Mateus 5

Dunuɲa kɔɔ a ni dunuɲa yelen

13 «Nba, aile le kɔɔ ri duukolo kan. Kɔni ni kɔɔ tunya bɔra a la, a ri se tunyala ikɔ tuun wa? A tɛ foyi ɲala butun. A ri lafili kɛnɛ ma, mɔɔilu tamintɔ ri a radɔn.

14 «Aile le ye yelen di dunuɲa rɔ yan. So mɛn siinin tindi kan, wo ti se doonna. 15 Mɔɔ tɛ fitinna lamɛlɛnna ka a sii see kɔrɔ. Ɛn-ɛn, a ri a sii fitinnasiifen kan sa a ri yelen di bonkɔndɔ mɔɔilu bɛɛ ma. 16 Fɔɔ ai la yelen ye bɔ ten mɔɔilu ɲana, sa ii ri ai la koɲuma kɛnɛninilu yen ka ai Fa gbiliya, ai Fa mɛn ye sankolo rɔ.