1 א   הללו-יה br הללי נפשי    את-יהוה br 2 ב   אהללה יהוה בחיי    אזמרה לאלהי בעודי br 3 ג   אל-תבטחו בנדיבים--    בבן-אדם שאין לו תשועה br 4 ד   תצא רוחו ישב לאדמתו    ביום ההוא אבדו עשתנתיו br 5 ה   אשרי--שאל יעקב בעזרו    שברו על-יהוה אלהיו br 6 ו   עשה שמים וארץ--    את-הים ואת-כל-אשר-בם br השמר אמת    לעולם br 7 ז   עשה משפט לעשוקים--נתן לחם לרעבים    יהוה מתיר אסורים br 8 ח   יהוה פקח עורים--יהוה זקף כפופים    יהוה אהב צדיקים br 9 ט   יהוה שמר את-גרים--יתום ואלמנה יעודד    ודרך רשעים יעות br 10 י   ימלך יהוה לעולם--    אלהיך ציון לדר ודר br הללו-יה

1 הַלְלוּ־יָהּ הַלְלִי נַפְשִׁי אֶת־יְהוָה׃2 אֲהַלְלָה יְהוָה בְּחַיָּי אֲזַמְּרָה לֵאלֹהַי בְּעֹודִי׃3 אַל־תִּבְטְחוּ בִנְדִיבִים בְּבֶן־אָדָם ׀ שֶׁאֵין לֹו תְשׁוּעָה׃4 תֵּצֵא רוּחֹו יָשֻׁב לְאַדְמָתֹו בַּיֹּום הַהוּא אָבְדוּ עֶשְׁתֹּנֹתָיו׃5 אַשְׁרֵי שֶׁאֵל יַעֲקֹב בְּעֶזְרֹו בְרֹו עַל־יְהוָה אֱלֹהָיו׃6 עֹשֶׂה ׀ שָׁמַיִם וָאָרֶץ אֶת־הַיָּם וְאֶת־כָּל־אֲשֶׁר־בָּם הַשֹּׁמֵר אֱמֶת לְעֹולָם׃7 עֹשֶׂה מִשְׁפָּט ׀ לָעֲשׁוּקִים נֹתֵן לֶחֶם לָרְעֵבִים יְהוָה מַתִּיר אֲסוּרִים׃8 יְהוָה ׀ פֹּקֵחַ עִוְרִים יְהוָה זֹקֵף כְּפוּפִים יְהוָה אֹהֵב צַדִּיקִים׃9 יְהוָה ׀ שֹׁמֵר אֶת־גֵּרִים יָתֹום וְאַלְמָנָה יְעֹודֵד וְדֶרֶךְ רְשָׁעִים יְעַוֵּת׃10 יִמְלֹךְ יְהוָה ׀ לְעֹולָם אֱלֹהַיִךְ צִיֹּון לְדֹר וָדֹר הַלְלוּ־יָהּ׃