1 א   לדוד מזמור br ליהוה הארץ ומלואה    תבל וישבי בה br 2 ב   כי-הוא על-ימים יסדה    ועל-נהרות יכוננה br 3 ג   מי-יעלה בהר-יהוה    ומי-יקום במקום קדשו br 4 ד   נקי כפים    ובר-לבב br אשר לא-נשא לשוא נפשי    ולא נשבע למרמה br 5 ה   ישא ברכה מאת יהוה    וצדקה מאלהי ישעו br 6 ו   זה דור דרשו    מבקשי פניך יעקב סלה br 7 ז   שאו שערים ראשיכם    והנשאו פתחי עולם br ויבוא    מלך הכבוד br 8 ח   מי זה    מלך הכבוד br יהוה עזוז וגבור    יהוה גבור מלחמה br 9 ט   שאו שערים ראשיכם    ושאו פתחי עולם br ויבא    מלך הכבוד br 10 י   מי הוא זה    מלך הכבוד br יהוה צבאות--    הוא מלך הכבוד סלה

1 לְדָוִד מִזְמֹור לַיהוָה הָאָרֶץ וּמְלֹואָהּ תֵּבֵל וְיֹשְׁבֵי בָהּ׃2 כִּי־הוּא עַל־יַמִּים יְסָדָהּ וְעַל־נְהָרֹות יְכֹונְנֶהָ׃3 מִי־יַעֲלֶה בְהַר־יְהוָה וּמִי־יָקוּם בִּמְקֹום קָדְשֹׁו׃4 נְקִי כַפַּיִם וּבַר־לֵבָב אֲשֶׁר ׀ לֹא־נָשָׂא לַשָּׁוְא נַפְשִׁי וְלֹא נִשְׁבַּע לְמִרְמָה׃5 יִשָּׂא בְרָכָה מֵאֵת יְהוָה וּצְדָקָה מֵאֱלֹהֵי יִשְׁעֹו׃6 זֶה דֹּור [דֹּרְשֹׁו כ] (דֹּרְשָׁיו ק) מְבַקְשֵׁי פָנֶיךָ יַעֲקֹב סֶלָה׃7 שְׂאוּ שְׁעָרִים ׀ רָאשֵׁיכֶם וְהִנָּשְׂאוּ פִּתְחֵי עֹולָם וְיָבֹוא מֶלֶךְ הַכָּבֹוד׃8 מִי זֶה מֶלֶךְ הַכָּבֹוד יְהוָה עִזּוּז וְגִבֹּור יְהוָה גִּבֹּור מִלְחָמָה׃9 שְׂאוּ שְׁעָרִים ׀ רָאשֵׁיכֶם וּשְׂאוּ פִּתְחֵי עֹולָם וְיָבֹא מֶלֶךְ הַכָּבֹוד׃10 מִי הוּא זֶה מֶלֶךְ הַכָּבֹוד יְהוָה צְבָאֹות הוּא מֶלֶךְ הַכָּבֹוד סֶלָה׃