1 א   למנצח על-נגינת לדוד br 2 ב   שמעה אלהים רנתי    הקשיבה תפלתי br 3 ג   מקצה הארץ אליך אקרא--    בעטף לבי br בצור-ירום ממני    תנחני br 4 ד   כי-היית מחסה לי    מגדל-עז מפני אויב br 5 ה   אגורה באהלך עולמים    אחסה בסתר כנפיך סלה br 6 ו   כי-אתה אלהים שמעת לנדרי    נתת ירשת יראי שמך br 7 ז   ימים על-ימי-מלך תוסיף    שנותיו כמו-דר ודר br 8 ח   ישב עולם לפני אלהים    חסד ואמת מן ינצרהו br [ (Psalms 61:9) ט   כן אזמרה שמך לעד--    לשלמי נדרי יום יום ]

1 לַמְנַצֵּחַ ׀ עַל־נְגִינַת לְדָוִד׃2 שִׁמְעָה אֱלֹהִים רִנָּתִי הַקְשִׁיבָה תְּפִלָּתִי׃3 מִקְצֵה הָאָרֶץ ׀ אֵלֶיךָ אֶקְרָא בַּעֲטֹף לִבִּי בְּצוּר־יָרוּם מִמֶּנִּי תַנְחֵנִי׃4 כִּי־הָיִיתָ מַחְסֶה לִי מִגְדַּל־עֹז מִפְּנֵי אֹויֵב׃5 אָגוּרָה בְאָהָלְךָ עֹולָמִים אֶחֱסֶה בְסֵתֶר כְּנָפֶיךָ סֶּלָה׃6 כִּי־אַתָּה אֱלֹהִים שָׁמַעְתָּ לִנְדָרָי נָתַתָּ יְרֻשַּׁת יִרְאֵי שְׁמֶךָ׃7 יָמִים עַל־יְמֵי־מֶלֶךְ תֹּוסִיף נֹותָיו כְּמֹו־דֹר וָדֹר׃8 יֵשֵׁב עֹולָם לִפְנֵי אֱלֹהִים חֶסֶד וֶאֱמֶת מַן יִנְצְרֻהוּ׃9 כֵּן אֲזַמְּרָה שִׁמְךָ לָעַד לְשַׁלְּמִי נְדָרַי יֹום ׀ יֹום׃