1 Bɛnɩ fɔ powu be tuma anlɛ ɛnɩ-kɩlɩn, dɩkpaara gɛtɛ dɩ̀ sa Butu Buutunu wʋʋpɩ fɔ daanɩ. Ɛwʋ gɛ bɛ dɔ̀ ɛŋwaralɛ Esira alɛ ɛ ka Mose Wose wʋʋ Gɩkpa gɛtɛ Yahwe ɛ ŋwara ɛ tɛ Isareli bete fɔ ɛ ba.
2 Okoro ebon-kwarankɩfɛ wo duwi-gyangbasɛlɛ daanɩ fɔ, gedi gɩɩtɛlɛ Esira ɛ ka Ose wʋʋ Gɩkpa fɔ ɛ ba bɛnɩ dɩtɩnpan fɔ bɔɔ bʋnʋn. Beteni, ma bɛnanɩ, ma bebi powu gɛtɛ baà talɩ bɛ nʋn ade yaanɩ fɔ be tuma dʋkɔ. 3 E yela dɩkpaara fɔ daanɩ, Otunu gɛtɛ bee kpèlè Butu Buutunu fɔ wʋʋ bʋnʋn ɛ kalan Ose fɔ ye gagyɩgyan ma sere ofila-kenken beteni, ma bɛnanɩ, ma ɛbɛ gɛtɛ baà talɩ bɛ nʋn ade yaanɩ fɔ bɔɔ bʋnʋn. Gɛ bɛnɩ fɔ powu be ken aten gepepe bɛɛ nʋn ade gɛtɛ Ose wʋʋ Gɩkpa fɔ gɩɩ dɔ̀ fɔ.
8 Bɛ kalan Wurubwarɛ Wose fɔ be ye gɩkpa gaanɩ, gɛ be biri be tiri waanɩ gepepe8:8 Bɛ ŋwara gɛ Ose fɔ Hebere ginde gaanɩ. Mɔ gɛtɛ Yuda bete fɔ bɛ sara Babilon, gɛ bɛ yɛ bɛɛ dɔ̀ gɛ Aram ginde bɔɔ gɛtabʋrʋ kpekpesi gaanɩ okoro, wu hiyan gɛtɛ bàà tiri Ose fɔ waanɩ tɛ bɛ Aram ginde gaanɩ., gɛtɛ bɛnɩ fɔ powu bàà wura nʋn waanɩ gepe.
9 Ɛwʋ gɛ gɩfɩɩ gɩɩnyalɛ Nehemiya, ma gedi gɩɩtɛlɛ ma gɩkpa gɩɩŋwaralɛ Esira, ma Lefi bete gɛtɛ bee wùlà bɛnɩ fɔ ade fɔ bɛ dɔ̀ bɛnɩ fɔ powu alan, <<Duwi nyadɩ dì di fɩrɩnfɩrɩn tɛ Yahwe, yii Wurubwarɛ fɔ. Ɩ kara tʋrʋn, gɛ ɩ kara wula.>> Yema ɔkʋna gɛtɛ bɛnɩ fɔ powu bɛ nʋn Ose fɔ waade-dɔ̀lɛ fɔ, be gyu gewula.