Bɛ ka Yerusalem wɔpɔrɩ fɔ bɛ sa Wurubwarɛ gʋlɔ
27 Gɛtɛ bɛɛ ka Yerusalem wɔpɔrɩ fɔ bɛ sa Wurubwarɛ gʋlɔ fɔ, be kpèlè Lefi bete powu gɛtɛ bɛ̀ sa ɔkʋn-kamasɛ fɔ bɛ ba Yerusalem tɛ duwi-dɩrɛ fɔ dii gedi ɔsɛ waanɩ. Baà sa Wurubwarɛ onyun, fɔ bàà ka akyaka, ma adʋlɛ ɛbɛ, ma adʋlɛ-dɩrɛ-dɩrɛ ɛbɛ nʋma ɩnʋn.
31 Ɛwʋ gɛ na yɛ Yuda bete boo begyegeyelɛ bɛ bʋn ɔpɔrɩ fɔ wuu koro, gɛ na yo ɩnʋn yɩɩ bɛnʋmalɛ fɔ akpen anyɔɔ gɛtɛ bàà nʋma gesila gɩɩ-ɩnʋn. Dikpen fɔ dɩkɩ dɩ bʋn ɔpɔrɩ fɔ wuu koro dàà san nʋma ɩnʋn san ologyi wʋʋ gɩlan, gɛtɛ wʋ̀ sa Ditonton Diitunu wʋʋpɩ fɔ.
38 Ɩnʋn yɩɩ bɛnʋmalɛ dikpen-nyɔɔfɛ fɔ bɛ ka dɩbɩyan-lɔ. Nmɩ ma bɛnɩ fɔ ɔfan gɛtɛ bɛ bʋn ɔpɔrɩ fɔ wuu koro fɔ tɩ tɛrɛma bɛ. Tɩ da ma Boroboro Dison dii dikwo-tɔlɛ fɔ dɩɩpɩ tɩ ma ye Ɔpɔrɩ ma Otin wʋʋpɩ.
43 Gɛ duwi dɩtɔkɔ bɛ tɛ gedi gɛtɛ wʋn mɛ ɔkpɛɛran, gɛ be di ɔsɛ yema Wurubwarɛ ɛ ka ɔsɛ ɛ bɛ sa baanɩ. Bɛnanɩ ma bebi-sorobi mɔ be di ɔsɛ ma ɛbɛ. Ɔsɛ gɛtɛ be di Yerusalem fɔ wʋʋwʋlʋn wʋ san ɔfɔ.