1 Mɔɔ mɛn na lemɛniya dɔɔman ai tɛma, ai ye wo ramira, ai kana ai miriyailu masɔsɔ. 2 Mɔɔ doilu ye fen bɛɛ dɔɔnna ii la lemɛniya rɔ, kɔni doilu ye nakɔfenilu le dɔrɔn dɔɔnna ii la lemɛniya fankatanya rɔ. 3 Mɔɔ mɛn ye fen bɛɛ dɔɔnna, wo kana mɔɔ lagboyaɲɛ mɛn da a ban a rɔ. Mɛn ka a ban a rɔ, wo kana mɔɔ jalaki mɛn ye fen bɛɛ dɔɔnna, ka a masɔrɔn Alla ra a ramira. 4 Yon ye ile ri, ile mɛn ye mɔɔ gbɛrɛ la jɔn makitila? Ni a benin, wala ni a lɔnin, wo ye a tii le ma. Kɔni a ri lɔ ka a masɔrɔn Alla ri se a lalɔla.