Wusulanjanin saraka bɔ diya ko
1 «Ai ye wusulan janin saraka bɔ diya ladan kasiya jiri la. 6 Ai ye saraka bɔ diya wo sii tatɛɛfaanin ɲɛfɛ. Teriya tɔɔmasere kankira ni a julumun kafari dalatuun ye tatɛɛfaanin wo kɔfɛ. Tuma tuma n kɛtɔ i kunbɛnna yɔrɔ wo le rɔ.
7 «Haruna wa fitinailu rabɛn sɔɔma sɔɔma, a ye wusulan suma duman janin saraka bɔ diya wo kan. 8 A wa fitinnailu lamɛlɛn wura wura, a ye wusulan suma duman janin ikɔ tuunnin. Wusulan ye to janinna wo ɲa ma nde Allabatala ɲakɔrɔ tuma bɛɛ. Ai bɔnsɔnilu bɛɛ ye a kɛ ten haan ka wa kadawu. 10 San san, kolofen mɛn bɔnin ka a kɛ julumun saraka ri ka a solonna, Haruna ye wo jeli ta ka a kɛ saraka bɔ diya kereilu kan. Haruna ri saraka bɔ diya sɛninya ten siɲa kelen san san. Ai bɔnsɔnilu ye a kɛ ten haan ka wa kadawu. Sarakabɔdiya wo bilanin a dan na ka kɛ nde Allabatala ta ri. A sɛniman ba le.»