Marika Suran 7

9 A ka a fɔ ii yɛ ko: «Ai kiyanin, baa ai bannin Alla la jamariliilu ma, sa ai ri to ai la namunilu kan. 10 Musa ka a fɔ ko: ‹I fa ni i na bonya.*7.10 Mɛn sɛbɛnin yan a ye Hɔrɔya suran 20 kuma diya 12, wo ni Sariyailu fanan kɔndɔ suran 5 kuma diya 16› Ko: ‹Ni mɔɔ mɛn ka kuma juu fɔ a fa ma, wala a na, wo tii ka kan de ka faa*7.10 Mɛn sɛbɛni yan a ye Hɔrɔya suran 21 kuma diya 17, wo ni Sarakalaselailu fanan kɔndɔ suran 20 kuma diya 9.› 11 Kɔni ai ka a fɔ ko mɔɔ ri se a fɔla a fa wala a na yɛ ko: ‹I ka kan ka dɛmɛnfen mɛn sɔrɔn n bolo, wo ra kɛ Kɔrɔban di.› (Wo kɔrɔ le ko ‹n da wo bila a dan na Alla yɛ.›) 12 Ni a ka wo le fɔ, ai ti sɔnna butun a ye a sɔrɔnbailu dɛmɛn. 13 Wo bolo ma, ai ka namun mɛnilu sɔrɔn ai benbailu la, ai ye woilu kɛla ka ii bila Alla la kuma nɔ rɔ. Ai ye wo ɲɔɔn ko siyaman fanan kɛla.»