1 א-ב   שיר מזמור לדוד 2 נכון לבי אלהים אשירה ואזמרה אף-כבודי br 3 ג   עורה הנבל וכנור    אעירה שחר br 4 ד   אודך בעמים יהוה    ואזמרך בלאמים br 5 ה   כי-גדול מעל-שמים חסדך    ועד-שחקים אמתך br 6 ו   רומה על-שמים אלהים    ועל כל-הארץ כבודך br 7 ז   למען יחלצון ידידיך    הושיעה ימינך וענני br 8 ח   אלהים דבר בקדשו--אעלזה    אחלקה שכם ועמק סכות אמדד br 9 ט   לי גלעד לי מנשה ואפרים מעוז ראשי    יהודה מחקקי br 10 י   מואב סיר רחצי--על-אדום אשליך נעלי    עלי-פלשת אתרועע br 11 יא   מי יבלני עיר מבצר    מי נחני עד-אדום br 12 יב   הלא-אלהים זנחתנו    ולא-תצא אלהים בצבאתינו br 13 יג   הבה-לנו עזרת מצר    ושוא תשועת אדם br [ (Psalms 108:14) יד   באלהים נעשה-חיל    והוא יבוס צרינו ]

1 שִׁיר מִזְמֹור לְדָוִד׃2 נָכֹון לִבִּי אֱלֹהִים אָשִׁירָה וַאֲזַמְּרָה אַף־כְּבֹודִי׃3 עוּרָה הַנֵּבֶל וְכִנֹּור אָעִירָה שָּׁחַר׃4 אֹודְךָ בָעַמִּים ׀ יְהוָה וַאֲזַמֶּרְךָ בַּל־אֻמִּים׃5 כִּי־גָדֹול מֵעַל־שָׁמַיִם חַסְדֶּךָ וְעַד־שְׁחָקִים אֲמִתֶּךָ׃6 רוּמָה עַל־שָׁמַיִם אֱלֹהִים וְעַל כָּל־הָאָרֶץ כְּבֹודֶךָ׃7 לְמַעַן יֵחָלְצוּן יְדִידֶיךָ הֹושִׁיעָה יְמִינְךָ וַעֲנֵנִי׃8 אֱלֹהִים ׀ דִּבֶּר בְּקָדְשֹׁו אֶעְלֹזָה אֲחַלְּקָה שְׁכֶם וְעֵמֶק סֻכֹּות אֲמַדֵּד׃9 לִי גִלְעָד ׀ לִי מְנַשֶּׁה וְאֶפְרַיִם מָעֹוז רֹאשִׁי יְהוּדָה מְחֹקְקִי׃10 מֹואָב ׀ סִיר רַחְצִי עַל־אֱדֹום אַשְׁלִיךְ נַעֲלִי עֲלֵי־פְלֶשֶׁת אֶתְרֹועָע׃11 מִי יֹבִלֵנִי עִיר מִבְצָר מִי נָחַנִי עַד־אֱדֹום׃12 הֲלֹא־אֱלֹהִים זְנַחְתָּנוּ וְלֹא־תֵצֵא אֱלֹהִים בְּצִבְאֹתֵינוּ׃13 הָבָה־לָּנוּ עֶזְרָת מִצָּר וְשָׁוְא תְּשׁוּעַת אָדָם׃14 בֵּאלֹהִים נַעֲשֶׂה־חָיִל וְהוּא יָבוּס צָרֵינוּ׃