara, ma Sisera dɩkpaara, ma Tema dɩkpaara,

   56 ma Nesiya dɩkpaara, ma Atifa dɩkpaara.

57 Solomon bɛsaranyan boo-idu yɩɩ bɛnɩ gɛtɛ be biri bɛ ba Yuda fɔ n tɛ ba lɛ.

Idu-idu fɔ yɩɩ bɛnɩ n di

   Sotayi dɩkpaara, ma Sofereti dɩkpaara, ma Perida dɩkpaara,

   58 ma Yaala dɩkpaara, ma Darikon dɩkpaara, ma Gideli dɩkpaara,

   59 ma Sefatiya dɩkpaara, ma Hatili dɩkpaara,

   ma Pokereti-Asebami dɩkpaara, ma Amon dɩkpaara.

60 Dikwo-Dɩrɛ dɩɩ gʋtʋn gɩɩ bɛmɛlɛ ma Solomon bɛsaranyan boo-idu yɩɩ bɛnɩ powu bɛ̀ ba bɛnɩ gɛkpɩn ma akpilin yɛkɩ ma fwo-bɛnyɔɔ (392).

61 Bɛnɩ gɛtɛ baayere ɩɩ ba lɛ be ye Teli-Mela, ma Teli-Harisa, ma Kerubi, ma Adon, ma Imeri. Mɔ fɔ bɛn talɩ wùlà alɛ bɔɔ dɩkpaara di ye Isareli wodu waanɩ.

62 Ɛbɛ n di

   Delaya, ma Tobiya, ma Nekoda boo-idu yɩɩ bɛnɩ. Bɛ̀ ba nkpɩn bisiyee ma akpilin anyɔɔ ma bɛnyɔɔ (642).

63 Gɛ gedi gɩɩ bɛtɛlɛ fɔ baanɩ fɔ,

idu-idu fɔ n di

Hobaya, ma Hakosi ma Barisilayi gɛtɛ e to Barisilayi gɛtɛ e ye Gileyadi fɔ dɩkpaara diibi-nanɩbi ɛkɩ gɩna, gɛ ɛ ka wɔsɔ fɔ dɩkpaara dii diyere fɔ.

64 Gɛtɛ be bugiti baayere gɛ ben we akpaara gɛtɛ yaanɩ be ye okoro, be tiri bɛ be ye gedi gɩɩ gɛtɛ̀ gɩɩ gʋtʋn gaanɩ, yema bè we anlɛ bɛnɩ gɛtɛ boo koro gɩ̀ ba dɩdɩɩ. 65 Okoro gɩfɩɩ gɩɩnyalɛ ɛ sʋ bɛ alɛ bɛn nan wura be di anyan-dilɛ gɛtɛ bɛɛ ka bɛ tɛ Wurubwarɛ fɔ, ma sere ɔkʋna gɛtɛ gedi gɩɩtɛlɛ ɛkɩ ɛɛ̀ da ma Wurim ma Tumim ɛbɛ boo koro e we ade fɔ yaanɩ pɛ.

66 Dikpi fɔ powu dɩɩ bɛnɩ bɛ̀ ba bɛnɩ asepekyi anyɔɔ ma gbaa ɛkɩ ma gɛkpɩn ma akpilin nɩyɛ (42,360), 67 gɛtɛ bɛn kalan bɔɔ bɛsʋmalɛ-teni ma bɔɔ bɛsʋmalɛ-nanɩ gɛtɛ bɛ̀ ba bɛnɩ ɩgbaa isiyee ma nkpɩn kooron ma akpilin kooron ma fwo kwarankɩ (7,337) fɩya. Gɛ bɛ̀ nɩ̀ ba ɩnʋn yɩɩ bɛnʋmalɛ-teni ma bɛnanɩ gɛtɛ baasɔ ɩ̀ ba gɛkpɩn ma akpilin anyɔɔ ma ton (245). 68 Baabengyi ɩ̀ ba nkpɩn bisiyee ma akpilin kooron ma fwo kooron (736). Baakpɔŋɔ-tɩtɩɩ ɩ̀ ba gɛkpɩn ma akpilin anyɔɔ ma ton (245), 69 ma akpɔŋɔ nkpɩn bʋnyɔɔ ma dikpilin ma fwo ton (435), ma akpɔŋɔ-tɩtɩɩ ɩgbaa isiyee ma nkpɩn bisiyee ma akpilin kooron (6,720).

70 Akpaara ɩkɩ yɩɩ bɛndɩrɛ bɛ tɛ anyan gʋtʋn fɔ gɩɩ gɛmɛ gaanɩ. Gɩfɩɩ gɩɩnyalɛ ɛ tɛ sɩka-sɩya bekilo nɩyɛ ma ɔfan, bɛtasabi akpilin anyɔɔ ma fwo (50), ma gedi gɩɩ bɛtɛlɛ bɔɔ ngba nkpɩn bʋnyɔɔ ma akpilin kooron ma fwo (530). 71 Akpaara fɔ yɩɩ bɛndɩrɛ bɛkɩ bɛ tɛ sɩka-sɩya bekilo akpilin nɩyɛ ma fwo (170), ma sɩka-fututu nkpɩn kooron (1,200). 72 Anyan powu gɛtɛ bɛnɩ-kurumakyɛɛ bɛ tɛ fɔ n di sɩka-sɩya bekilo akpilin nɩyɛ ma fwo (170), ma sɩka-fututu bekilo nkpɩn ton ma akpilin ton (1,100), ma gedi gɩɩ bɛtɛlɛ bɔɔ ngba akpilin asiyee ma kwarankɩ (67)

73 Gɛ gedi gɩɩ bɛtɛlɛ fɔ, ma Lefi bete fɔ, ma otunu wʋʋ bɛdɩyɛlɛ fɔ, ma ɩnʋn yɩɩ bɛnʋmalɛ fɔ, ma Dikwo-dɩrɛ dɩɩ gʋtʋn gɩɩ bɛmɛlɛ fɔ, fɩya ma bɛnɩ fɔ bɛkɩ, ma Isareli bete-kurumakyɛɛ bɛ ma sara baatele yaanɩ.

Esira ɛ kalan Ose fɔ

Gɛtɛ ebon-kwarankɩfɛ ɛ nɩma fɔ, Isareli bete bɛ wɛrɛ sara baatele yaanɩ.