1 א   מזמור שירו ליהוה שיר חדש--    כי-נפלאות עשה br הושיעה-לו ימינו    וזרוע קדשו br 2 ב   הודיע יהוה ישועתו    לעיני הגוים גלה צדקתו br 3 ג   זכר חסדו ואמונתו--    לבית ישראל br ראו כל-אפסי-ארץ--    את ישועת אלהינו br 4 ד   הריעו ליהוה כל-הארץ    פצחו ורננו וזמרו br 5 ה   זמרו ליהוה בכנור    בכנור וקול זמרה br 6 ו   בחצצרות וקול שופר--    הריעו לפני המלך יהוה br 7 ז   ירעם הים ומלאו    תבל וישבי בה br 8 ח   נהרות ימחאו-כף    יחד הרים ירננו br 9 ט   לפני יהוה--    כי בא לשפט הארץ br ישפט-תבל בצדק    ועמים במישרים

1 מִזְמֹור שִׁירוּ לַיהוָה ׀ שִׁיר חָדָשׁ כִּי־נִפְלָאֹות עָשָׂה הֹושִׁיעָה־לֹּו יְמִינֹו וּזְרֹועַ קָדְשֹׁו׃2 הֹודִיעַ יְהוָה יְשׁוּעָתֹו לְעֵינֵי הַגֹּויִם גִּלָּה צִדְקָתֹו׃3 זָכַר חַסְדֹּו ׀ וֶאֱמוּנָתֹו לְבֵית יִשְׂרָאֵל רָאוּ כָל־אַפְסֵי־אָרֶץ אֵת יְשׁוּעַת אֱלֹהֵינוּ׃4 הָרִיעוּ לַיהוָה כָּל־הָאָרֶץ פִּצְחוּ וְרַנְּנוּ וְזַמֵּרוּ׃5 זַמְּרוּ לַיהוָה בְּכִנֹּור בְּכִנֹּור וְקֹול זִמְרָה׃6 בַּחֲצֹצְרֹות וְקֹול שֹׁופָר הָרִיעוּ לִפְנֵי ׀ הַמֶּלֶךְ יְהוָה׃7 יִרְעַם הַיָּם וּמְלֹאֹו תֵּבֵל וְיֹשְׁבֵי בָהּ׃8 נְהָרֹות יִמְחֲאוּ־כָף יַחַד הָרִים יְרַנֵּנוּ׃9 לִפְנֵי־יְהוָה כִּי בָא לִשְׁפֹּט הָאָרֶץ יִשְׁפֹּט־תֵּבֵל בְּצֶדֶק וְעַמִּים בְּמֵישָׁרִים׃