1 א   הללו-יה br שירו ליהוה שיר חדש    תהלתו בקהל חסידים br 2 ב   ישמח ישראל בעשיו    בני-ציון יגילו במלכם br 3 ג   יהללו שמו במחול    בתף וכנור יזמרו-לו br 4 ד   כי-רוצה יהוה בעמו    יפאר ענוים בישועה br 5 ה   יעלזו חסידים בכבוד    ירננו על-משכבותם br 6 ו   רוממות אל בגרונם    וחרב פיפיות בידם br 7 ז   לעשות נקמה בגוים    תוכחות בלאמים br 8 ח   לאסר מלכיהם בזקים    ונכבדיהם בכבלי ברזל br 9 ט   לעשות בהם משפט כתוב--    הדר הוא לכל-חסידיו br הללו-יה

1 הַלְלוּ יָהּ ׀ שִׁירוּ לַיהוָה שִׁיר חָדָשׁ תְּהִלָּתֹו בִּקְהַל חֲסִידִים׃2 יִשְׂמַח יִשְׂרָאֵל בְּעֹשָׂיו בְּנֵי־צִיֹּון יָגִילוּ בְמַלְכָּם׃3 יְהַלְלוּ שְׁמֹו בְמָחֹול בְּתֹף וְכִנֹּור יְזַמְּרוּ־לֹו׃4 כִּי־רֹוצֶה יְהוָה בְּעַמֹּו יְפָאֵר עֲנָוִים בִּישׁוּעָה׃5 יַעְלְזוּ חֲסִידִים בְּכָבֹוד יְרַנְּנוּ עַל־מִשְׁכְּבֹותָם׃6 רֹומְמֹות אֵל בִּגְרֹונָם וְחֶרֶב פִּיפִיֹּות בְּיָדָם׃7 לַעֲשֹׂות נְקָמָה בַּגֹּויִם תֹּוכֵחֹת בַּל־אֻמִּים׃8 לֶאְסֹר מַלְכֵיהֶם בְּזִקִּים וְנִכְבְּדֵיהֶם בְּכַבְלֵי בַרְזֶל׃9 לַעֲשֹׂות בָּהֶם ׀ מִשְׁפָּט כָּתוּב הָדָר הוּא לְכָל־חֲסִידָיו הַלְלוּ־יָהּ׃