14 Nkele mɔ, ye egyu-dɩrɛ Aritaserisi gɩkyan dikpilinfɛ gɛtɛ bɛ ka mɩ bɛ sɩ̀ Yuda gɩfɩɩ gɩɩnyalɛ ma sere gɩkyan dikpilin ma fwo-nyɔɔfɛ, gɛtɛ wù di mɩɩn gɩkyan fwo gɩnyɔɔfɛ fɔ, nmɩ oo, mɩɩndɩrɛ ɛbɛ oo, taanɩ ɛkɩ en di anyandilɛ gɛtɛ be yo bɛ tɛ gɩfɩɩ gɩɩnyalɛ fɔ. 15 Mɔ Gɩfɩɩ gɩɩnyalɛ-kamasɛ gɛtɛ ɛ sara pɛgɛ na sara fɔ, ɛ ka ditola-dɩrɛ e tola gɩfɩɩ fɔ. Bee to sɩka-fututu wabi akpilin anyɔɔ (40), fɩya ma anyandilɛ ma bʋkan be ye bɛnɩ fɔ baakʋn. Bɔɔ bɛndɩrɛbi gba bee di bɛnɩ fɔ boo koro. Mɔ Wurubwarɛ geserenti gii koro, nmɩ bɩrɛ mɩn mɛ gɛlɛ. 16 Mɔ fɔ, na ka koro na tɛ ɔpɔrɩ fɔ wuu gebiri-sere. Mɩɩn bɛnɩ fɔ powu be tuma dʋkɔ bɛɛ mɛ ɔpɔrɩ fɔ wʋʋ gʋtʋn. Gɛ tin gye gɛtʋnkwaa gɩkɩ sɩ̀ tɛ koro.
17 Ɛwʋ gɛtɛ wù biri wʋ fɩya fɔ, na tɛ Yuda bete ma bɔɔ bɛndɩrɛbi akpilin kwarankɩ ma fwo (150) anyandilɛ, fɩya ma bendeni gɛtɛ be ye bɩfɩɩ-bɩfɩɩ gɛtɛ bu silin tɩ bu tuma, gɛ bɛ ba taakʋn fɔ. 18 Ɛkwɔ-teni ɛkɩ, ma bɛyɛran ma ayo, ma bɛkɔrɔkɔ gɛ bɛɛ ka be kpele anyandilɛ mɩɩn dɩkpaara daanɩ duwi-kamasɛ. Gɛ awi fwo-kamasɛ fɔ, n te se bʋkan kperen-kperen kpekpesi. Ma nyayɩ powu gba fɔ, min lila anyandilɛ gɛtɛ bee yo bɛ tɛ gɩfɩɩ gɩɩnyalɛ fɔ gba, yema na we gɛtɛ ditola-dɩrɛ dɩ̀ gyaga bɛnɩ fɔ boo koro.
19 Oo miin Wurubwarɛ, hira mɩ maade-kpara powu gɛtɛ na mɛ na tɛ bɛnɩ nyabɛ lɛ yii koro.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)