1 א   לכו נרננה ליהוה    נריעה לצור ישענו br 2 ב   נקדמה פניו בתודה    בזמרות נריע לו br 3 ג   כי אל גדול יהוה    ומלך גדול על-כל-אלהים br 4 ד   אשר בידו מחקרי-ארץ    ותועפת הרים לו br 5 ה   אשר-לו הים והוא עשהו    ויבשת ידיו יצרו br 6 ו   באו נשתחוה ונכרעה    נברכה לפני-יהוה עשנו br 7 ז   כי הוא אלהינו--    ואנחנו עם מרעיתו וצאן ידו br היום    אם-בקלו תשמעו br 8 ח   אל-תקשו לבבכם כמריבה    כיום מסה במדבר br 9 ט   אשר נסוני אבותיכם    בחנוני גם-ראו פעלי br 10 י   ארבעים שנה אקוט בדור--    ואמר עם תעי לבב הם br והם    לא-ידעו דרכי br 11 יא   אשר-נשבעתי באפי    אם-יבאון אל-מנוחתי

1 לְכוּ נְרַנְּנָה לַיהוָה נָרִיעָה לְצוּר יִשְׁעֵנוּ׃2 נְקַדְּמָה פָנָיו בְּתֹודָה בִּזְמִרֹות נָרִיעַ לֹו׃3 כִּי אֵל גָּדֹול יְהוָה וּמֶלֶךְ גָּדֹול עַל־כָּל־אֱלֹהִים׃4 אֲשֶׁר בְּיָדֹו מֶחְקְרֵי־אָרֶץ וְתֹועֲפֹות הָרִים לֹו׃5 אֲשֶׁר־לֹו הַיָּם וְהוּא עָשָׂהוּ וְיַבֶּשֶׁת יָדָיו יָצָרוּ׃6 בֹּאוּ נִשְׁתַּחֲוֶה וְנִכְרָעָה נִבְרְכָה לִפְנֵי־יְהוָה עֹשֵׂנוּ׃7 כִּי הוּא אֱלֹהֵינוּ וַאֲנַחְנוּ עַם מַרְעִיתֹו וְצֹאן יָדֹו הַיֹּום אִם־בְּקֹלֹו תִשְׁמָעוּ׃8 אַל־תַּקְשׁוּ לְבַבְכֶם כִּמְרִיבָה כְּיֹום מַסָּה בַּמִּדְבָּר׃9 אֲשֶׁר נִסּוּנִי אֲבֹותֵיכֶם בְּחָנוּנִי גַּם־רָאוּ פָעֳלִי׃10 אַרְבָּעִים שָׁנָה ׀ אָקוּט בְּדֹור וָאֹמַר עַם תֹּעֵי לֵבָב הֵם וְהֵם לֹא־יָדְעוּ דְרָכָי׃11 אֲשֶׁר־נִשְׁבַּעְתִּי בְאַפִּי אִם־יְבֹאוּן אֶל־מְנוּחָתִי׃