2 Gɛ Sanibalati ma Gesem bɛ sa mɩ ɔtʋn alan, <<Ba taà tuma atele gɛtɛ ɩ̀ sa Ono wɔtalɩ waanɩ fɔ yɩɩ dɩkɩ daanɩ.>>
Mɔ fɔ bɛ mɛ gɛ onyun gɛtɛ bàà mɛ mɩ ade-kpen. 3 Ɛwʋ gɛ na sa bɛnɩ baakʋn alɛ bɛ ma dɔ̀ bɛ alan, <<Gʋtʋn gɩ da mɩ alɔ, okoro mɩn nan talɩ n ba. Lan gɛ nan kere gʋtʋn n ya fɔ nan tɔ n ba yaakʋn?>>
4 Bɛ sa mɩ ɔtʋn-kɩlɩn fɔ disere dɩnaa, gɛ ɔya-kamasɛ fɔ, ade-kɩlɩn fɔ gɛ ǹ bɔ n tɛ dɔ̀ bɛ.
6 Bɛ ŋwara bɛ sa gɩkpa fɔ gaanɩ alan,
<<Tɩɩ nʋn ti ye bɩfɩɩ gɛtɛ bu silin yɩ bu tuma fɔ baakʋn alɛ ɛyɩ ma Yuda bete ɩɩ sa amɩnlɛ gɛtɛ yàà tɔ yela gɩfɩɩ gɩɩ bɛnyalɛ boo koro. Okoro gɛ i biri ɩɩ mara ɔpɔrɩ fɔ. Gesem ke ɛ dɔ̀ ade fɔ na nʋn. Ɛwʋ gɛtɛ wʋ̀ fɩya fɔ n di alɛ awɔ n te len àà mɛ egyu-dɩrɛ a tɛ bɛ.
8 Gɛ na tiri wuunyun na tɩyɛma wɔ alan, <<Ade gɛtɛ aa dɔ̀ lɛ yaanɩ wʋkɩ wʋn ma waanɩ. Awɔ gbagba n tɛ salɩ yɩ a sa.>>
9 Bɛɛ sa tɩ gɛ gɩsaa gɛtɛ koro gàà yɔ tɩ, fɔ tɩ kara talɩ ti werema gʋtʋn fɔ.
Mɔ na tiri onyun alan, <<Oo Wurubwarɛ, sa mɩ ɔkɛma.>>