Êxodo 12

Musa ka Taminkunna Sali ɲafɔ Isirayɛlikailu yɛ

21 Musa ka Isirayɛlikailu la mɔɔbakɔrɔilu bɛɛ kili ka a fɔ ii yɛ ko: «Ai bɛɛ ye wa sisɛn ka kolofen mɛsɛn mira ai la denbayailu yɛ ka a kannatɛɛ ka Taminkunna Sali kɛ. 22 Ai ye kolofen wo jeli kɛ yagbawara do kɔndɔ. Jiri mɛn tɔɔ ko hisopi, ai ye wo bolon do sun jeli wo rɔ, ka jeli susa bonda lamininilu rɔ, a da kankun kan ni a bonda fodufɛla fila ma kɔnin. Mɔɔ si kana bɔ a la bon na fɔɔ sɔɔma. 23 Allabatala ri tamin Misiran jamana kɔndɔ ka Misirankailu dencɛ fɔlɔilu faa su rɔ. Ni a ka jeli yen a da kankun kan ni a da lɔ jirila fila ma, a ri tamin bon wo kun na. A ti nala sɔnna niitɛɛ mɛlɛka ye don ai la bon woilu la ka ai dencɛ fɔlɔilu faa.