Kewaliilu 18

Pɔli sera Korɛnti

1 Wo kɛni kɔ, Pɔli bɔra Atɛni ka wa Korɛnti. 2 A se mɛn kɛni ye, a bɛnda Judiya cɛɛ do ri, mɛn tɔɔ ko Akila. Pɔntika le. A muso tɔɔ ko Pirisili. Ii nasan de tɛrɛ ka bɔ Itali jamana rɔ. Ii bɔra Itali ka na ka a masɔrɔn mansaba Kolodi tɛrɛ ra a fɔ ko Judiyailu bɛɛ ye bɔ Romu. Pɔli ka i madon ii la. 3 Ka a tɛrɛn a ni ii tɛrɛ ye baara kelen de kɛla, Pɔli tora ii fɛ ka kɛ ii baara ɲɔɔn di. Ii bɛɛ tɛrɛ ye faaninbon rabɛnnailu le ri.