1 א   למנצח בנגינת מזמור שיר br 2 ב   אלהים יחננו ויברכנו    יאר פניו אתנו סלה br 3 ג   לדעת בארץ דרכך    בכל-גוים ישועתך br 4 ד   יודוך עמים אלהים    יודוך עמים כלם br 5 ה   ישמחו וירננו    לאמים br כי-תשפט עמים מישר    ולאמים בארץ תנחם סלה br 6 ו   יודוך עמים אלהים    יודוך עמים כלם br 7 ז   ארץ נתנה יבולה    יברכנו אלהים אלהינו br [ (Psalms 67:8) ח   יברכנו אלהים    וייראו אותו כל-אפסי-ארץ ]

1 לַמְנַצֵּח בִּנְגִינֹת מִזְמֹור שִׁיר׃2 אֱלֹהִים יְחָנֵּנוּ וִיבָרְכֵנוּ יָאֵר פָּנָיו אִתָּנוּ סֶלָה׃3 לָדַעַת בָּאָרֶץ דַּרְכֶּךָ בְּכָל־גֹּויִם יְשׁוּעָתֶךָ׃4 יֹודוּךָ עַמִּים ׀ אֱלֹהִים יֹודוּךָ עַמִּים כֻּלָּם׃5 יִשְׂמְחוּ וִירַנְּנוּ לְאֻמִּים כִּי־תִשְׁפֹּט עַמִּים מִישֹׁור וּלְאֻמִּים ׀ בָּאָרֶץ תַּנְחֵם סֶלָה׃6 יֹודוּךָ עַמִּים ׀ אֱלֹהִים יֹודוּךָ עַמִּים כֻּלָּם׃7 אֶרֶץ נָתְנָה יְבוּלָהּ יְבָרְכֵנוּ אֱלֹהִים אֱלֹהֵינוּ׃8 יְבָרְכֵנוּ אֱלֹהִים וְיִירְאוּ אֹתֹו כָּל־אַפְסֵי־אָרֶץ׃